ខេត្តបន្ទាយមានជ័យ ៖ ផ្ទះពីរខ្នងមានចំនួន៣ល្វែង ធ្វើអំពីឈើប្រក់សង្ក័សី ជញ្ជាំងក្តារមានទំហំ ៩ម៉ែត្រ គុណ ៧ម៉ែត្រ ត្រូវបានអគ្គិភ័យលេបត្របាក់អស់ទាំងស្រុង រួមទាំងទ្រព្យសម្បត្តិក្នុងផ្ទះផងដែរ ។ ហេតុការណ៍នេះបានបង្កឱ្យមានការភ្ញាក់ផ្អើលនៅវេលាម៉ោង ១០ និង ៣០ នាទីព្រឹក ថ្ងៃទី ១៩ កញ្ញា ២០១៤ ស្ថិត
ខេត្តបន្ទាយមានជ័យ ៖ ផ្ទះពីរខ្នងមានចំនួន៣ល្វែង ធ្វើអំពីឈើប្រក់សង្ក័សី ជញ្ជាំងក្តារមានទំហំ ៩ម៉ែត្រ គុណ ៧ម៉ែត្រ ត្រូវបានអគ្គិភ័យលេបត្របាក់អស់ទាំងស្រុង រួមទាំងទ្រព្យសម្បត្តិក្នុងផ្ទះផងដែរ ។ ហេតុការណ៍នេះបានបង្កឱ្យមានការភ្ញាក់ផ្អើលនៅវេលាម៉ោង ១០ និង ៣០ នាទីព្រឹក ថ្ងៃទី ១៩ កញ្ញា ២០១៤ ស្ថិតក្នុងភូមិគោកវល្លិយាវស្រែល្អ ឃុំគោករមៀត ស្រុកថ្មពួក ខេត្តបន្ទាយមានជ័យ ។
តាមនគរបាលស្រុកថ្មពួកបានប្រាប់ឱ្យដឹងថា ម្ចាស់ផ្ទះដែលត្រូវអគ្គិភ័យលេបត្របាក់នេះមានឈ្មោះ ថាប់ លាក់ ភេទប្រុស អាយុ៣២ឆ្នាំ រស់នៅនឹងកន្លែងកើតហេតុ ។ តាមការរៀបរាប់ពីឈ្មោះ ព្រឿង សំណាង អាយុ២៩ឆ្នាំ ជាប្រពន្ធរបស់ម្ចាស់ផ្ទះខាងលើ បានប្រាប់សមត្ថកិច្ចឱ្យដឹងថា នៅមុនពេលកើតហេតុខ្លួនបានដាំបាយ និងរៀបចំហូបជាមួយក្រុមគ្រួសារ បន្ទាប់ពីហូបបាយរួចប្តី របស់គាត់បានទៅបាញ់ថ្នាំដំឡូង ហើយរូបនាងបាននាំកូនទៅលេងផ្ទះម្តាយដែលនៅចម្ងាយពីគ្នា២០០ម៉ែត្រ ដែលមិនបានពន្លត់អុសនៅក្នុងចង្រ្កាននោះទេ ដែលធ្វើឱ្យភ្លើងឆេះធ្លាក់មកខាងក្រោមផ្ទះ បណ្តាលឱ្យឆាបឆេះពំនូកឈើទុកក្រោមផ្ទះក្លាយទៅជាអគ្គិភ័យតែម្តង សូម្បីតែសម្ភារប្រើប្រាស់នៅក្នុងផ្ទះទាំងប៉ុន្មានត្រូវអគ្គិភ័យលេបត្របាក់អស់គ្មានសល់។
ចែករំលែកព័តមាននេះ