រាជធានីភ្នំពេញ ៖ សមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីព្រលប់ ថ្ងៃទី២០ វិច្ឆិកា បានប្រើប្រាស់កម្លាំងទ្រង់ទា្រយធំចុះទៅចាប់អ្នកបើកលេងល្បែងកន្ទុយលេខដុះស្លែ នៅផ្សារសាមគ្គី សង្កាត់ត្រពាំងក្រសាំង ខណ្ឌពោធិ៍សែនជ័យ ឃាត់មេវង់២នាក់ នឹងអ្នកចាក់២នាក់ដកហូតលុយច្រកបាវ នឹងវត្ថុតាងពាក់ព័ន្ធបទល្មើសមួយចំនួនទៀត ។
មនុស្ស៤នាក់ដែលនគរបាលព្រហ្មទណ្ឌកម្រិតស្រាលឃាត់ខ្លួន១.ឈ្មោះ វួច លា ភេទស្រី អាយុ៣៧ឆ្នាំ(មេកន្ទុយលេខ) ២. ឈ្មោះ សុខ រតនា ភេទប្រុស អាយុ៣៩ឆ្នាំ (មេកន្ទុយលេខ) ៣.ឈ្មោះ សុខ លី ភេទស្រីអាយុ៣២ឆ្នាំ (អ្នកទៅចាក់) នឹង៤.ឈ្មោះ ចាន់ ថន ភេទប្រុស អាយុ៣៩ឆ្នាំ (អ្នកទៅចាក់) ។
ប្រភព័ត៌មានពីអាជីវករលក់ដូរនៅផ្សារសាមគ្គីឲ្យដឹងថា ទីតាំងបើកលេងល្បែងកន្ទុយលេខខាងលើនេះ កើតមានកាន់ឆ្នាំមកហើយមិនដែលឃើញសមត្ថកិច្ចណាចុះបង្ក្រាបទេ ។ មេលេងយកលុយពី អ្នកចាក់ច្រកបាវក្នុង១ថ្ងៃៗ ដោយមានកូនកញ្ច្រែងដើរប្រមូលតាមផ្ទះផងដែរ ។ សកម្មភាពនេះ ល្បីល្បាញយូហើយ តែមិនត្រូវបានអាជ្ញាធរ ឬការិយាល័យជំនាញព្រហ្មទណ្ឌមើលឃើញទេ បើកុំតែមានការចង្អុលបង្ហាញណែនាំពីសំណាក់លោកឧត្តមសេនីយ៍ត្រី ជួន ណារិន្ទ ស្នងការរង និងជាប្រធានការិយាល័យកណ្តាលនគរបាលព្រហ្មទណ្ឌរាជធានីភ្នំពេញ បញ្ចេញកណ្តាប់ដៃឲ្យចុះទៅបង្រ្កាបម្លោះទីតាំងបើកលេងល្បែងកន្ទុយលេខនៅផ្សារសាមគ្គី សង្កាត់ត្រពាំងក្រសាំង ដែលមានមេ២នាក់ប្តីប្រពន្ធរូបនោះប្រមូលប្រាក់សង់វីឡាចំណែកកូនៗវិចលុយទៅចាក់ បានត្រឹមទឹកភ្នែកជួតក្បាលជង្គង់គ្រប់គ្នា លក់ស្រែ លក់ស្រូវអស់ហើយនឹងទ្រព្យសម្បត្តិអស់ហើយ ។
មនុស្ស៤នាក់ក្នុងនោះមានមេបើកទីតាំងលេងល្បែងស៊ីសងកន្ទុយលេខ២នាក់ប្តីប្រ ពន្ធផងនៅមិនទាន់ដឹងថាសមត្តកិច្ចមានចំណាត់ការបន្តយ៉ាងណានោះឡើយ ។
ចែករំលែកព័តមាននេះ