រាជធានីភ្នំពេញ ៖ ទីបំផុត មជ្ឈមណ្ឌលផ្គត់ផ្គង់សម្ភារផ្ទះបាយ គេហដ្ឋាន និងរបស់ប្រើប្រាស់ប្រចាំថ្ងៃ ដ៏ល្បីឈ្មោះរបស់ប្រទេសជប៉ុន ម៉ាកយីហោ “KOHNAN JAPAN…
រាជធានីភ្នំពេញ ៖ ទីបំផុត មជ្ឈមណ្ឌលផ្គត់ផ្គង់សម្ភារផ្ទះបាយ គេហដ្ឋាន និងរបស់ប្រើប្រាស់ប្រចាំថ្ងៃ ដ៏ល្បីឈ្មោះរបស់ប្រទេសជប៉ុន ម៉ាកយីហោ “KOHNAN JAPAN (Home Center)” បើកដំណើរការជាផ្លូវការលើកដំបូងនៅកម្ពុជា ជាន់ផ្ទាល់ដីផ្សារទំនើប អ៉ីអនម៉ល សែនសុខ កាលពីថ្ងៃទី 01 កក្កដា ឆ្នាំ 2022 ។
ក្នុងកម្មវិធីដាក់សម្ពោធបើកដំណើរការ “KOHNAN JAPAN (Home Center)” សាខាទី ១ ក្រុមហ៊ុនបានពញ្ញាក់អារម្មណ៍ អ្នកគាំទ្រជាមួយនឹងផលិតផលច្រើនជម្រើសដែលសុទ្ធតែមានគុណភាពល្អ តម្លៃធូរថ្លៃ អមជាមួយនឹងការបញ្ចុះតម្លៃពិសេស ការសម្តែង លោតម៉ុងសាយ ក្បាច់ស្គររបស់ជប៉ុន និង ចំណាប់អារម្មណ៍របស់តារាចម្រៀង Original Song លោក ទុំ សុវត្ថិ ថែមទៀតផង ។
លោក Yuji Yoneta នាយកចាត់ចែងទូទៅ ប្រចាំក្រុមហ៊ុន Kohnan (Cambodia) Co., Ltd បានឲ្យដឹងថា មូលហេតុដែលក្រុមហ៊ុនលោកសម្រេចបើកដំណើរការអាជីវកម្ម ម៉ាកយីហោ “KOHNAN JAPAN (Home Center)” ដោយសារតែ ពុំទាន់មាន មជ្ឈមណ្ឌលផ្គត់ផ្គង់សម្ភារផ្ទះបាយ គេហដ្ឋាន និងរបស់ប្រើប្រាស់ប្រចាំថ្ងៃខ្នាតយក្សដូចយើង ក្នុងប្រទេសកម្ពុជាយើងនៅឡើយ ។ អាស្រ័យហេតុនេះ វត្តមានរបស់យើងនៅទីនេះ ប្រាកដជានឹងទទួលបានការគាំទ្រ និងទាក់ទាញយ៉ាងខ្លាំងពីសំណាក់អតិថិជនទាំងក្នុងស្រុក និងក្រៅស្រុក ។ សម្រាប់គោលដៅបន្ទាប់ យើងនឹងបើកដំណើរការសាខាទី ២ នៅផ្សារទំនើបជីបម៉ុងមេហ្គាម៉ល (Chip Mong Mega Mall) ផ្លូវ ២៧១ នៅក្នុងឆ្នាំនេះផងដែរ ហើយនឹងសម្រេចបើកដំណើរការឲ្យបានច្រើនជាង ៧ សាខានៅទីក្រុងភ្នំពេញនាឆ្នាំ ២០២៥ ។
លោក Yuji បន្ថែមថា ៖ “យើងជឿជាក់ថាវត្តមាន KOHNAN JAPAN (Home Center) នឹងផ្លាស់ប្តូរ របបនៃការរស់នៅរបស់ប្រជាជនកម្ពុជាកាន់តែស៊ីវិល័យ ទាន់សម័យ តាមរយៈជម្រើសច្រើនសន្ធឹកសន្ធាប់នៃសម្ភារប្រើប្រាស់ប្រចាំថ្ងៃ ភ្ជាប់មកជាមួយនឹងគុណភាពខ្ពស់ និងតម្លៃសមរម្យបំផុត” ។
មានវត្តមាននៅក្នុងកម្មវិធីដ៏វិសេសនេះ លោក ទុំ សុវត្ថិ បានបង្ហាញនូវចំណាប់អារម្មណ៍ពិតថា “ទប់អារម្មណ៍សឹងតែមិនចង់ជាប់បន្ទាប់ពីឃើញនូវសម្ភារប្រើប្រាស់សម្បូរបែប នៅក្នុងហាង KOHNAN JAPAN (Home Center) ។ ខ្ញុំអាចនិយាយថា ផលិតផលគឺសុទ្ធតែល្អៗ ហើយតម្លៃពិតជាសមរម្យខ្លាំងមែនទែន ដែលពុកម៉ែពូមីងបងប្អូនអាចទទួលយកបានសូមកុំភ្លេចអញ្ជើញមកកាន់ KOHNAN JAPAN (Home Center) នៅផ្សារទំនើបអ៉ីអនម៉ល សែនសុខ ទាំងអស់គ្នា ទាន់មានប្រម៉ូសិនពិសេស ។
ចំណែកឯ អ្នកនាង ស្រេង ច័ន្ទដា ដែលជា HR Manager ក៏បានប្រកាសផ្តល់ឱកាសការងារដល់ប្រជាជនខ្មែរយើងផងដែរ ដោយអ្នកនាងបានថ្លែងថា ៖ “ ស្វាគមន៍ដល់បងប្អូនប្រជាជនខ្មែរដែលកំពុងតែស្វែងរកការងារ សូមចូលរួមធ្វើការជាមួយពួកយើង ដើម្បីឈានទៅមុខ និងស្វែងរកការរីកចម្រើនជាមួយគ្នា” ខូណាន់មានតំរូវការបុគ្គលិកជាច្រើន ដូចជាផ្នែកលក់ ផ្នែកគិតលុយ និងផ្នែកផ្សេងៗជាច្រើនទៀត ។
សូមបញ្ជាក់ផងដែរថា ការិយាល័យកណ្តាល KOHNAN JAPAN (Home Center) ត្រូវបានបង្កើតឡើងនៅក្នុងខេត្ត Osaka ក្នុងឆ្នាំ ១៩៧៨ ហើយបច្ចុប្បន្នមានហាងចំនួន ៥០២ នៅក្នុងប្រទេសជប៉ុន និង ១០ ហាងនៅក្នុងប្រទេសវៀតណាម ។
កម្មវិធីដាក់សម្ពោធបើកដំណើរការ មជ្ឈមណ្ឌលផ្គត់ផ្គង់សម្ភារៈផ្ទះបាយ គេហដ្ឋាន និងរបស់ប្រើប្រាស់ប្រចាំថ្ងៃ KOHNAN JAPAN (Home Center) ប្រព្រឹត្តិទៅរយៈពេលបីថ្ងៃជាប់ៗគ្នា គឺចាប់ពីថ្ងៃទី ០១ ដល់ថ្ងៃទី ០៣ កក្កដា ឆ្នាំ ២០២២ ជាមួយនឹងប្រម៉ូសិនដ៏អស្ចារ្យ អាស្រ័យហេតុនេះសូមឲ្យឱកាសល្អនេះកន្លងផុតទៅដោយងាយៗ ។
សម្រាប់ព័ត៌មានលម្អិតសូមទំនាក់ទំនងមកកាន់៖ ទូរស័ព្ទលេខ 023986571 ឬគេហទំព័រ https://www.hc-kohnan.com/enga ៕ អត្ថបទសហការ
ចែករំលែកព័តមាននេះ