រាជធានីភ្នំពេញ ៖ ជនជាប់ចោទឈ្មោះអ៊ួយ សុភាព ភេទប្រុស អាយុ៦៩ឆ្នាំ ត្រូវចៅក្រមសាលាដំបូងរាជធានីភ្នំពេញ រកឃើញកំហុសទាក់ទងនឹងបទចោទប្រកាន់ «រំលោភលើសេចក្តីទុកចិត្ត» និងបានសម្រេចប្រកាសសាលក្រមផ្តន្ទាទោសដាក់ពន្ធនាគារចំនួន៥ឆ្នាំ និងបង្គាប់ឱ្យជនជាប់ចោទសងសំណងជំងឺចិត្តចំនួន៧៦លានរៀល ទៅដើមបណ្តឹងដែលជាជនជាតិអូស្ត្រាលី។
ការសម្រេចនេះ ធ្វើឡើងបន្ទាប់ពីតុលាការបើកសវនាការជាសាធារណៈកាលពីពេលថ្មីៗនេះ ហើយការប្រកាសនេះបានធ្វើឡើងនៅចំពោះមុខជនជាប់ចោទ និងមេធាវីការពារក្តី ។ កាលពីថ្ងៃទី២៣ កក្កដា ២០១៤ ចៅក្រមសាលាដំបូងរាជធានីភ្នំពេញ លោកុំម រស់ ពិសិដ្ឋ បានសម្រេចប្រកាសសាលក្រមផ្តន្ទាទោសលោកអ៊ូយ សុភាព ហើយការប្រកាសនេះបានធ្វើឡើងនៅចំពោះមុខជនជាប់ចោទ និងមេធាវីការពារក្តីរបស់លោក ។
តុលាការបានប្រកាសថា បើសិនជាជនជាប់ចោទមិនអាចទទួលនូវការសម្រេចនេះទេ គឺជនជាប់មានរយៈ៣០ថ្ងៃក្នុងការប្តឹងឧទ្ធរណ៍ចំពោះការសម្រេចនេះបាន បន្ទាប់ពីពេលសាលក្រមត្រូវបានប្រកាសជាសាធារណៈ ។ មេធាវីការពារក្តីរបស់ជនជាប់ចោទបានថ្លែងថា កូនក្តីរបស់គាត់បានរកស៊ីចូលគ្នាជាមួយជនជាតិអូស្ត្រាលីម្នាក់ឈ្មោះភីធឺ ភេទប្រុស អាយុ៦៥ឆ្នាំ ដែលបានទិញក្រុមហ៊ុនស៊ីម៉ង់មួយនៅក្នុងខេត្តបន្ទាយមានជ័យ ប្រមាណជាង១០ម៉ឺនដុល្លាអាមេរិក ។
បន្ទាប់ពីការទិញជនជាប់ចោទបានអះអាងថាគាត់បានជួសជុលរថយន្តរបស់ក្រុមហ៊ុនឡើងវិញ ។ ក្រោយមកដើមចោទឈ្មោះភីធឺនេះ បានទារលុយពីកូនក្តី គាត់ទៅលេងល្បែង តែជនជាប់ចោទមិនព្រមឱ្យ ក៏ត្រូវដើមបណ្តឹងប្តឹងថា រំលោភលើសេចក្តីទុកចិត្ត។
ចែករំលែកព័តមាននេះ