ប្រទេសកម្ពុជា រាជធានីភ្នំពេញ ថ្ងៃ២៣ ខែតុលា ឆ្នាំ២០១៤ ៖ នៅក្នុងរយៈពេលជាង៦ឆ្នាំនេះ ពិធីបុណ្យ Oktoberfest កម្ពុជាបានក្លាយទៅជាពិធីបុណ្យស្រាបៀរដ៏ធំប្រចាំឆ្នាំនៅក្នុងប្រទេសកម្ពុជា ដែលទាក់ទាញអ្នកចូលរួមជាង៣.០០០នាក់ នៅក្នុងរយៈពេល២ថ្ងៃ។ ដោយសារតែមានការចូលរួមគាំទ្រច្រើនពីសំណាក់ភ្ញៀវអញ្ជើញចូលរួម ទើបធ្វើឱ្យពិធីបុណ្យ Oktoberfest កម្ពុជាបានបន្ថែម១ថ្ងៃទៀត គឺសរុបមានរយៈពេល៣ថ្ងៃ ។ កម្មវិធីផ្ដើមធ្វើឡើងដោយសមាគមពាណិជ្ជកម្មអាល្លឺម៉ង់ប្រចាំកម្ពុជា (ADW) និងគាំទ្រដោយ EuroCham កម្ពុជា។ ពិធីបុណ្យ Oktoberfest នឹងចាប់ផ្តើមនៅថ្ងៃទី២៣ ខែតុលា នៅសណ្ឋាគារកាំបូឌីយ៉ាណា ក្នុងនោះឯកអគ្គរាជទូតអាល្លឺម៉ង់ប្រចាំកម្ពុជា លោក Joachim Freiherr Marschall von Bieberstein នឹងចូលរួមបើកសម្ពោធជាផ្លូវការនូវពិធីបុណ្យ Oktoberfest លើកទី៦ ប្រចាំនៅកម្ពុជា ។
លោក Tassilo Brinzer ប្រធានសមាគមពាណិជ្ជកម្មអាល្លឺម៉ង់ប្រចាំកម្ពុជា បានមានប្រសាសន៍ថា ពិធីបុណ្យ Oktoberfest កម្ពុជាបានក្លាយទៅជាកម្មពិធីប្រចាំឆ្នាំមួយដែលត្រូវបានចាត់ទុកជាអ្វីដែលគួរធ្វើសម្រាប់ប្រជាជនក្នុងស្រុក និងភ្ញៀវទេសចរណ៍នៅក្នុងទីក្រុងភ្នំពេញ។ វាគឺជាពិធីបុណ្យដែលបង្ហាញពីវប្បធម៌មួយនៅក្នុងប្រទេសកម្ពុជា ដែលផ្តល់ជូននូវភាពកម្សាន្ត អាហាររសជាតិបែបអាល្លឺម៉ង់ រួមជាមួយនឹងការក្រេបនូវស្រាបៀរដ៏សម្បូរបែប។
ពិធីបុណ្យ Oktoberfest កម្ពុជា ទទួលស្វាគមន៍ស្រាបៀរគ្រប់កម្រិត ទាំងស្រាបៀរផលិតក្នុងស្រុក និងស្រាបៀរគ្រប់ម៉ាកដែលនាំចូលមកពីបរទេសឱ្យចូលរួមនៅក្នុងពិធីបុណ្យ ដើម្បីបញ្ជាក់ឱ្យឃើញពីភាពរីកចម្រើននៃផ្នែកគុណភាពស្រាបៀរនៅកម្ពុជា ។
ភ្ញៀវអញ្ជើញចូលរួមភ្លករសជាតិជម្រើសស្រាបៀរជាច្រើនដូចជា Carlsberg (Denmark), Hoegaarden (Belgium), Beck’s and Hofbrau München Original (Germany) ។ នៅក្នុងនោះដែរ ក៏មានវត្តមានស្រាបៀរនៅក្នុងស្រុកដូចជា ស្រាបៀរអង្គរ ដែលជាស្រាបៀរប្រចាំរបស់ពិធីបុណ្យ Oktoberfest ឆ្នាំ២០១៤ និង Bruntys ។ ស្រាបៀរ Cerevisia Craft គឺជាស្រាបៀរប្រចាំទីក្រុងភ្នំពេញ និងជាស្រាបៀរពិសេសសម្រាប់បង្ហាញនៅក្នុងពិធីបុណ្យ Oktoberfest ព្រមជាមួយនឹងការផ្តល់ជូននូវជម្រើសស្រាបៀរជាច្រើន។
ស្ថិតនៅក្នុងតង់ទំហំដែលផ្តល់ជាទីកន្លែងធំទូលាយសម្រាប់ឱ្យភ្ញៀវធ្វើការទទួលទានអាហារ និងពិសារស្រាបៀរ ព្រមទាំងកំសាន្តសប្បាយជាមួយនឹងការសម្តែងរបស់ក្រុមតន្ត្រី Gaudiblosn អញ្ជើញមកពីទីក្រុងម៉ុនិច ប្រទេសអាល្លឺម៉ង់ផងដែរ ។ នៅក្នុងនោះដែរ អ្នកលេងសៀក Prince Samao ប្រចាំប្រទេសកម្ពុជា នឹងបង្ហាញពីសៀករហ័សកម្មរបស់គាត់ផ្តល់ជាភាពសប្បាយរីករាយនៅក្នុងកម្មវីធី។ រួមជាមួយនឹងហេ្គមកម្សាន្តសប្បាយជាច្រើនទៀត សម្រាប់ជាការទាក់ទាញអារម្មណ៍របស់ភ្ញៀវគ្រប់គ្នាដែលអញ្ជើញចូលរួមនៅក្នុងរាត្រីនោះ។ ក្រៅពីនោះភ្ញៀវចូលរួមនឹងមានការប្រកួតញ៉ាំហតដកសម្រាប់ស្វែងរកអ្នកឈ្នះរង្វាន់គូប៉ុងចំនួន៥០ដុល្លារ ក្នុងការទទួលទាន និងពិសារភេជ្ជសៈនានា។ សូមអញ្ជើញចូលរួមទាំងអស់គ្នាដើម្បីទទួលបាននូវភាពសប្បាយរីករាយក្នុងរយៈពេលបីថ្ងៃជាប់គ្នាជាមួយនឹងកម្មវិធីជប់លៀងដ៏ធំប្រចាំ៕
ចែករំលែកព័តមាននេះ