ខេត្តមណ្ឌលគិរី ៖ បុរសជាជនជាតិវៀតណាមចំនួន១៥នាក់ ត្រូវបានសាលាដំបូងខេត្តសម្រេចដោះលែង ឲ្យមានសេរីភាពវិញក្រោយ ពីពួកគេជាប់ទោស១ឆ្នាំ ប៉ុន្តែអនុវត្តទោសជាប់ពន្ឋនាគារខេត្តមណ្ឌលគិរីបាន៤ខែ ១៥ថ្ងៃប៉ុណ្ណោះ ។ ចំណែកទោសដែលនៅសល់ត្រូវព្យូរនឹងពិន័យជាប្រាក់ចំនួន១៥លានរៀល ។ ការដោះលែងជ
ខេត្តមណ្ឌលគិរី ៖ បុរសជាជនជាតិវៀតណាមចំនួន១៥នាក់ ត្រូវបានសាលាដំបូងខេត្តសម្រេចដោះលែង ឲ្យមានសេរីភាពឡើងវិញក្រោយ ពីពួកគេជាប់ទោស១ឆ្នាំ ប៉ុន្តែអនុវត្តទោសជាប់ពន្ឋនាគារខេត្តមណ្ឌលគិរីបាន៤ខែ ១៥ថ្ងៃប៉ុណ្ណោះ ។ ចំណែកទោសដែលនៅសល់ត្រូវព្យូរនឹងពិន័យជាប្រាក់ចំនួន១៥លានរៀល ។ ការដោះលែងជនជាតិវៀតណាមទាំង១៥នាក់នេះ បានធ្វើឡើងការពីថ្ងៃទី៣០ កក្កដា ២០១៤ តាមសាលក្រមព្រហ្មទណ្ឌលេខ១២៣ ចុះថ្ងៃទី២៥ កក្កដា ២០១៤ ។
គួរបញ្ជាក់ថា ប្រជាសហគមន៍ជនជាតិដើមភាគតិចព្នងរស់នៅភូមិពូលុ ភូមិឡាំមេះ និងភូមិពូចារ បានចុះល្បាតក្នុងព្រៃការពាររបស់សហគមន៍ និងបានប្រទះឃើញពលរដ្ឋវៀតណាម ១៥នាក់ ឆ្លងដែនធ្វើសកម្មភាពកាប់ឈើក្នុងតំបន់ព្រៃដែនជម្រកសត្វភ្នំណាំលៀ ចំណុច ភូមិឡាំមេះ ឃុំប៊ូស្រា ស្រុកពេជ្រាដា ចម្ងាយប្រមាណ ២០គីឡូម៉ែត្រ ពីព្រំដែនប្រទេសវៀតណាម ។ បន្ទាប់ពីប្រទះឃើញជនជាតិវៀតណាមទាំង១៥នាក់ ពួកគាត់បានធ្វើការឃាត់ខ្លួនជនជាតិវៀតណាមទាំងនោះ ។ ហើយត្រូវបានបញ្ជូនទៅពន្ធនាគារកាលពីរសៀលថ្ងៃទី១១ មីនា ២០១៤ បន្ទាប់ពីសមត្ថកិច្ច ប៉ូលិសបានកសាងសំណុំរឿង ពាក់ព័ន្ធបទល្មើសឆ្លងដែនខុសច្បាប់ ។ ចំណែកមន្ត្រីមន្ទីរបរិស្ថានក៏បានកសាងសំណុំរឿងពួកគេពីបទមកប្រមូលផលព្រៃឈើខុសច្បាប់នៅក្នុងដែនជម្រកសត្វព្រៃ។ ចំណែកសំណុំរឿងនេះត្រូវបានមន្ត្រីអយ្យការចោទប្រកាន់ពួកគេពីបទឆ្លងដែនខុសច្បាប់ និងប្រមូលផលព្រៃឈើខុសច្បាប់ក្នុងដីប្រទេសកម្ពុជា ។
ប្រជាសហគមន៍ល្បាតព្រៃបានឃាត់ខ្លួនជនជាតិវៀតណាម ទាំងនោះនិងវត្ថុតាងមួយចំនួន រួមមាន គោយន្តច្នៃចំនួន៤គ្រឿង រណាយន្ត ៧គ្រឿង កាំភ្លើងធុនអ៊ឹមសី (M16) ១ដើម ម៉ូតូ ៩គ្រឿង និងឈើគគីរកាត់រួចប្រមាណ៤ម៉ែត្រគូប។
ចែករំលែកព័តមាននេះ