រាជធានីភ្នំពេញ ៖ នាយកដ្ឋាននគរបាលព្រហ្មទណ្ឌក្រសួងមហាផ្ទៃ ដឹកនាំដោយលោកវរសេនីយ៍ទោ ស៊ី ផល្លា កាលពីវេលាព្រឹកថ្ងៃទី១៧ កញ្ញា បានឃាត់ខ្លួនយុវជនម្នាក់ពីបទរំលោភសេពសន្ថវៈកុមារីអាយុ៣ឆ្នាំ នៅភូមិហាងសាំង សង្កាត់គីឡូម៉ែត្រលេខ៦ ខណ្ឌប្ញស្សីកែវ ។
យុវជនជាប់ចោទឈ្មោះ គង់ សុធិ ហៅអាប៉ូយ អាយុ១៥ឆ្នាំ មានលំនៅភូមិដំណាក់មានជ័យ ឃុំព្រះនិព្វាន ស្រុកគងពិសី ខេត្តកំពង់ស្ពឺ ។
តាមពាក្យបណ្តឹងឱ្យដឹងថា កាលពីថ្ងៃទី២ ធ្នូ ២០១៣ វេលាម៉ោង៧យប់ ជនសង្ស័យបានអង្គុយលេងនៅលើគ្រែមុខផ្ទះ ពេលនោះឃើញកុមារីរងគ្រោះដើរកាត់ ក៏បក់ដៃហៅចូលលេង ហើយចាប់កុមារីរងគ្រោះរំលោភនៅលើគ្រែរហូតបានសម្រេច រួចរត់គេចបាត់ស្រមោល រហូតដល់ថ្ងៃខាងលើ សមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយអង្គភាពការពារកុមារ(CPU)ស្រាវជ្រាវឃាត់ខ្លួនបានតែម្តង ។
ក្រោយពីឃាត់ខ្លួន ជនសង្ស័យបានប្រគល់ជូនទៅនគរបាលខេត្តកំពង់ស្ពឺ ចាត់ការតាមនីតិវិធី ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ