រាជធានីភ្នំពេញោ៖ សាលារៀនវ៉េស្ទឡាញន៍ និងសាលារៀនណត្សឡាញន៍ ប្រកាសបើកវគ្គសិក្សាថ្មី ចូលរៀនថ្ងៃទី២៩ ខែមេសា ឆ្នាំ២០២៤ ខានមុខនេះ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសម្រាប់សិស្សធំ និងកម្មវិធីភាសាចិន ។ ជាមួយគ្នានេះ សាលារៀនផ្តល់ជូនអាហារូបករណ៍ពិសេស រហូតដល់ ៤០% លើតម្លៃសិក្សា សម្រាប់ការចុះឈ្មោះជាក្រុម លក្ខណៈគ្រួសារ ឬពីរកម្មវិធី ព្រមទាំងផ្តល់ជូនការធានារ៉ាប់រងគ្រោះថ្នាក់ និងការពារការសិក្សាបុត្រធីតា រហូតដល់ ៥ ឆ្នាំ ហើយមានសុពលភាពត្រឹមថ្ងៃទី៥ ខែឧសភា ឆ្នាំ២០២៤ ។
ចំណែកកម្មវិធីចំណេះទូទៅខ្មែរ ពីថា្នក់ទី១ ដល់ទី១២ សាលារៀននៅបន្តចុះឈ្មោះចូលរៀនរៀងរាល់ថ្ងៃ។ សម្រាប់ព័ត៌មានបន្ថែម អ្នកអាណាព្យាបាលអាចទំនាក់ទំនង សាខាសាលារៀន វ៉េស្ទឡាញន៍ និងសាលារៀនណត្សឡាញន៍ ដែលនៅជិតលោកអ្នក ឬលេខទូរស័ព្ទ 095 448 282 | 092 888 499 ។
គួរបញ្ជាក់ថា ក្រៅពីការអនុវត្តកម្មវិធីសិក្សាគោល តាមក្រសួងអប់រំ យុវជន និងកីឡា សាលារៀនបានបញ្ចូលកម្មវិធីទម្លាប់ល្អទាំង ៧ សម្រាប់បុគ្គលឆ្នើមដែលនាំមកពីសហរដ្ឋអាមេរិក កម្មវិធីបណ្តុះបណ្តាលចំណេះដឹងផ្នែកហិរញ្ញវត្ថុ ដែលនាំមកពីប្រទេសសិង្ហបុរី បន្ថែមបច្ចេកវិទ្យាអប់រំឌីជីថលសម្បួរបែប កម្មវិធីសរសេរកូដកុំព្យូទ័រនិងរ៉ូបូត កម្មវិធីកីឡា និងសិល្បៈ ដើម្បីជួយគាំទ្រដល់ការសិក្សារបស់សិស្សានុសិស្ស និងស្របតាមបំណិនជីវិតក្នុងសតវត្សទី២១ កម្មវិធីសហគ្រិនភាព និងការសិក្សាតាមបែបសហគមន៍ ។
សូមជម្រាបថា សាលារៀនវ៉េស្ទឡាញន៍ និងសាលារៀនណត្សឡាញន៍ គឺជាបណ្តាញគ្រឹះស្ថានអប់រំ របស់វេសឡាញ អេឌ្យូខេសិន គ្រុប ដែលបានបង្កើតឡើងក្នុងឆ្នាំ២០០៨ រហូតមកដល់ពេលបច្ចុប្បន្ននេះ មានសាខាចំនួន១១ ក្នុងរាជធានីភ្នំពេញ និងខេត្តបាត់ដំបង និងមានសិស្សសរុប ១៤០០០ នាក់ ។ ចំពោះទីតាំងសាលារៀនវ៉េស្ទឡាញន៍មាន៖ សាខាសន្ធរម៉ុក សាខាទួលទំពូង សាខាច្បារអំពៅ សាខាទួលស្វាយព្រៃ សាខាផ្សារតូច សាខាភ្នំពេញថ្មី សាខាដូនពេញ សាខាចំការដូង សាខាព្រែកលៀប សាខាបាត់ដំបង សាខាតាខ្មៅ សាខាកំពង់ស្ពៃ និងសាលារៀនណត្សឡាញន៍ សាខាស្ទឹងមានជ័យ និងសាខាចំការដូង ។
ក្រៅពីបណ្តាញសាលារៀនខាងលើ បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប មានសាលាអន្តរជាតិ ហ្វររ៉េសហៀល ១សាខា សាលាភាសាលីឌឺលែន ២សាខា សាលារៀនសហគមន៍ ៨សាខា និងវិទ្យាស្ថានអភិវឌ្ឍវិស័យអប់រំ ១សាខា ៕ អត្ថបទសហការ
ចែករំលែកព័តមាននេះ