ខោក្នុងរបស់តារាចម្រៀងអាមេរិកវ័យ៥៦ឆ្នាំ នាងម៉ាដូណា បានដាក់ដេញថ្លៃក្នុងតម្លៃចាប់ពី១.០០០ពាន់ទៅ៥.០០០ដុល្លារ ។
សម្លៀកបំពាក់ អាវក្នុង ស្រោមដៃ ជាពិសេសខោក្នុងនាងម៉ាដូណា ត្រូវគេប្រមូលដាក់ក្នុងសាលដេញថ្លៃ មួយក្នុងសហរដ្ឋអាមេរិក ត្រៀមដាក់ដេញថ្លៃនៅថ្ងៃទី៧ ខែវិច្ឆិកា ឆ្នាំ២០១៤ ។
នាងម៉ាដូណា និយាយថា «នេះជាលើកទីមួយរបស់នាងខ្ញុំ នៅពេលអ្នកចាត់ការទូទៅរបស់ក្រុមហ៊ុនដេញថ្លៃវត្ថុមានតម្លៃប្រមូលយកសម្លៀកបំពាក់របស់ខ្ញុំដាក់តាំង និងត្រៀមដេញថ្លៃ» ។
ទស្សនិកជន ជាពិសេសអ្នកគាំទ្ររបស់នាងម៉ាដូណា លើកឡើងថា ចំពោះតម្លៃមិនមែនជាបញ្ហាចោទទេ តែអ្វីដែលសំខាន់នោះគឺកិត្តិយស និងភាពល្បីល្បាញ ដូច្នេះអ្នកគាំទ្រណាបានទិញរបស់ណាមួយក្នុងចំណោមរបស់ទាំងនោះពិតជាសំណាង ព្រមទាំងបានថតរូបជាមួយតារាល្បីមួយដួងនេះផងដែរ ។នាងម៉ាដូណា ជាតារាចម្រៀងដែលទទួលបានការគាំទ្រខ្លាំងចាប់តាំងពីនាងប្រឡូកក្នុងវិស័យសិល្បៈនាឆ្នាំ១៩៧៩ មក ។ នាងជាតារាល្បីដែលមានវ័យចំណាស់ជាងគេ៕
ចែករំលែកព័តមាននេះ