រាជធានីភ្នំពេញ ៖ ការប្រឡង ការធ្វើតេស្តសមត្ថភាពអាចជាផ្នែកមួយដ៏លំបាកនៃជីវិតក្នុងសាលារៀនសម្រាប់កុមារ និងក្មេងជំទង់ រួមទាំងឪពុកម្តាយផងដែរ ។ ប៉ុន្តែយើងមានវិធីសាស្ត្រនានាជាច្រើន ដើម្បីបន្ធូរភាពតានតឹងទាំងនេះ ។…
រាជធានីភ្នំពេញ ៖ ការប្រឡង ការធ្វើតេស្តសមត្ថភាពអាចជាផ្នែកមួយដ៏លំបាកនៃជីវិតក្នុងសាលារៀនសម្រាប់កុមារ និងក្មេងជំទង់ រួមទាំងឪពុកម្តាយផងដែរ ។ ប៉ុន្តែយើងមានវិធីសាស្ត្រនានាជាច្រើន ដើម្បីបន្ធូរភាពតានតឹងទាំងនេះ ។
១. រកមើលសញ្ញានៃភាពតានតឹងរបស់កូនដែលអាចរួមមាន ៖ បារម្ភច្រើន, មានអារម្មណ៍តានតឹង, ឈឺក្បាល និងឈឺក្រពះ, គេងមិនលក់ស្រួល, ឆាប់ខឹង ឆេវឆាវ, លែងសូវញ៉ាំ ឬផ្ទុយមកវិញ គឺញ៉ាំច្រើនខុសធម្មតា, មិនរីករាយនឹងសកម្មភាពដែលពួកគេធ្លាប់ចូលចិត្តពីមុនមក, មានភាពអវិជ្ជមាន និងមានអារម្មណ៍សោកសៅ និងមានអារម្មណ៍អស់សង្ឃឹមអំពីអនាគត ។
ការគាំទ្រពីឪពុកម្តាយ គ្រូបង្ហាត់បង្រៀន ឬមិត្តភ័ក្តិសិក្សាអាចជួយពួកគេឱ្យចែករំលែកការព្រួយបារម្ភ និងធ្វើឱ្យអ្វីៗប្រសើរជាងមុន ។ ដូច្នេះចូរលើកទឹកចិត្តកូនរបស់អ្នកឱ្យនិយាយជាមួយនរណាម្នាក់ ដែលពួកគេមានអារម្មណ៍ថា មានការគាំទ្រ ។ ព្យាយាមចូលរួមជាមួយកូនរបស់អ្នកឱ្យបានច្រើនតាមដែលអាចធ្វើទៅបាន ។ ត្រូវប្រាកដថា កូនរបស់អ្នកញ៉ាំបានល្អ របបអាហារមានតុល្យភាព គឺមានសារៈសំខាន់សម្រាប់សុខភាពកូនរបស់អ្នក ហើយអាចជួយឱ្យពួកគេមានអារម្មណ៍ល្អអំឡុងពេលប្រឡង ។
២. ជួយកូនរបស់អ្នកឱ្យគេងឱ្យបានគ្រប់គ្រាន់ ៖ ការគេងល្អធ្វើឱ្យការគិត និងការផ្តោតអារម្មណ៍ប្រសើរឡើង ។ ក្មេងជំទង់ភាគច្រើនត្រូវការការគេងពី ៨ ទៅ ១០ ម៉ោងក្នុងមួយយប់ ។ ទុកពេលកន្លះម៉ោង ឬយូរជាងនេះ ដើម្បីឱ្យកូនរបស់អ្នកសម្រាកពីការសិក្សា ការមើលទូរទស្សន៍ ឬប្រើកុំព្យូទ័រ មុនចូលគេង ដើម្បីជួយឱ្យពួកគេគេងលក់ស្រួល ។
៣. មានភាពបត់បែនក្នុងពេលប្រឡង ៖ ចូរមានភាពបត់បែន អំឡុងពេលកូនត្រូវប្រឡង ។
ប្រសិនបើកូនរបស់អ្នកត្រូវទន្ទេញមេរៀន កុំបារម្ភពីការងារផ្ទះដែលទុកចោល ឬបន្ទប់គេងមិនស្អាត ។ ចូររក្សាភាពស្ងប់ស្ងាត់ ហើយអាចជួយកូនធ្វើកិច្ចការទាំងនោះ ។
៤. ជួយកូនរៀនឱ្យបានល្អ ៖ ត្រូវប្រាកដថា កូនរបស់អ្នកមានកន្លែងណាដែលស្រួលរៀន ។ សួរពួកគេពីរបៀបដែលអ្នកអាចគាំទ្រពួកគេបន្ថែម ។ សូមលើកទឹកចិត្តពួកគេឱ្យគិតអំពីគោលដៅរបស់ពួកគេក្នុងជីវិត ហើយមើលពីរបៀបដែលការប្រឡងទាក់ទងនឹងអនាគតនោះ ។
៥. និយាយអំពីអន្ទះអន្ទែងអំពីការប្រឡង ៖ រំលឹកកូនរបស់អ្នកថា វាជារឿងធម្មតាទេ ដែលពួកគេមានអារម្មណ៍ថប់បារម្ភ ។ ការភ័យខ្លាច គឺជាប្រតិកម្មធម្មជាតិ និងធម្មតា ចំពោះការប្រឡង តែគន្លឹះសំខាន់ គឺត្រូវប្រើរឿងទៅជាវិជ្ជមាន ។
៦. លើកទឹកចិត្តធ្វើលំហាត់ប្រាណពេលប្រឡង ៖ លំហាត់ប្រាណ អាចជួយបង្កើនកម្រិតថាមពល ជម្រះចិត្ត និងបន្ធូរភាពតានតឹង ។ វាមិនមានបញ្ហាអ្វីនោះទេ សម្រាប់ការដើរ ជិះកង់ ហែលទឹក បាល់ទាត់ និងការរាំសុទ្ធតែមានប្រសិទ្ធភាព ។
៧. កុំបន្ថែមសម្ពាធ ៖ ស្តាប់កូនរបស់អ្នក ផ្តល់ការគាំទ្រ និងចៀសវាងការរិះគន់ និងការដាក់សម្ពាធបន្ថែមដល់កូន ។ មុនទៅប្រឡង ត្រូវប្រាកដ កូនអ្នកមានចិត្តវិជ្ជមាន ។ ឱ្យពួកគេដឹងថា ការបរាជ័យ មិនមែនជាទីបញ្ចប់នៃពិភពលោកនោះទេ ។ ប្រសិនបើអ្វីៗមិនដំណើរការល្អ ពួកគេអាចនឹងប្រឡងម្តងទៀត ។
៨. ទុកពេលសម្រាប់ការព្យាបាល ៖ ជាមួយកូនរបស់អ្នក សូមគិតអំពីរង្វាន់សម្រាប់ការរំលឹកមេរៀន ហើយទទួលបានលទ្ធផលល្អ ។ រង្វាន់មិនចាំបាច់ធំ ឬថ្លៃនោះទេ ៕ ប្រភព ៖ nhs.uk
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ