ខេត្តឧត្តរមានជ័យ ៖ កាលពីព្រឹកថ្ងៃទី២២ កក្កដា នៅក្នុងបរិវេណសាលាស្រុកអន្លង់វែង មានរៀបចំពិធីចែកប័ណ្ណកម្មសិទ្ធិប្រើប្រាស់ដីធ្លីជូនប្រជាពលរដ្ឋចំនួន៣.០៤៤គ្រួសារ ក្រោមអធិបតីភាពលោកស ថាវី អភិបាលខេត្តឧត្តរមានជ័យ ដោយមានការចូលរួមពីមន្រ្តីរាជកា លោកមេបញ្ជាការ លោកមេបញ្ជាការរង កងកម្លាំងប្រដាប់អាវុធទាំង៣ប្រភេទ និងប្រជាពលរដ្ឋយ៉ាងច្រើនកុះករ។
លោក ហែម បាគង ប្រធានមន្ទីរសូរិយោដីខេត្តបានឡើងអានរបាយការណ៍ជូនគណៈអធិបតីពីសមិទ្ធិផលដែលបានអនុវត្តការងារកន្លងមក គឺក្រុមការងារបានខិតខំយកចិត្តទុក្ខដាក់តាមបទបញ្ជាលេខ០១ចុះថ្ងៃទី០៧ ឧសភា ២០១២ របស់រាជរដ្ឋាភិបាល បានអនុវត្តយ៉ាងត្រឹមត្រូវតាមនិតិវិធីច្បាប់ជាធរមាន ដោយអនុវត្តតាមអនុក្រិត្យលេខ៤៦អនក្រ/បកចុះថ្ងៃទី៣១ ឧសភា២០១២ ស្តីពីនីតិវិធីនៃការកសាងប្លង់សូរិយោដី និងសៀវភៅគោលបញ្ជីដីធ្លីនិងសេចក្តីណែនាំលេខ១៨សណន/កគដចុះថ្ងៃទី២០ កក្កដា ២០១២ ស្តីពីការធ្វើអត្តសញ្ញាណកម្មដីធ្លី អត្តសញ្ញាណកម្មប្រជាពលរដ្ឋដែលនីតិវិធីតម្រូវឲ្យធ្វើការបិទផ្សាយជាសាធារណៈនូវរាល់ឯកសារនៃការវិនិច្ឆ័យជូនអ្នកពាក់ព័ន្ធ និងអ្នកមានប្រយោជន៍ទាំងអស់ពិនិត្យនិងបញ្ជាក់ត្រឹមត្រូវតាមច្បាប់ ហើយឯកសារដែលបានបិទផ្សាយជាសាធារណនេះនឹងក្លាយជាផ្លូវការតាមច្បាប់ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ