ខេត្តសៀមរាប ៖ កាលពីរសៀលថ្ងៃទី២៤ កក្កដា ២០១៤ នៅស្នងការដ្ឋាននគរបាលខេត្តបានរៀបចំពិធីប្រកាសផ្ទេរភារកិច្ច តែងតាំងមុខតំណែង និង បំពាក់ឋានន្តរស័ក្កិដល់នគរបាលជាតិ ក្រោមអធិបតីភាពលោកនាយឧត្តមសេនីយ៍ ចាន់ អ៊ាន អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិកតំណាងដ៏ខ្ពង់ខ្ពស់លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងលោកជំទាវ ឯម ផល្លាមុនី អភិបាលរង នៃគណៈអភិបាលខេត្តសៀមរាប ដោយមានការអញ្ជើញចូលរួមពីសំណាក់ឯកឧត្តម អស់លោក លោកស្រី ជាថ្នាក់ដឹកនាំ តំណាង មន្ទីរអង្គភាព ស្ថាប័ន នានាមួយចំនួនជុំវិញខេត្ត ព្រមទាំងប្រតិភូអមគណៈអធិបតី ព្រមទាំងនគរបាលមកពីបណ្ដាក្រុង/ស្រុកទាំង១២ ក្នុងខេត្តសៀមរាបជាច្រើនរូបផងដែរ ។
យោងតាមរបាយការណ៍របស់លោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាបបានឱ្យដឹងថា នគរបាលជាតិនៃស្នងការដ្ឋាននគរបាលខេត្តសៀមរាប ដែលត្រូវបានប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរស័ក្ដិ មានចំនួន៦២នាក់ ក្នុងនោះមានថ្នាក់វរសេនីយ៍ទោចំនួន២៥នាក់ វរសេនីយ៍ត្រីចំនួន៣៤នាក់ អនុសេនីយ៍ឯក១នាក់ និងប្រកាសផ្ទេរភារកិច្ច តែងតំាងមុខតំណែងចំនួន៣នាក់ ក្នុងនោះមានប្រកាសលោកស្នងការរងបន្ថែមថ្មី១រូបទៀតឱ្យទទួលបន្ទុកអត្តសញ្ញាណកម្មនៃស្នងការដ្ឋាននគរបាលខេត្តសៀមរាប ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ