រាជធានីភ្នំពេញ ៖ ក្រុមហ៊ុន Samsung បានចុះហត្ថលេខាលើកិច្ចព្រមព្រៀងជាមួយគណៈកម្មាធិការអូឡាំពិកអន្តរជាតិ (IOC) លើឧបករណ៍ទំនាក់ទំនង និងកុំព្យូទ័រ Wirelss ដើម្បីពង្រីកប្រភេទផលិតផល ការប្តេជ្ញាចិត្តពង្រឹង ក៏ដូចជាធ្វើឱ្យកីឡាអូឡាំពិកកាន់តែប្រសើរ។ នៅទីក្រុងណានជីង ប្រទេសចិននាថ្ងៃទី17 សីហា ឆ្នាំ2014 គណៈកម្មាធិការអូឡាំពិកអន្តរជាតិ (IOC) និងក្រុមហ៊ុន Samsung Electronics Co, Ltd ដែលជាដៃគូរឧបត្ថម្ភនៅឧបករណ៍ទំនាក់ទំនង Wirelss ក្នុងព្រឹត្តការណ៍កីឡាអូឡាំពិកពិភពលោក បានប្រកាសអំពីការចុះហត្ថលេខាលើកិច្ចព្រមព្រៀងបន្តផ្គត់ផ្គង់ នឹងភាពជាដៃគូនៃព្រឹត្តការណ៍កីឡាអូឡាំពិករហូតដល់ឆ្នាំ2020 រវាងលោក Thomas Bach ប្រធាន IOC និងលោក Jay Y. Lee អនុប្រធានក្រុមហ៊ុន Samsung Electronics ដែលជាម្ចាស់ផ្ទះនៃព្រឹត្តិការណ៍កីឡាយុវជនអូឡាំពិករដូវក្តៅលើកទី 2។
លោក Younghee Lee អនុប្រធានប្រតិបត្តិជាន់ខ្ពស់នៃទីផ្សារសកល ផ្នែកបច្ចេកវិជ្ជា និងទូរស័ព្ទរបស់ក្រុមហ៊ុន Samsung Electronics បានមានប្រសាសន៍ថា «ក្រុមហ៊ុន Samsung មានគោលបំណងផ្សព្វផ្សាយស្មារតីកីឡាអូឡាំពិកតាមរយៈផលិតផលបច្ចេកវិជ្ជាប្រកបដោយភាពច្នៃប្រឌិតរបស់យើងដែលអនុញ្ញាតឱ្យអ្នកគាំទ្រទាំងអស់នៅជុំវិញពិភពលោក អាចភ្ជាប់ទំនាក់ទំនង និងចែករំលែកភាពរំភើបរីករាយពីកីឡាអូឡាំពិកនេះ។ យើងមានមោទនភាពក្នុងការពង្រីកនៃការចូលរួមរបស់យើងពិតជាសំខាន់ ដើម្បីជរុញលើកទឹកចិត្តមនុស្សតាមរយៈក្តីប្រាថ្នា ដែលស្ថិតនៅពីក្រោយការប្រកួត និងរួមចំណែកដល់ការវិវឌ្ឍន៍នៃកីឡាអូឡាំពិក»។ ក្រុមហ៊ុន Samsung នឹងឧបត្ថម្ភកីឡាអូឡាំពិកជាផ្លូវការតាមរយៈការប្រកួតកីឡាអូឡាំពិករដូវរងា Pyeongchang ឆ្នាំ2018 និងកីឡាអូឡាំពិក ទីក្រុងតូក្យូឆ្នាំ2020 លើឧបករណ៍ទំនាក់ទំនង និងកុំព្យូទ័រ Wirelessរួមជាមួយប្រភេទផលិតផលបច្ចេកវិជ្ជាមួយចំនួនដូចជា ទូរស័ព្ទស្មាតហ្វូនTablet កុំព្យូទ័រយួរដៃ កុំព្យូទ័រលើតុ និងឧបករណ៍កុំព្យូទ័រផ្សេងទៀត និងម៉ាស៊ីនព្រីនទ័រ។
លោក Thomas Bach ប្រធាន IOC បានឱ្យដឹងផងដែរថា «យើងពិតជារីករាយជាខ្លាំងក្នុងការបន្តភាពជាដៃគូជាមួយក្រុមហ៊ុន Samsung។ មូលនិធិដែលបានបង្កើតឲ្យក្លាយជាដៃគូសហការ (TOP: The Olympic Partner) បានគាំទ្រដោយផ្ទាល់លើគ្រប់វិញ្ញាសាកីឡាអូឡាំពិក ក៏ដូចជាដល់គ្រប់គណៈកម្មាធិការជាតិអូឡាំពិកដែលធ្វើឱ្យអត្តពលិកមកពីទូទាំងពិភពលោក ដើម្បីត្រៀមរៀបចំសម្រាប់ការប្រកួតប្រជែងនៅក្នុងព្រឹត្តិការណ៍កីឡាអូឡាំពិក»។ ក្រុមហ៊ុន Samsung ក៏បានជួយដល់ដំណើរប្រតិបត្តិការរាល់វិញ្ញាសារប្រកួតគ្នាដោយផ្ដល់ជូននូវឧបករណ៍នាំមុខទូរគមនាគមន៍ឥតខ្សែ និងឧបករណ៍បច្ចេកវិជ្ជា។ លើសពីនេះទៀតបច្ចេកវិជ្ជារបស់ Samsung ឈានដល់ទីផ្សារសកល នឹងបង្កើតឱ្យមានការចាប់អារម្មណ៍ ចូលរួមក្រុមពីបណ្តាអ្នកគាំទ្រនៅជុំវិញពិភពលោកជាមួយគុណតម្លៃ និងចលនាវិវឌ្ឍន៍នៃកីឡាអូឡាំពិក»។
សមាគមរបស់ក្រុមហ៊ុន Samsung ជាមួយចលនាអូឡាំពិកបានចាប់ផ្តើមនៅពេលដែលក្រុមហ៊ុន Samsung បានក្លាយជាអ្នកឧបត្ថម្ភកីឡាអូឡាំពិកឆ្នាំ1988 ក្នុងទីក្រុងសេអ៊ូល។ ចាប់តាំងពីការប្រកួតកីឡាអូឡាំពិករដូវរងារទីក្រុងណាខាណូឆ្នាំ1998 ក្រុមហ៊ុន Samsung បានក្លាយជាដៃគូសហការក្នុងព្រឹត្តការណ៍កីឡាអូឡាំពិក (TOP: The Olympic Partner) បានក្លាយដៃគូសហការកីឡាអូឡាំពិកទូទាំងពិភពលោក ក្នុងការឧបត្ថម្ភប្រភេទឧបករណ៍ទំនាក់ទំនងឥតខ្សែ Wireless ហើយក្រុមហ៊ុនមានតួនាទីក្នុងការវិវឌ្ឍន៍អស់រយៈពេល26ឆ្នាំ នៃកិច្ចចូលរួមក្នុងព្រឹត្តការណ៍កីឡាអូឡាំពិក។ ដោយបច្ចេកវិជ្ជាទូរស័ព្ទចល័ត និងជីវិតរស់នៅប្រចាំថ្ងៃរបស់យើងមានភាពស្អិតរមួត ក្រុមហ៊ុន Samsung ជឿថា ការបន្តការគាំទ្ររបស់ខ្លួននឹងដើរតួនាទីយ៉ាងសំខាន់ក្នុងការនាំយកនូវបច្ចេកវិជ្ជាបង្កើតថ្មីបន្ថែមទៀតនៅលើឆាកកីឡាអូឡាំពិក។
ចែករំលែកព័តមាននេះ