រាជធានីភ្នំពេញ ៖ លោក ហង់ ជួនណារ៉ុន ប្រធានក្រុមការងារចុះជួយខណ្ឌដូនពេញ បានធ្វើជាគណះអធិបតីក្នុងពិធីប្រកាសក្រុមការងារចុះជួយខណ្ឌ-សង្កាត់ នៅសាលប្រជុំសាលាខណ្ឌដូនពេញកាលពីរសៀលថ្ងៃទី០១ ខែសីហា ឆ្នាំ២០១៤ និងមានការចូលរួមពីលោក សួន រិនឌី អនុប្រធានទី១ ក្រុមការងារសមាជិកអចិន្ត្រៃយ៍ គណបក្សប្រជាជនកម្ពុជារាជធានីភ្នំពេញ ប្រធានគណចាត់តាំងបក្សរាជធានីភ្នំពេញនិងជាសមាជិកក្រុមប្រឹក្សារាជធានីភ្នំពេញព្រមទាំងសមាជិក សមាជិកាគណបក្សប្រជាជនសង្កាត់ ភូមិ ។
នៅក្នុងឱកាសនោះដែរ លោកហែម អាន អនុប្រធានប្រចាំការគណបក្សខណ្ឌដូនពេញបានឡើងអានសេចក្តីប្រកាសតែងតាំងលោក គួច ចំរើន អភិបាលនៃគណះអភិបាលខណ្ឌដូនពេញជាប្រធានគណបក្សប្រជាជនកម្ពុជាខណ្ឌដូនពេញ ។ ហើយក្រុមការងារថ្មីដែលចុះជួយខណ្ឌដូនពេញមាន លោកហង់ ជួនណារ៉ុន ជាប្រធាន លោកសួន រិនឌី អនុប្រធានទី១ លោកឡុងវិសោលោ អនុប្រធាន លោកជីវ កេង អនុប្រធាន លោកសួស ប្រាថ្នា អនុប្រធាន លោកម៉ោសុផាន់ អនុប្រធាន លោកគួច ចំរើន អនុប្រធានអចិន្ត្រៃយ៍ លោកហែម អាន អនុប្រធានលោកកែ កេតនីន អនុប្រធាន លោកលឹម សុធា សមាជិក លោកស្រីឈឹម វត្តី អនុប្រធាន លោកប៊ុត សារ៉េតសមាជិក ក្រុមការងារនេះមានភារកិច្ចដឹកនាំនិងជម្រុញដល់គណបក្សសង្កាត់ ក្រុមការងារសង្កាត់ក្នុងការពង្រឹងការងារគណបក្សនៅថ្នាក់សង្កាត់ ភូមិ និងក្រុមបក្សទាំងការងារចាត់តាំងនយោបាយនិងសតិអារម្មណ៍ហើយជួយអន្តរាគមន៍ដល់សង្កាត់ជាពិសេសសង្កាត់ដែលមានភាពស្មុគស្មាញ ។
ចែករំលែកព័តមាននេះ