រាជធានីភ្នំពេញ ៖ យុវជនម្នាក់បានដេកដួលនៅដីឡូត៍មួយកន្លែងនិងរងរបួសដៃហូរឈាមកក្លាក់ ហើយបង្កការភ្ញាក់ផ្ញើលកាលពីវេលាម៉ោង៣និង២០នាទីទៀបភ្លឺ ថ្ងៃទី២៨ កក្កដា ២០១៤ ស្ថិតក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ។ ជាមួយនោះក្រោយពីកើតហេតុប៉ូលិសមូលដ្ឋានបានចុះទៅដល់និងបានបញ្ជូនជនរងគ្រោះទៅសង្រ្គោះនិងព្យាបាលនៅមន្ទីរពេទ្យកាល់ម៉ែត្រ ។
ក៍ប៉ុន្តែអ្វីដែលប៉ូលិសកំពុងតែសង្ស័យទៅយុវជនខាងលើនេះដោយសារតែប៉ូលិសបានរកឃើញដែកគាស់ចំនួន២ ទួរល្វីសជាច្រើនទៀតនៅលើម៉ូតូសង់កូរ៉េរបស់ជននេះដែលនៅមិនឆ្ងាយពីកន្លែងកើតហេតុនោះទេ ។
មន្រ្តីប៉ូលិសប៉ុស្តិ៍ទឹកថ្លាបានបញ្ជាក់ថាយុវជនជាជនសង្ស័យនេះមានឈ្មោះ សេង ពិសី អាយុ២០ឆ្នាំ មុខរបរមិនពិតប្រាកដនិង រស់នៅម្តុំអូរបែកក្អម ក្នុងសង្កាត់ទឹកថ្លា ខណ្ឌសែនសុខ ។ បច្ចុប្បន្នយុវជននេះគ្រូពេទ្យកំពុងព្យាបាលមុខរបួសដៃនិងមានការយាមពីប៉ូលិសទឹកថ្លានោះផងដែរ ។
ចែករំលែកព័តមាននេះ