រាជធានីភ្នំពេញ ៖ អភិបាលរងខណ្ឌមានជ័យ លោក ឌី រ័ត្នខេមរុណ កាលពីព្រឹកថ្ងៃទី២៩ សីហា បានអញ្ជើញជាអធិបតីក្នុងពិធីប្រគល់សញ្ញាបត្រ ថ្នាក់បរិញ្ញាបត្ររង ជូនដល់និស្សិតចំនួន២៧នាក់នៅវិទ្យាស្ថានគ្រប់គ្រងភីស៊ីអិល ។
ថ្លែងក្នុងឱកាសនោះ លោក ឌី រ័ត្នខេមរុណ ឱ្យដឹងថា សង្គមយើងសព្វថ្ងៃមានការរីកចម្រើនលឿនណាស់ បើម្នាក់ៗមិនខំប្រឹងរៀនទេនោះ ដើរមិនទាន់គេទេ ពិសេសនៅឆ្នាំ២០១៥ខាងមុខនេះ ប្រទេសយើងនឹងធ្វើសមាហរណកម្មជាមួយអាស៊ាន ហើយការផ្លាស់ប្តូរបទពិសោធពីគ្នាទៅវិញទៅមក ពិតជាមានជាក់ជាមិនខាន ។
លោកអភិបាលរងក៏បានលើកឡើងថា សព្វថ្ងៃនេះ រាជរដ្ឋាភិបាលបានចាត់ទុកវិស័យអប់រំ ជាវិស័យអាទិភាពមួយ ក្នុងចំណោមវិស័យដទៃទៀត ដោយខិតខំប្រឹងប្រែងលើកកម្ពស់ការបណ្តុះបណ្តាល និងការអភិវឌ្ឍធនធានមនុស្សនៅគ្រប់ផ្នែកនិងគ្រប់ទូទាំងប្រទេស ៕
ចែករំលែកព័តមាននេះ