ខេត្តព្រះសីហនុ ៖ ក្តីស្រមៃ និងភាពជោគជ័យថ្មីត្រូវបានបើកទំព័រ ! សាលាអន្តរជាតិ ឡាយហ្វ ខេត្តព្រះសីហនុ បានប្រារព្ធពិធីប្រគល់វិញ្ញាបនបត្រ និងសញ្ញាបត្របញ្ចប់ការសិក្សាឆ្នាំ…
ខេត្តព្រះសីហនុ ៖ ក្តីស្រមៃ និងភាពជោគជ័យថ្មីត្រូវបានបើកទំព័រ ! សាលាអន្តរជាតិ ឡាយហ្វ ខេត្តព្រះសីហនុ បានប្រារព្ធពិធីប្រគល់វិញ្ញាបនបត្រ និងសញ្ញាបត្របញ្ចប់ការសិក្សាឆ្នាំ ២០២៥-២០២៦ ជូនដល់សិស្សានុសិស្សគ្រប់កម្រិតថ្នាក់យ៉ាងឱឡារិក ព្រមទាំងបានបង្កើតប្រវត្តិសាស្ត្រថ្មីមួយ គឺការប្រគល់ពានរង្វាន់ និងអាហារូបករណ៍ ៥០% ជូនដល់សិស្សឆ្នើមប្រចាំសាលាជាលើកដំបូងបង្អស់ ។
សាលាអន្តរជាតិ ឡាយហ្វ ខេត្តព្រះសីហនុ បានប្រារព្ធពិធីប្រគល់វិញ្ញាបនបត្រ និងសញ្ញាបត្របញ្ចប់ការសិក្សា ជូនដល់សិស្សានុសិស្សចាប់ពីថ្នាក់មត្តេយ្យសិក្សា ដល់ថ្នាក់ទី ១២ ប្រចាំឆ្នាំសិក្សា ២០២៥-២០២៦ ដែលប្រព្រឹត្តទៅពីថ្ងៃទី២៥ ដល់ថ្ងៃទី ២៧ ខែឧសភា ឆ្នាំ ២០២៦ ក្រោមអធិបតីភាពដ៏ខ្ពង់ខ្ពស់ របស់លោកសាកលវិទ្យាធិការ នៃសាកលវិទ្យាល័យ ឡាយហ្វ លោកបណ្ឌិត ដេវិឌ ឃូ គ្យែនហ្វ៊ែ នាយកគ្រប់គ្រង លោកបណ្ឌិត រ៉ូបឺត អាណុល នាយិកាប្រតិបត្តិ លោកស្រី លឿង ស្រី ថាច ព្រមទាំងថ្នាក់ដឹកនាំ គណៈគ្រប់គ្រង និងលោកគ្រូ អ្នកគ្រូ នៃសាលាអន្តរជាតិ ឡាយហ្វ ខេត្តព្រះសីហនុ ប្រកបដោយជោគជ័យ ។
ឆ្លៀតក្នុងឱកាសនោះផងដែរ សាលាក៏បានប្រារព្ធពិធីទទួលស្គាល់សិស្សពូកែ និងសិស្សឆ្នើមប្រចាំឆ្នាំសិក្សា ២០២៥-២០២៦ ក្នុងនោះមានសិស្សមកពីថ្នាក់បឋមសិក្សាម្នាក់ ថ្នាក់អនុវិទ្យាល័យម្នាក់ និងសិស្សមធ្យមសិក្សាម្នាក់ ដែលទទួលបានពានរង្វាន់សិស្សឆ្នើមប្រចាំសាលា រួមទាំងទទួលអាហាររូបករណ៍ ៥០% លើថ្លៃសិក្សា ។ គួរបញ្ជាក់ផងដែរថា នេះជាឆ្នាំដំបូងដែលសាលាអន្តរជាតិ ឡាយហ្វ ខេត្តព្រះសីហនុ បានផ្តល់ពានរង្វាន់ និងអាហាររូបករណ៍ដល់សិស្សឆ្នើមប្រចាំសាលា ៕ អត្ថបទសហការ
សូមទស្សនាវីដេអូខាងក្រោមនេះ ៖
ចែករំលែកព័តមាននេះ