រាជធានីភ្នំពេញ ៖ បុរសម្នាក់ជាមន្រ្តីយោធានៅកងពល ង៧០ ស្រវឹងស្រាបានបើករថយន្តទៅបុករះរថយន្ត៣គ្រឿងបន្តបន្ទាប់គ្នាបណ្តាលឱ្យរងការខូចខាត ហើយរថយន្តបង្កនោះបានដាច់កង់ខាងឆ្វេងបើកទៅមុខលែងរួចតែសំណាងល្អនៅក្នុងហេតុការណ៍នេះមិនមានមនុស្សណាម្នាក់រងគ្រោះថ្នាក់នោះទេ ។ ហេតុការណ៍ខាងលើនេះកើតឡើង នៅវេលាម៉ោង៦ ល្ងាច ទី២១ តុលា ២០១៤ នៅទល់មុខច្រកចូលសាលាឯកជន សុវណ្ណភូមិ ស្ថិតក្នុងភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុឃើញរថយន្តមួយគ្រឿងម៉ាក កាមរីឆ្លាម មួយគ្រឿងពណ៌ទឹកមាស ពាក់ស្លាកលេខភ្នំពេញ 2M-1012 បើកដោយបុរសម្នាជាមន្រ្តីយោ ក្នុងស្ថានភាពស្រវឹងស្រាដោយធ្វើដំណើរ តាមផ្លូវជាតិលរខ៤ ក្នុងទិសដៅពីកើតទៅលិច មកដល់ចំណុចកើតហេតុរថយន្តកាមរីឆ្លាមបានបើបត់ឆ្លងផ្លូវក្នុងលឿនយ៉ាងលឿន ក៏បានជ្រុលទៅបុករថយន្តឡិចស៊ីស RX-330 មួយគ្រឿងពាក់ស្លាលេខភ្នំពេញ2T-6489 ដែលបើកបរក្នុងទិសដៅណីលិច ទៅកើត បណ្តាលឱ្យខូចខាតចំហៀងខាងឆ្វេង ។ បន្ទាប់មកក៏បានជ្រុលទៅបុករថយន្តកូរ៉ូឡា ពណ៌ទឹកមាស ពាក់ស្លាកលរខភ្នំពេញ2U-6891 ដែលបើកស្របទិសគ្នាជាមួយរថយន្តឡិច ស៊ីស បណ្តាលឱ្យខូចខាតគូទខាងក្រោយ ហើយរថយន្តមិនទាន់អស់ល្បឿន ក៏ជ្រុលទៅបុលករថយន្តវីហ្គោ ពណ៌ទឹកប្រាក់មួយគ្រឿងទៀត បណ្តាលឱ្យរថយន្តកាមរីឆ្លាមខាងលើដាច់កង់ខាងឆ្វេងទៅមុខលែងរួចតែម្តង ។
បន្ទាប់ពីបើកបុករថយន្តគេឯងហើយគេឃើញបុរសបើករថយន្តបង្កដែលជាមន្រ្តីយោធាចុះមកក្នុងស្ថានភាពស្រវឹងមកនិយាយរករឿងដល់ភាគីរងគ្រោះ ។
ក្រោយពេលកើតហេតុសមត្ថកិច្ចបានយករថយន្តទាំង៤គ្រឿងទៅកាន់អធិការដ្ឋានខណ្ឌពោធិ៍សែនជ័យដើម្បីធ្វើការដោះស្រាយគ្នាតាមនិតិវិធីច្បាប់ ។
ចែករំលែកព័តមាននេះ