រាជធានីភ្នំពេញ ៖ រឿងរ៉ាវបេះដូងប្រែពណ៌គួរឱ្យហួសចិត្តបំផុតមួយបានកើតឡើងខណៈដែលស្ត្រីម្នាក់មានប្តី និងមានកូនអាយុ៥ឆ្នាំទៅហើយ បែរជាលួចមានសហាយជាមួយប្រុសជាកម្មករសំណង់ម្នាក់ដែលស្នាក់នៅបន្ទប់ផ្ទះជួលជិតគ្នា ពេលដែលប្តីជាប់រវល់ទៅធ្វើការនៅតាមខេត្តជាញឹកញាប់ ។ ពិតណាស់ថា គ្មានអ្វីនៅលើលោកនេះអាចបិទបាំងរហូតនោះឡើយ ដែលទីបំផុតរឿង
រាជធានីភ្នំពេញ ៖ រឿងរ៉ាវបេះដូងប្រែពណ៌គួរឱ្យហួសចិត្តបំផុតមួយបានកើតឡើងខណៈដែលស្ត្រីម្នាក់មានប្តី និងមានកូនអាយុ៥ឆ្នាំទៅហើយ បែរជាលួចមានសហាយជាមួយប្រុសជាកម្មករសំណង់ម្នាក់ដែលស្នាក់នៅបន្ទប់ផ្ទះជួលជិតគ្នា ពេលដែលប្តីជាប់រវល់ទៅធ្វើការនៅតាមខេត្តជាញឹកញាប់ ។ ពិតណាស់ថា គ្មានអ្វីនៅលើលោកនេះអាចបិទបាំងរហូតនោះឡើយ ដែលទីបំផុតរឿង អាស្រូវនេះក៏បែកធ្លាយ។ ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី២៨ សីហា នៅក្នុងភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ ។
តាមប្រភពព័ត៌មានជុំវិញរឿងអាស្រូវខាងលើនេះឱ្យដឹងថា បុរសជាប្តីឈ្មោះ សែម វ៉ែន អាយុ៣០ឆ្នាំ ជាបុគ្គលិកក្រុមហ៊ុនអគ្គិសនី មានស្រុកកំណើតនៅភូមិអូរព្រាល ឃុំស្វាយរំពា ស្រុកបសេដ្ឋ ខេត្តកំពង់ស្ពឺ ចំណែកបុរសដែលជាប់ឈ្មោះជាសហាយជាមួយប្រពន្ធគេនោះឈ្មោះ ឆេង រ៉េន អាយុ២៦ឆ្នាំ ជាកម្មករសំណង់។ ដោយឡែក ស្ត្រីដែលជាប់ចោទផិតក្បត់ប្តីនេះឈ្មោះ ពើប ច្រឹប អាយុ២៨ឆ្នាំ ជាកម្មការិនីរោងចក្រកាត់ដេរ ស្នាក់នៅបន្ទប់ជួល ។
តាមប្រភពព័ត៌មានទាក់ទិននឹងស្នេហាត្រីកោណខាងលើនេះឱ្យដឹងថា បុរសឈ្មោះសែម វ៉ែន បានរៀបការជាមួយនាង ពើប ច្រឹប អស់រយៈពេល៦ឆ្នាំមកហើយ ។ ក្នុងចន្លោះពេលរស់នៅជាមួយគ្នានេះ គូស្នេហ៍ទាំងពីរបានបង្កើតចំណងជីវិតដ៏ផូរផង់មួយ គឺកូនស្រីអាយុ៥ឆ្នាំម្នាក់រស់នៅជាមួយស្ត្រីជាភរិយានៅបន្ទប់ផ្ទះជួលខាងលើ ។ បុ៉ន្តែមួយរយៈកន្លងមកនេះ បុរសជាប្តីដែលជាបុគ្គលិកក្រុមហ៊ុនអគ្គិសនី តែងតែចេញទៅធ្វើការតាមបណ្តាខេត្តនានាជាញឹកញាប់ មិនសូវមានពេលនៅជួបជុំប្រពន្ធកូនទេ ។ ដោយហេតុដូច្នេះហើយ ទើបស្ត្រីជាប្រពន្ធមានអារម្មណ៍អផ្សុក តែងតែលួចមានទំនាក់ទំនងជាមួយកម្មករសំណង់ម្នាក់ដែលនៅជិតបន្ទប់គ្នា រហូតដល់លួចផិតក្បត់ឆ្អែតឆ្អន់គួរឱ្យខ្មាសអៀនបំផុត ។
ដោយសារតែភ្លើងតណ្ហារបស់ស្ត្រីដែលមានប្តីរួចហើយលួចផិតក្បត់ជាមួយសហាយកាន់តែពោះកញ្ជ្រោលស្ទើរតែធ្លាយចេញជាចំហក្នុងលក្ខណៈគ្រួសារស្ត្រីម្នាក់យកប្តីពីរ ទើបម្តាយបង្កើតរបស់នាងដាច់ចិត្តទូរស័ព្ទប្រាប់កូនប្រសា ហៅមកពិនិត្យមើលដោយផ្ទាល់នឹងភ្នែក ដើម្បីកុំឱ្យថាម្តាយចេះតែចោទប្រកាន់ ។ ខណៈពេលដែលប្តីមកដល់បន្ទប់ផ្ទះជួល ម្តាយបានចាក់សោពីក្រោយឱ្យចូលមក ក៏ឃើញបុរសជាសហាយស្មន់ និងស្ត្រីជាប្រពន្ធកំពុងស្នាក់នៅក្នុងផ្ទះជាមួយគ្នា ទើបបុរសជាប្តី និងម្តាយបង្កើតរបស់ស្ត្រីជាប់ចោទទូរស័ព្ទហៅសមត្ថកិច្ច និងអាជ្ញាធរមូលដ្ឋានចុះជួយអន្តរាគមន៍ ។
ពេលទាល់ច្រក ស្ត្រីជាភរិយាបានសារភាពតាមត្រង់ថា ខ្លួនពិតជាលួចស្រឡាញ់គ្នាជាមួយកម្មករសំណង់ម្នាក់នេះអស់រយៈពេលជាច្រើនខែមកហើយ និងរួមរស់នៅជាមួយគ្នារាប់ភ្លេចទៀតផង ។ ផ្តើមចេញពីបញ្ហានេះ បុរសជាប្តីតាំងចិត្តថា បើជ្រុលជាបែបនេះទៅហើយ មានតែលែងលះដើម្បីដោះស្រាយបញ្ហា ទុកឱ្យគូស្នេហ៍ចុងក្រោយរួមរស់ជាមួយគ្នាឱ្យបានសេចក្តីសុខទៅចុះ ។
នៅបុ៉ស្តិ៍នគរបាលស្ទឹងមានជ័យ កាលពីព្រឹកថ្ងៃទី២៨ សីហា ភាគីពាក់ព័ន្ធក្នុងស្នេហាត្រីកោណ ហាក់ដូចជាមានចិត្តអល់អែកទាំងសងខាងក្នុងពេលដែលបុរសជាសហាយបានសុខចិត្តចេញលុយចំនួន២៥០ដុល្លារឱ្យទៅបុរសជាប្តី ក្នុងគោលបំណងបញ្ចប់នូវរឿងប្តឹងប្តល់ក្នុងរឿងស្នេហារបស់ពួកគេទាំងអស់គ្នា ។ បុ៉ន្តែបុរសជាប្តី ក្នុងមនោសញ្ចេតនាគិតគូរវែងឆ្ងាយដល់កូនស្រី ក៏សម្រេចចិត្តពន្យារពេលក្នុងរឿងនេះ ដោយទាមទារឱ្យបុរសជាសហាយស្មន់ឈប់ទាក់ទងជាមួយប្រពន្ធរបស់ខ្លួនមួយរយៈ រង់ចាំប្តឹងប្តល់លែងលះគ្នានៅឯស្រុកកំណើតរៀងៗខ្លួនដើម្បីបញ្ចប់បញ្ហាស្នេហាស្មុគស្មាញ និងអាស្រូវកេរ្តិ៍នេះសិន ៕
ចែករំលែកព័តមាននេះ