ខេត្តប៉ៃលិន ៖ កងកម្លាំងសមត្ថកិច្ចការិយាល័យប្រឆាំងគ្រឿងញៀ.នៃស្នងការនគរបាលខេត្ត បានចុះបង្ក្រាបករណីជួញដូរគ្រឿងញៀ.នមួយកន្លែង ដោយចាប់បានជនសង្ស័យចំនួន០២នាក់ និង រឹបអូសបានម្សៅក្រាមពណ៌សចំនួន០២កញ្ចប់តូច ខណៈដែលពួកគេយកថ្នាំញៀនទាំងនេះ បម្រុងទៅចែកចាយបន្តឱ្យអ្នកដទៃទៀតនៅក្នុងក្រុងប៉ៃលិន ។
ខេត្តប៉ៃលិន ៖ កងកម្លាំងសមត្ថកិច្ចការិយាល័យប្រឆាំងគ្រឿងញៀនៃស្នងការនគរបាលខេត្ត បានចុះបង្ក្រាបករណីជួញដូរគ្រឿងញៀនមួយកន្លែង ដោយចាប់បានជនសង្ស័យចំនួន០២នាក់ និង រឹបអូសបានម្សៅក្រាមពណ៌សចំនួន០២កញ្ចប់តូច ខណៈដែលពួកគេយកថ្នាំញៀនទាំងនេះ បម្រុងទៅចែកចាយបន្តឱ្យអ្នកដទៃទៀតនៅក្នុងក្រុងប៉ៃលិន ។
ហេតុការណ៍ចុះចាប់ឃាត់ខ្លួននេះ បានធ្វើឡើងនៅម៉ោង០៣រសៀលថ្ងៃទី១៩ កក្តដា ២០១៤ ស្ថិតនៅចំណុចផ្លូវលំ ជាប់នឹងខាងកើតភ្នំយ៉ាត ក្នុងភូមិអូតាប្រាង សង្កាត់ប៉ៃលិន ក្រុងប៉ៃលិន ។
ជនសង្ស័យទាំងពីរនាក់ ដែលត្រូវសមត្ថកិច្ចធ្វើការចាប់ឃាត់ខ្លួន ទី១. ឈ្មោះ សុំ ភិវឌ្ឈន៍ ភេទប្រុស អាយុ២០ឆ្នាំ រស់នៅភូមិព្រៃទទឹង ឃុំបវេល ស្រុកបវេល ខេត្តបាត់ដំបង និង ទី២. ឈ្មោះ ចាយ សាម៉ាន ភេទប្រុស អាយុ២៥ឆ្នាំ រស់នៅភូមិតាគ្រក់ ឃុំតាគ្រាម ស្រុករតនៈមណ្ឌល ខេត្តបាត់ដំបង ។
ប្រភពពីប៉ូលិសបានរៀបរាប់ឱ្យដឹងថា បន្ទាប់ពីធ្វើការតាមដានអស់រយៈពេលជាយូរ និងមានប្រជាពលរដ្ឋរាយការណ៍ថា ជនសង្ស័យទាំងពីរនាក់ខាងលើ កំពុងតែធ្វើសកម្មភាពចែកចាយគ្រឿងញៀនដ៏សកម្មនៅក្នុងក្រុងប៉ៃលិន លុះនៅពេលដែលពួកគេកំពុងតែធ្វើដំណើរនៅលើផ្លូវលំខាងក្រោយភ្នំយ៉ាតខាងលើ ក៏ត្រូវសមត្ថកិច្ចចុះល្បាតស្ទាក់ចាប់ឃាត់ខ្លួនបានតែម្តង ។ ប្រភពបានបន្តថា ក្រោយពីធ្វើការចាប់ឃាត់ខ្លួន ជនសង្ស័យទាំងពីរនាក់រួចមក ពួកគេបានសារភាពថា ពិតជាបានធ្វើសកម្មភាពចែកចាយគ្រឿងញៀនមែន ដោយទិញបន្តពីបុរសមិនស្គាល់អត្តសញ្ញាណម្នាក់ នៅក្នុងក្រុងប៉ៃលិន ដើម្បីយកទៅលក់ចែកចាយបន្តទៀត ដោយក្នុង១ គ្រាប់លក់ថ្លៃពី១៥០០០រៀល ទៅ២០០០០រៀល ។
ទាក់ទិនទៅនឹងបញ្ហាចែកចាយគ្រឿងញៀនទាំងនេះ ជនសង្ស័យទាំងពីរនាក់ ត្រូវសមត្ថកិច្ចឃុំខ្លួនបណ្តោះអាសន្ននៅស្នងការនគរបាលខេត្ត ដើម្បីរៀបចំសំណុំរឿង លុះនៅព្រឹកថ្ងៃទី២០ កក្កដា ២០១៤ ជនសង្ស័យទាំងពីរនាក់ ត្រូវសមត្ថកិច្ចបញ្ជូនទៅអយ្យការអមសាលាដំបូងខេត្ត ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ