ខេត្តស្វាយរៀង ៖ មានកម្មការិនីប្រមាណ២០នាក់បានដួលសន្លប់ជាបន្តបន្ទាប់មូលហេតុខ្វះខ្យល់អុកស៊ីសែនដែលមន្រ្តីមន្ទីរការងារនិងបណ្តុះបណ្តាលវិជ្ជាជីវះខេត្តនិយាយថា ក្នុងអាគាររោងចក្ររៀបចំមិនត្រឹមត្រូវតាមបទដ្ឋានបច្ចេកទេសបណ្តាលឲ្យខ្វះខ្យល់អុកស៊ីសែន ។ ករណីកម្មការិនីដួលសន្លប់នេះបានកើតឡើងកាលពីវេលាម៉ោង៩ព្រឹក ថ្ងៃទី១៧ កញ្ញា ២០១៤ នៅរោងចក្រលូថៃ ដែលជារោងចក្របង្កើតថ្មីមិនទាន់សុំច្បាប់ធ្វើអាជីវកម្មនៅឡើយ រោងចក្រកាត់ដេសម្លៀកបំពាក់ស្ថិតនៅភូមិស្វាយតឿ សង្កាត់ស្វាយតឿ ក្រុងស្វាយរៀង ។
បើតាមនារីរងគ្រោះឈ្មោះ សួស រាជនី អាយុ២១ឆ្នាំ ជាកម្មការិនីរោងចក្រលូថៃមានទីលំនៅភូមិស្វាយធំ ឃុំស្វាយរំពារ ស្រុកស្វាយទាប បានឲ្យដឹងថា មុនពេលកើតហេតុរូបនាងនិងមិត្តរួមការងារបានចូលធ្វើការធម្មតាលុះម៉ោងប្រមាណ៩ព្រឹក ស្រាប់តែមានអាការៈវិលមុខពិបាកដកដង្ហើមក៏ដួលសន្លប់តែម្តង។ រីឯកម្មការិនីផ្សេងៗទៀតក៏ចាប់ផ្តើមវិលមុខដួលសន្លប់ជាបន្តបន្ទាប់ដែរ រហូត២០នាក់ទើបបុគ្គលិកថៅកែរោងចក្រហៅរថយន្តសាមុយដឹកកម្មការនីរោងចក្រ១០នាក់ទៅមន្ទីរពេទ្យខេត្តនិង១០នាក់មកគ្លីនិកផាសុខភាព ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ