រាជធានីភ្នំពេញ ៖ Yuzu Omakase ជាភោជនីយដ្ឋានលំដាប់ថ្នាក់បែបជប៉ុនមួយ ត្រូវបានគេស្គាល់ និងល្បីនៅប្រទេសថៃ ពេលនេះបានបង្ហាញវត្តមានក្នុងរាជធានីភ្នំពេញហើយ ដែលមានចុងភៅដ៏ចំណានៗ ជាមួយនឹងទេពកោសល្យយ៉ាងប៉ិនប្រសព្វ…
រាជធានីភ្នំពេញ ៖ Yuzu Omakase ជាភោជនីយដ្ឋានលំដាប់ថ្នាក់បែបជប៉ុនមួយ ត្រូវបានគេស្គាល់ និងល្បីនៅប្រទេសថៃ ពេលនេះបានបង្ហាញវត្តមានក្នុងរាជធានីភ្នំពេញហើយ ដែលមានចុងភៅដ៏ចំណានៗ ជាមួយនឹងទេពកោសល្យយ៉ាងប៉ិនប្រសព្វ ។ Yuzu Omakase ក៏ជាភោជនីយដ្ឋាន ដែលស័ក្តិសមបំផុតសម្រាប់អ្នកចូលចិត្តអាហារជប៉ុន ជាពិសេសអ្នកចូលចិត្តញ៉ាំម្ហូប Sushi អមជាមួយបរិយាកាសបែប Private ។
ជាមួយនឹងការបើកសម្ពោធជាផ្លូវការ កាលថ្ងៃទី ០៩ ខែឧសភា ឆ្នាំ ២០២៣ នេះ ភោជនីយដ្ឋាន Yuzu Omakase គឺផ្តោតសំខាន់ទៅលើអាហារដែលមានគុណភាពខ្ពស់ បរិយាកាសបែបរ៉ូមែនទិក ជាពិសេសគឺលក្ខណៈ Private ខ្លាំងតែម្តង ។ ហើយអ្វីដែលពិសេសទៀតនោះ គឺចុងភៅម្នាក់ៗសុទ្ធតែមានបទពិសោធន៏ច្រើនឆ្នាំ និងមានទេពកោសល្យសិល្បៈខ្ពស់ ក្នុងការចម្អិនម្ហូបជប៉ុន ដោយម្ហូបនីមួយៗត្រូវបានរៀបចំប្លែកៗពីគ្នា ជាមួយនឹងភាពច្នៃប្រឌិតខ្ពស់ ពីមួយមុខទៅមួយមុខ ប្រៀបបានដូចអ្នកកំពុងទស្សនាសិល្បៈដ៏ប្លែកភ្នែកមួយដ៏ជក់ចិត្ត ។
សម្រាប់គ្រឿងផ្សំម្ហូបនីមួយៗវិញ ត្រូវបានជ្រើសរើសយ៉ាងយកចិត្តទុកដាក់មកពីតំបន់ផ្សេងៗគ្នានៅលើពិភពលោក ជាពិសេសគឺត្រី សាច់ទាំងអស់ត្រូវបានកម្មង់ និងធ្វើការដេញថ្លៃយ៉ាងពិសេសជារៀងរាល់សប្តាហ៍ ដើម្បីធានានូវគុណភាពជូនអតិថិជន រួមជាមួយបទពិសោធន៏ដ៏អស្ចារ្យប្រៀបបានដូចយើងកំពុងតែញ៉ាំម្ហូប Sushi នៅប្រទេសជប៉ុនអ៉ីចឹង ទាំងអាហារ សេវាកម្ម និងភេសជ្ជៈត្រូវបានរៀបចំតាមបែបលំដាប់ថ្នាក់ជាន់ខ្ពស់នៃការទទួលទានអាហារជប៉ុន ។ មិនថាការចម្អិន ឬការតុបតែងសម្រាប់ម្ហូបនីមួយៗ ត្រូវបានសម្រិតសម្រាំងយ៉ាងយកចិត្តទុកដាក់បំផុតពីចុងភៅជំនាញ ដើម្បីផ្តល់នូវបទពិសោធន៍ និងរសជាតិមិនអាចបំភ្លេចបានជូនដល់លោកអ្នក ។
សូមបញ្ជាក់ផងដែរថា ភោជនីយដ្ឋាន Yuzu Omakase គឺមានសម្រាប់តែការកក់ទុកមុនប៉ុណ្ណោះ ។ ដូច្នេះសម្រាប់លោកអ្នកដែលចង់ទទួលទានអាហារជប៉ុនដ៏ឈ្ងុយឆ្ងាញ់ ជាមួយទស្សនីយភាព ដ៏ប្រណិតបែបសិល្បៈ កុំភ្លេចមកដកស្រង់នូវបទពិសោធន៍នេះនៅ Yuzu Omakase ដែលមានទីតាំងស្ថិតនៅ ផ្ទះលេខ 64A ផ្លូវឧកញ៉ាជ្រុនយូរហាក់ (294) ភូមិ 6 សង្កាត់បឹងកេងកងទី ១ ខណ្ឌបឹងកេងកង រាជធានីភ្នំពេញ ។ Google Map: https://goo.gl/maps/UFjgnuWe4R7WkWj18?coh=178571&entry=tt ។ ទំនាក់ទំនងលេខទូរស័ព្ទ ៖0315 665 655 ៕ អត្ថបទសហការ
ចែករំលែកព័តមាននេះ