រាជធានីភ្នំពេញ ៖ «បណ្តាញធុរកិច្ចអន្តរជាតិ (Business Network International) ប្រារព្ធខួបមួយឆ្នាំក្នុងការនាំចូលBNI ថ្នាក់ជាតិមកកាន់ប្រទេសកម្ពុជា បន្ទាប់ពីបានបើកសម្ពោធជាផ្លូវការ កាលពីថ្ងៃទី១៦ កក្កដា ២០១៣ ដែលមានសមាជិកចំនួន២៧រូប ហើយមកដល់បច្ចុប្បន្ននេះ យើងមានសមាជិកចំនួន៥៤រូប
រាជធានីភ្នំពេញ ៖ «បណ្តាញធុរកិច្ចអន្តរជាតិ (Business Network International) ប្រារព្ធខួបមួយឆ្នាំក្នុងការនាំចូលBNI ថ្នាក់ជាតិមកកាន់ប្រទេសកម្ពុជា បន្ទាប់ពីបានបើកសម្ពោធជាផ្លូវការ កាលពីថ្ងៃទី១៦ កក្កដា ២០១៣ ដែលមានសមាជិកចំនួន២៧រូប ហើយមកដល់បច្ចុប្បន្ននេះ យើងមានសមាជិកចំនួន៥៤រូប សុទ្ធសឹងជាម្ចាស់សហគ្រាស និងក្រុមហ៊ុនបាននិងកំពុងធ្វើប្រតិបតិ្តការនៅក្នុងប្រទេសកម្ពុជា»។ នេះបើយោងតាមប្រសាសន៍របស់លោក ជា សារិន ប្រធាន BNI CEO Chapter ថ្លែងក្នុងពិធីប្រារព្ធខួបមួយឆ្នាំនៃ BNI CEO Chapter កាលពីល្ងាចថ្ងៃទី២៦ សីហា នៅសណ្ឋាគារ អាំងទែរកុងទីណង់តាល់ ។
លោកជា សារិន បន្តថា បណ្តាញធុរកិច្ចអន្តរជាតិ បានបង្កើតឡើងដោយលោកបណ្ឌិត Ivan Misner នៅឆ្នាំ១៩៨៥ ហើយបច្ចុប្បន្ន BNI កំពុងប្រតិបត្តិការនៅ៥៦ប្រទេសលើពិភពលោក។ ចំណែកប្រទេសកម្ពុជា គឺជាប្រទេសទី៥៤ដែលបាននាំចូលBusiness Network International ជាលក្ខណៈFrenchise ដោយលោកឡុក សាមឌី បច្ចុប្បន្នមានតួនាទីជា BNI National Director។ បេសកកម្មរបស់BNI គឺជួយដល់សមាជិកគ្រប់រូបដើម្បីបង្កើនចំណូលតាមរយៈការណែនាំដោយពាក្យសម្តី មានលក្ខណៈជាប្រព័ន្ធជាវិជ្ជមាននិងអាជីព ដែលជំរុញឲ្យសមាជិកគ្រប់រូបត្រូវតែអភិវឌ្ឍទំនាក់ទំនងល្អជាលក្ខណៈយូរអង្វែង និងមានអត្ថន័យជាមួយសមាជិកដទៃទៀត ។
លោកជា សារិន បន្តទៀតថា មកដល់សព្វថ្ងៃនេះ Business Network International មានសមាជិក១៧ម៉ឺននាក់នៅលើពិភពលោកដែលសុទ្ធសឹងជាធុរជន និងអ្នកមានវិជា្ជជីវៈខ្ពង់ខ្ពស់ ។ ពាក្យ Network មិនមែនមានន័យថា ជាការជួបគ្នាដើម្បីដោះដូរលេខទូរស័ព្ទ ឬនាមប័ណ្ណនោះទេ តែជាការបណ្តុះនូវទំនាក់ទំនងរវាងគ្នាក្នុងរយៈពេលមធ្យម និងយូរអង្វែង ។ នេះជាចំណុចស្នូលរបស់ Business Network International ។
លោកជា សារិន លើកឡើងថា យើងបានចាប់ផ្តើមដើរលើផ្លូវBNIជាមួយគ្នាអស់រយៈពេលមួយឆ្នាំមកហើយ ហើយយើងនៅចម្ងាយផ្លូវដ៏វែងទៀត ដែលដើររួមគ្នាបន្តទៅទៀត ។ ប្រព័ន្ធBNI ជាប្រភពធនធានព័ត៌មាន និងចំណេះដឹងដ៏មហាសាលដែលយើងអាចយកមកប្រើប្រាស់ដើម្បីជោគជ័យក្នុងមុខជំនួញរបស់យើងបាន ហើយអ្វីដែលយើងយល់ដឹង និងទទួលបានពីប្រព័ន្ធនេះ ក្នុងរយៈពេលមួយឆ្នាំកន្លងទៅ គឺតិចតួចណាស់មិនដល់៥%នៃអ្វីដែលBNI អាចផ្តល់ជូនផង។ ដូចនេះ ពួកយើងបន្តក្រេបជញ្ជក់ពីBNI តាមរយៈការបណ្តុះបណ្តាលនានា រួមទាំងការបង្កើនទំនាក់ទំនងឲ្យក្លាយជាសមាជិកគ្រួសារBNIតែមួយ ដើម្បីសម្រេចបានគោលបំណង4Ms (Members Make More Money) ៕
ចែករំលែកព័តមាននេះ