រាជធានីភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះ សេដ្ឋកិច្ចកម្ពុជាបានប្រឈមមុខនឹងបញ្ហាធំៗជាច្រើន ដែលភាគច្រើនបណ្តាលមកពីផលប៉ះពាល់នៃជំងឺរាតត្បាតកូវីដ-១៩ ។ ឥទ្ធិពលទាំងនេះមិនត្រឹមតែកាត់បន្ថយកំណើនសេដ្ឋកិច្ចប៉ុណ្ណោះទេ ថែមទាំងជះឥទ្ធិពលយ៉ាងខ្លាំងដល់ជីវភាពរស់នៅរបស់ប្រជាជនខ្មែរដែរ ។ មនុស្សជាច្រើនមានទំនោរក្នុងការឆ្លើយតបដោយ “រឹតបន្តឹងផ្នែកហិរញ្ញវត្ថុ” ។ ប៉ុន្តែជាការព្រួយបារម្ភថា ប្រជាជនបែរជាកាត់បន្ថយការចំណាយលើការទិញម្ហូបអាហារនិងគ្រឿងផ្សំក្នុងការចម្អិនអាហារប្រចាំថ្ងៃរបស់ពួកគេទៅវិញ ដោយជ្រើសរើសផលិតផលដែលមានតំលៃថោក ។ ការចំណាយដ៏សំខាន់ដែលជះឥទ្ធិពលដល់សុខភាពដោយផ្ទាល់ គួរតែផ្តល់អាទិភាពជាចម្បងនិងបន្តធ្វើ ។

ជាក់ស្តែង យោងតាមអ្នកជំនាញសេដ្ឋកិច្ច ប្រសិនបើអ្នកក្រឡេកមើលច្បាប់ 50/30/20 ក្នុងការគ្រប់គ្រងហិរញ្ញវត្ថុផ្ទាល់ខ្លួន (50% នៃប្រាក់ចំណូលសម្រាប់តម្រូវការចាំបាច់ 20% នៃប្រាក់ចំណូលសម្រាប់ការសន្សំនិងការវិនិយោគ ហើយ30% នៃប្រាក់ចំណូលដែលនៅសល់ត្រូវបានប្រើប្រាស់សម្រាប់តម្រូវការផ្ទាល់ខ្លួន) បន្ទាប់មកមនុស្សម្នាក់ៗគួរតែកាត់បន្ថយការចំណាយលើតម្រូវការផ្ទាល់ខ្លួនជាមុនសិន ជាជាងកាត់បន្ថយការចំណាយលើតម្រូវការចាំបាច់ (¹)

ដោយទទួលស្គាល់ពីភាពផ្ទុយនៃការចំណាយនេះ ដែលមាននៅក្នុងចិត្តរបស់ប្រជាជនកម្ពុជាជាច្រើន រួមទាំងយុវវ័យ influencerដ៏ល្បីគឺអ្នកនាង ជា ស្រីនា​ បានចែករំលែកនៅក្នុងកម្មវិធីជជែកិច្ចពីភាក្សាមួយក្រោមប្រធានបទ “វិនិយោគសម្រាប់សុខភាពបេះដូង” ។

“ខ្ញុំសង្កេតឃើញថាមនុស្សជាច្រើនតែងតែចំណាយច្រើនទៅលើរបស់ដែលមិនចាំបាច់សម្រាប់ចំណង់​ចំណូល​ចិត្ត​របស់​ខ្លួន របស់​ក្រៅ​ខ្លួន ប៉ុន្តែ​មិនសូវ​យក​ចិត្ត​ទុក​ដាក់​ក្នុង​ការ​ជ្រើស​រើស​អាហារ ជាពិសេស​គ្រឿង​ផ្សំ​ដែល​ប្រើ​​រាល់​ថ្ងៃដែលវាមានឥទ្ធពលនិង​ប៉ះពាល់​ផ្ទាល់​ដល់​សុខភាពយើងនៅរយៈពេលវែង”។

ជា ស្រីនា ​ជឿ​ថា​ការ​ចំណាយ​ផ្នែក​សុខភាព គឺចាត់ទុកថា ជា​ការ​វិនិយោគ

ស្រីនា ក៏បានសង្កត់ធ្ងន់នៃការយល់ឃើញថា ការជ្រើសរើសអាហារ និងគ្រឿងផ្សំដែលមានតម្លៃថោក ដើម្បីចិញ្ចឹមរាងកាយ វាអាចផ្តល់ស្ថិរភាពហិរញ្ញវត្ថុយមួយរយៈពេលប៉ុណ្ណោះ ប៉ុន្តែមានហានិភ័យ និងផលវិបាកអវិជ្ជមានជាច្រើនសម្រាប់សុខភាពរយៈពេលយូរ ដោយមិនគិតពីតម្លៃនៃការព្យាបាលនាពេលអនាគតដែលអាចចំណាយច្រើនលើសលុប ។

 “វិនិយោគសម្រាប់សុខភាពបេះដូង គឺជាការវិនិយោគរយៈពេលវែងដែលផ្តល់ផលចំណេញច្រើនបំផុត”

នេះ​ជា​អ្វី​ដែល​ពិធីករដ៏ល្បីគឺអ្នកនាង ហុិន ច័ន្ទនីរត្នបាន ប្រាប់​ពី​បញ្ហា​នេះ ​! ដោយឆ្លងកាត់រឿងរ៉ាវជាច្រើនក្នុងជីវិត ពិធីការិនីដ៏មានទេពកោសល្យរូបនេះ បានបើកបេះដូងនៅពេលដឹងថា សុខភាពគឺជាទ្រព្យដ៏មានតម្លៃបំផុត ហើយត្រូវតែយកចិត្តទុកដាក់ ។ តាមការយល់ឃើញរបស់អ្នកនាងនីរត្ន ការមានសុខភាពល្អ យើងអាចជម្នះគ្រប់រឿងរ៉ាវទាំងអស់ ដូច្នេះមិនថាបរិបទសេដ្ឋកិច្ចបែបណានោះទេ អ្នកគួរតែចំណាយប្រាក់សមស្របដើម្បីវិនិយោគលើសុខភាព ជាពិសេសសុខភាពបេះដូង ព្រោះនេះជាផ្នែកមួយដ៏សំខាន់នៃថាមពលរាងកាយរបស់មនុស្សម្នាក់ៗ ។

 “ដូច្នេះ វិនិយោគលើសុខភាពបេះដូង មិនត្រឹមតែជាការវិនិយោគរយៈពេលវែងប៉ុណ្ណោះទេ ប៉ុន្តែក៏ជាយុទ្ធសាស្ត្រវិនិយោគដ៏ឆ្លាតវៃ ដែលជួយយើងរក្សាថាមពល និងភាពធន់ក្នុងគ្រាលំបាក ។ នៅពេលប្រឈមមុខនឹងបញ្ហា បេះដូងដែលមានសុខភាពល្អ នឹងជួយឱ្យរាងកាយរបស់យើងរក្សាភាពបត់បែន និងភាពធន់នឹងអ្វីៗគ្រប់យ៉ាង” អ្នកនាង ហុិន ច័ន្ទនីរត្នបានចែករំលែក ។

ពិធីការិនី​នីរត្នក៏​បាន​បង្ហើប​ពី​វិធី​ដែល​នាង​មើល​ថែ​និង​វិនិយោគទៅលើសុខភាពជា​រៀង​រាល់​ថ្ងៃ ។ ទាំងនោះគឺរួមបញ្ចូលការរក្សាស្មារតីសុទិដ្ឋិនិយមជានិច្ច ព្យាយាមធ្វើលំហាត់ប្រាណយ៉ាងហោចណាស់ 15 នាទី បរិភោគបន្លែបៃតងច្រើន;កាត់បន្ថយការទទួលទានអំបិល អាហារដឹតៗពេក រក្សា​គីឡូ កុំឱ្យធាត់ពេកនិង​ជាពិសេស​ត្រូវ​យក​ចិត្ត​ទុក​ដាក់​បន្ថែម​ទៀត​ក្នុង​ការ​ជ្រើសរើស​ខ្លាញ់​ដែល​មាន​សារធាតុ​ផ្សំ​ដែល​ល្អ​សម្រាប់​បេះដូងនិងមិនប៉ះពាល់សុខភាព ។ ប្រភពនៃខ្លាញ់មានប្រយោជន៍ដែលនាងតែងតែប្រើគឺ ត្រីសាល់ម៉ុន គ្រាប់ធញ្ញជាតិ ប្រេងបន្លែជាដើម…។

សម្រាប់ពិធីការិនី ​នីរត្ន ការ​ជ្រើសរើស​អ្វី​ដែល​ល្អ​បំផុត​សម្រាប់​បេះដូង​របស់​អ្នក​ចាប់​ផ្ដើម​ដោយ​ការ​ជ្រើសរើស​គ្រឿង​ផ្សំ​ធ្វើ​ម្ហូប​ប្រចាំ​ថ្ងៃ​ដូចជា​ប្រេង​ឆា​ជាដើម

ទាក់ទងទៅលើប្រធានបទនៃការវិនិយោគលើសុខភាពបេះដូងលោកវេជ្ជបណ្ឌិត ថេង យូដាលីន (ឯកទេសនៃជម្ងឺបេះដូងនិងសរសៃឈាម) បាននិយាយថា មូលហេតុនៃជំងឺសរសៃឈាមបេះដូង មិនត្រឹមតែមកពីហ្សែន ភេទ ការជក់បារីឬទទួលស្រាតែប៉ុណ្ណោះទេ ប៉ុន្តែវាក៏បណ្តាលពីកត្តារស់នៅ និងចំណីអាហារូបត្ថម្ភផងដែរ ។ នោះហើយជាមូលហេតុដែលជំងឺស្ទះសរសៃឈាមបេះដូងដែលអាចកើតឡើងពីក្មេងនៅក្នុងប្រទេសកម្ពុជា ហើយជាមូលហេតុមួយក្នុងចំណោមមូលហេតុចម្បងផ្សេងទៀតនៃការស្លា.ប់នៅកម្ពុជា (យោងតាមរបាយការណ៍អង្គការសុខភាពពិភពលោក) (២) ។ ដូច្នេះ​បើ​តាម​វេជ្ជបណ្ឌិត បុគ្គល​ម្នាក់ៗ​ត្រូវ​ចាត់​វិធានការ​ដើម្បី «​វិនិយោគ​ប្រកបដោយ​និរន្តរភាព​» សម្រាប់​បេះដូង​ចាប់ពី​ថ្ងៃនេះ​តទៅ​ ។

កវេជ្ជបណ្ឌិត ថេង យូដាលីន បានផ្តល់អនុសាសន៍ថា យោងតាមព័ត៌មានពីសហព័ន្ធបេះដូងពិភពលោក 80% នៃហានិភ័យនៃជំងឺស្ទះសរសៃឈាមបេះដូងអាចត្រូវបានការពារតាមរយៈរបបអាហារ របៀបរស់នៅ និងការហាត់ប្រាណជាទៀងទាត់ ។ ការកសាងទម្លាប់នេះអាចធ្វើទៅបានមួយជំហានម្តងៗ តាមរយៈសកម្មភាពសាមញ្ញៗ ប៉ុន្តែមានប្រសិទ្ធភាពដូចជា៖ មិនជក់បារី ឆាប់ចូលគេង ហាត់ប្រាណទៀងទាត់ ញ៉ាំអាហារប្រៃតិច កាត់បន្ថយខ្លាញ់សត្វ ជំនួសដោយប្រេងបន្លែ…។

នៅក្នុងក្រុមអាហារូបត្ថម្ភ វាមិនមែនគ្រាន់តែអំពីមុខម្ហូបប៉ុណ្ណោះទេ សូម្បីតែគ្រឿងផ្សំដែលប្រើក្នុងការរៀបចំក៏មានតួនាទីយ៉ាងសំខាន់ក្នុងយុទ្ធសាស្ត្រវិនិយោគសុខភាពផងដែរ ។ ឧទាហរណ៍ ប្រេងបន្លែទាំងអស់គឺដូចគ្នា ។ ប្រេងបន្លែមួយដបផលិតដោយគ្រឿងផ្សំជំនួយសុខភាពបេះដូង ដែលអាចរួមចំណែកយ៉ាងសំខាន់ក្នុងការថែរក្សាបេះដូងឱ្យរឹងមាំ និងមានសុខភាពល្អ” ដំបូន្មានរបស់លោកវេជ្ជបណ្ឌិត យូដាលីន ។

លោកវេជ្ជបណ្ឌិត យូដាលីន បានបញ្ជាក់ថា ការជ្រើសរើសប្រេងបន្លែដែលផលិតចេញពីគ្រឿងផ្សំជំនួយសុខភាពបេះដូង ក៏ដើរតួយ៉ាងសំខាន់ក្នុងការរួមចំណែកធ្វើឱ្យបេះដូងរឹងមាំ និងមានសុខភាពល្អ» ។

យោងតាមការណែនាំរបស់លោកវេជ្ជបណ្ឌិត អ្នកប្រើប្រាស់អាចជ្រើសរើសប្រេងបន្លែគុណភាពខ្ពស់ ដែលទទួលបានគ្រឿងផ្សំពីធម្មជាតិដែលជួយដល់សុខភាពបេះដូង ។ ជាឧទាហរណ៍ ប្រេងសណ្តែកសៀងសុទ្ធសម្បូរទៅដោយអូមេហ្គា 3-6-9 ប្រេងអង្ករសម្រូបសុទ្ធសម្បូរដោយហ្គាម៉ាអូរីហ្សាណុល ហើយប្រេងផ្កាឈូករ័ត្នសុទ្ធសម្បូរទៅដោយវីតាមីន E ធម្មជាតិ ។ សារធាតុចិញ្ចឹមទាំងនេះជួយការពារកូឡេស្តេរ៉ុលអាក្រក់ និងការពារសុខភាពបេះដូងរបស់អ្នក ។

ដូច្នេះហើយ ការវិនិយោគលើសុខភាពជាទូទៅ និងជាពិសេសសុខភាពបេះដូង នៅក្នុងអំឡុងពេលមានការលំបាកផ្នែកហិរញ្ញវត្ថុ គឺជាការសម្រេចចិត្តដ៏យូរអង្វែង និងប្រកបដោយនិរន្តរភាព ។ ជាមួយនឹងបេះដូងដែលមានសុខភាពល្អ មិនត្រឹមតែធ្វើឱ្យគុណភាពជីវិតប្រសើរឡើងប៉ុណ្ណោះទេ ប៉ុន្តែវាថែមទាំងជួយការពារបន្ទុកនៃ ការចំណាយលើការព្យាបាលនាពេលអនាគត ។

(1): UNFCU – Budgeting basics: The 50-30-20 rule

(2): https://data.who.int/countries/116

(3): https://world-heart-federation.org/what-we-do/prevention/ ៕ អត្ថបទសហការ