រាជធានីភ្នំពេញ ៖ ​បើគ្មានអ្វីប្រែប្រួលនោះទេ ​ក្រុមការងារពិភាក្សា​បា្រក់ឈ្នួល​អប្បបរមាផ្នែកវាយនភ័ណ្ឌ​កាត់ដេរសម្លៀកបំពាក់ និងផលិតស្បែងជើង​សម្រាប់ឆ្នាំ២០១៥​​ នឹងចាប់ផ្តើមជជែកគ្នានៅម៉ោង៣រសៀល​ថ្ងៃទី២០​ តុលា​ ២០១៤ ។

ការពិភាក្សា​ចរចាបា្រក់ឈ្នួលកម្មករ​ដែលប្រព្រឹត្តទៅនៅ​ទីស្តីការក្រសួងការងារ​និងបណ្តុះបណ្តាលវិជ្ជាជីវៈ ​ស្ថិតនៅតាមបណ្តោយ​មហាវិថីសហព័ន្ឋរុស្ស៊ី​ ក្នុងខណ្ឌទួលគោកនោះ​នឹងមានការចូលរួមតំណាង​ឲ្យភាគីរាជរដ្ឋាភិបាល០៩រូប ​ភាគី​កម្មករ​និយោជិត០៩រូប និង ភាគីតំណាង​ថៅកែរោងចក្រ០៩រូប​ ។

បើតាមលិខិតអញ្ជើញ​របស់ក្រសួងការងារ ​ការពិភាក្សានឹងប្រព្រឹត្ត​រយៈពេល១០ថ្ងៃ​ចាប់ពីថ្ងៃចន្ទនេះ​ រហូតដល់ថ្ងៃទី៣០ តុលា ​២០១៤ ។

ព័ត៌មានលម្អិត​នឹងមានផ្សាយជូន​នៅលើសារព័ត៌មាន​កោះសន្តិភាព ៕