រាជាធានីភ្នំពេញ ៖ Samsung Electronics Co., Ltd. ដែលជាក្រុមហ៊ុនធំបំផុតជាងគេ និងជាក្រុមហ៊ុនផលិតទូរទស្សន៍លេខ១ ក្នុងពិភពលោកអស់រយ:ពេល8ឆ្នាំជាប់គ្នា ហើយក៏ជាក្រុមហ៊ុនទូរទស្សន៍លេខ១ ក្នុងព្រះរាជាណាចក្រកម្ពុជា ។ ហើយថ្មីៗនេះ ក្រុមហ៊ុនបានប្រកាសពីគម្រោងក្នុងការពង្រីកបន្ថែមទៀត នូវប្រព័ន្ធអេកូឡូស៊ី UHD របស់ខ្លួន ដោយបានសហការជាមួយដៃគូជាច្រើន ដើម្បីជួយជំរុញឲ្យកម្មវិធីនេះអាចដំណើរការប្រើប្រាស់យ៉ាងឆាប់រហ័សបំពេញតម្រូវការអតិថិជន។
លោក Won Jin Lee អនុប្រធានប្រតិបត្តិជាន់ខ្ពស់ នៃការបង្ហាញរូបភាពពាណិជ្ជកម្មរបស់ក្រុមហ៊ុន Samsung Electronics បាននិយាយថា «សម័យ UHD បានចាប់ផ្តើមពេញនិយមហើយ និងកំពុងបន្តរីករាលដាលកាន់តែខ្លាំង ព្រោះវាគឺជាកម្មវិធីសំខាន់ដែលផ្តល់ជូនអតិថិជននូវជម្រើសកម្សាន្តកាន់តែច្រើន នៅពេលដែលវាក្លាយជាកម្មវិធី UHD» ។ លោកបន្ថែមទៀតថា « យើងកំពុងផ្តល់ជូនអតិថិជនរបស់យើងជាមួយនឹងការរៀបចំយ៉ាងទូលំទូលាយនៃកម្មវិធី UHD ដើម្បីការកម្សាន្តរីករាយជាមួយទូរទស្សន៍កោង UHD ដ៏គួរឲ្យទាក់ទាញអារម្មណ៍របស់បំផុត»។
ក្រុមហ៊ុន Samsung គ្រោងនឹងសម្ពោធដាក់ឲ្យដំណើរការប្រព័ន្ធអេកូឡូស៊ី UHD ជាមួយការបម្រើសេវាកម្មរបស់Amazon’s UHD VOD UHD នៅក្នុងខែតុលានេះ នៅទូទាំងពិភពលោក។ ហើយក៏បានពង្រីកការបម្រើសេវាកម្ម UHD VOD របស់ក្រុមហ៊ុន Netflix នៅក្នុងទ្វីបអឺរ៉ុប និងបណ្តាប្រទេសផ្សេងទៀត ចាប់តាំងពីខែមីនាមកម្លេះ។ ទាំងនេះមានន័យថា អតិថិជនអាចប្រើប្រាស់កម្មវិធីនេះ បានជាមួយការបម្រើសេវាកម្មរបស់ដៃគូដ៏សំខាន់ៗជាច្រើនដូចជា Maxdome, Wuaki.tv, និង CHILI, SanDisk, 20th Century Fox, ស្ថាប័ន Warner Brothers, Paramount និង Western Digital ដើម្បីទទួលបាននូវរូបភាពច្បាស់ឥតខ្ចោះ និងកម្មវិធីដែលមានគុណភាពល្អបំផុត។ នៅពេលដែលលោកអ្នកបានភ្ជាប់ប្រព័ន្ធអេកូឡូស៊ី UHD ផ្តល់រូបភាពច្បាស់ឥតខ្ចោះនេះ លោកអ្នកនឹងអាចទស្សនាកម្មវិធីទូរទស្សន៍ពេញនិយមរបស់ខ្លួន ដូចជាបណ្តុំខ្សែភាពយន្តខ្នាតធំល្បីៗ និងភាពយន្តឯកសារ។ ជាពិសេសអតិថិជនអាចចម្លងទុកនិងដាក់ឈ្មោះចំណងជើងនៃឯកសារនេះបាន។
ក្រុមហ៊ុន Samsung បានធ្វើការងារយ៉ាងសកម្មជាមួយដៃគូជាច្រើននៅគ្រប់តំបន់នៅក្នុងវិស័យនេះ ដើម្បីស្វែងរកដំណោះស្រាយកាន់តែល្អប្រសើរសម្រាប់ការចែកចាយកម្មវិធី UHD សុវត្ថិភាពមួយជូនដល់អតិថិជនរបស់ខ្លួននិងអ្នកប្រើប្រាស់ផ្សេងៗទៀត។ ជាមួយគ្នានេះ អ្នកប្រើប្រាស់នេះអាចប្រើប្រាស់កម្មវិធីនេះបានតាមរយៈទូរទស្សន៍ទំនើបផង ឬឧបករណ៍ប្រើប្រាស់ផ្សេងៗ ដូចជា កុំព្យូទ័រលើតុ កុំព្យូទ័រផ្ទាល់ខ្លួន ទូរស័ព្ទដៃស្មាតហ្វូន ដែលអាចភ្ជាប់ អ៊ីនធើណិត និងអនឡាញបាន៕
ចែករំលែកព័តមាននេះ