រាជធានីភ្នំពេញ ៖ លោកប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាអនុប្រធានទី១ អាជ្ញាធរមីន អមដំណើរដោយលោកសេរី កុសល ទេសរដ្ឋមន្ត្រី និងជាអនុប្រធានទី២ អាជ្ញាធរមីន បានអញ្ជើញជាអធិបតីក្នុងពិធីផ្ទេរ និងចូលកាន់តំណែងអគ្គលេខាធិការអាជ្ញាធរមីន កាលពីវេលាព្រឹកថ្ងៃទី២២ តុលា ២០១៤ ដែលរៀបចំនៅសាលប្រជុំអាជ្ញាធរមីន ។
រាជធានីភ្នំពេញ ៖ លោកប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាអនុប្រធានទី១ អាជ្ញាធរមីន អមដំណើរដោយលោកសេរី កុសល ទេសរដ្ឋមន្ត្រី និងជាអនុប្រធានទី២ អាជ្ញាធរមីន បានអញ្ជើញជាអធិបតីក្នុងពិធីផ្ទេរ និងចូលកាន់តំណែងអគ្គលេខាធិការអាជ្ញាធរមីន កាលពីវេលាព្រឹកថ្ងៃទី២២ តុលា ២០១៤ ដែលរៀបចំនៅសាលប្រជុំអាជ្ញាធរមីន ។
ក្នុងពិធីនោះ លោកជុំ ប៊ុនរ៉ុង ដែលត្រូវផ្លាស់ចេញពីអគ្គលេខាធិការអាជ្ញាធរមីនបានឱ្យដឹងថា អស់រយៈពេលជាង៦ឆ្នាំមកហើយតាំងពីលោកបានធ្វើការនៅអាជ្ញាធរមីន ក្នុងនាមជាអគ្គលេខាធិការ ហើយលោកមិនគិតថា ជារយៈពេលយូរនោះទេ ។ ហេតុផលយ៉ាងសាមញ្ញសម្រាប់លោក គឺពួកយើងបានស្ថិតនៅលើខ្សែជីវិតតែមួយ និងបានរួមជាមួយគ្នាយ៉ាងល្អប្រសើរ នៅលើវិថីតែមួយឆ្ពោះទៅរកការសម្រេចឱ្យបាននូវគោលដៅរួមក្នុងអារម្មណ៍ដ៏កក់ក្តៅបំផុត ជាមួយនិងការដឹកនាំប្រកបដោយភាពជឿជាក់ ។
ចំណែកលោកព្រំ សុភមង្គល ដែលទើបតែទទួលតំណែងថ្មី ជាអគ្គលេខាធិការអាជ្ញាធរមីនបានឱ្យដឹងដែរថា លោកមានសេចក្តីសោមនស្សរីករាយយ៉ាងក្រៃលែង ដែលទទួលបាននូវទំនុកចិត្ត និងភាពជឿជាក់ខ្ពស់ ពីសំណាក់រាជរដ្ឋាភិបាល ដែលបានអនុញ្ញាតឱ្យលោកមានឱកាសបម្រើជាតិយ៉ាងពេញលេញ តាមរយៈការតែងតាំងជាអគ្គលេខាធិការអាជ្ញាធរកម្ពុជា គ្រប់គ្រងសកម្មភាពកំចាត់មីន និងសង្គ្រោះជនពិកាដោយសារមីន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ