គម្រោង The Garden Residency 2 កម្ពស់ ៣១ ជាន់ បានបញ្ចប់ការសាងសង់គ្រោងអគារហើយ !
រាជធានីភ្នំពេញ ៖ គ្រោងអគារនៃគម្រោង The Garden Residency 2 ដែលមានកំពស់ 31 ជាន់…
រាជធានីភ្នំពេញ ៖ គ្រោងអគារនៃគម្រោង The Garden Residency 2 ដែលមានកំពស់ 31 ជាន់…
រាជធានីភ្នំពេញ ៖ គ្រោងអគារនៃគម្រោង The Garden Residency 2 ដែលមានកំពស់ 31 ជាន់ ត្រូវបានបញ្ចប់ហើយ ហើយបានប្រារព្វពីធីអបអរសាទរបញ្ចប់ការសាងសង់គ្រោងនេះនៅព្រឹកថ្ងៃទី ១១ ខែមិថុនា ឆ្នាំ ២០២២ នេះ ។
ក្នុងនាមជាប្រធាន ក្រុមប្រឹក្សាភិបាល នៃ JS Land PLC លោកឧកញ៉ា កូយ ឡេសាន បានរំលឹកជូនថា ក្រុមហ៊ុន JS LAND PLC បានក្លាយខ្លួនជាក្រុមហ៊ុនសាធារណៈក្រោយពីបានចុះបញ្ចីក្នុងទីផ្សារមូលបត្រកម្ពុជា នៅក្នុងខែកុម្ភៈកន្លងទៅនេះ ដោយមួយហ៊ុនក្នុងតម្លៃ 1970 រៀលតែប៉ុណ្ណោះ ។ ហើយកាលពីម្សិលមិញនេះ តម្លៃភាគហ៊ុនរបស់ក្រុមហ៊ុនយើងខ្ញុំបានបិទនៅតម្លៃ 4700 រៀលក្នុងមួយហ៊ុន ដូច្នេះសម្រាប់អ្នកដែលបានវិនិយោគជាមួយយើងកាលពីពេលចុះបញ្ជី IPO ដំបូងនេះ អ្នកនឹងឃើញថា ទឹកប្រាក់របស់អ្នកនឹងឡើងទ្វេរគុណមិនខាន បើធៀបទៅនឹងប្រាក់ដើមដែលអ្នកបានវិនិយោគកន្លងមក ។
លោកឧកញ៉ាបញ្ជាក់ជូនម្ដងទៀតថា បេសកកម្មចម្បងរបស់ JS Land PLC មិនមែនគ្រាន់តែសាងសង់លំនៅឋានសម្រាប់បំពេញនូវតម្រូវការរបស់ប្រជាជនកម្ពុជាប៉ុណ្ណោះទេ ប៉ុន្តែគោលបំណងជាមូលដ្ឋានរបស់យើងគឺ ដើម្បីធានាបានថា គ្រប់អចលនទ្រព្យដែលអតិថិជនបានទិញ គឺនឹងមានតម្លៃកើនឡើង និងមានផលចំណេញយ៉ាងពិតប្រាកដ ។ ទឡ្ហីករណ៍នេះត្រូវបានបង្ហាញយ៉ាងច្បាស់នៅក្នុងគម្រោងទី ១ របស់យើង ជាមួយនឹងគេហដ្ឋានបន្ទប់គេង ១ នៃគម្រោង The Garden Residency 1 តម្លៃបើកលក់ដំបូងគឺត្រឹមតែ 32,000 ដុល្លារប៉ុណ្ណោះ ហើយឥឡូវនេះតម្លៃពិតប្រាក តាមរយៈការទទួលបានការវាយតម្លៃពីធនាគារគឺ មានតម្លៃរហូតដល់ជិត 60,000 ដុល្លាឯណោះ ។ ហើយអគារដែលយើងទាំងអស់គ្នាកំពុងស្ថិតនៅនេះ គឺជាអគារ The Garden Residency 2 ដែលមានតម្លៃបើកលក់ដំបូងត្រឹមតែ 1,300 ដុល្លារក្នុងមួយម៉ែត្រការ៉េប៉ុណ្ណោះ ហើយឥឡូវនេះតម្លៃលក់ជាមធ្យមរបស់យើងគឺប្រហែល 2,200 ដុល្លារក្នុងមួយម៉ែត្រការ៉េ ។ នេះអាចបញ្ជាក់ថា អតិថិជន ដែលបានទិញគម្រោងយើង ពិតជាចំណេញហួសពីការរំពឹងទុក ។
លោកឧកញ៉ា កូយ ឡេសាន បន្ថែមទៀតថា ថ្ងៃនេះយើងកំពុងប្រារព្ធពិធីអបអរសាទរបញ្ចប់ការសាងសង់គ្រោងអគារនៃគម្រោង The Garden Residency 2 ដែលមានកំពស់ 31 ជាន់ សរុប 339 យូនីត, រួមមានចំណតរថយន្តស្វ័យប្រវត្តិ, ក្លិបហាត់ប្រាណ និងសួនច្បារលើអាកាស, អាងហែលទឹកចំនួន 2 និង មានរោងភាគយន្តឯកជន ដែលស្ថិតនៅជាន់ខាងលើបំផុតនៃអគារ ។
ដូចអ្វីដែលយើងបានឃើញនាពេលនេះ ទីតាំងរបស់យើងគឺ ស្ថិតនៅយ៉ាងជិតបង្កើយនឹងផ្សារម៉ាក្រូ global house, chip mong sen sok mall, design village, និងផ្សារទំនើបអ៊ីអន ២ ក៏ដូចជាមន្ទីរ និង សាលារៀនអន្តរជាតិជាច្រើនទៀត ។ ខ្ញុំពិតជាជឿជាក់ថា ម្ចាស់គេហដ្ឋានទាំងអស់នៃគម្រោងនេះ នឹងពេញចិត្តនូវអ្វីដែលពួកគាត់បានទិញ ជាមួយនិងការរស់នៅក្នុងទីតាំងដ៏ងាយស្រួលនេះ ព្រោះអ្នកប្រើពេលយ៉ាងច្រើន 5 នាទីប៉ុណ្ណោះសម្រាប់ធ្វើដំណើរទៅកាន់ ទីតាំងដ៏ទាក់ទាញទាំងអស់ និងបរិក្ខាចំបាច់នានា ដែលតំបន់សែនសុខមាន ។
ថ្ងៃនេះអាចត្រូវបានកំណត់ថា ជាព្រឹត្តិការណ៍ថ្មីអស្ចារ្យមួយទៀតសម្រាប់ JS Land ដែលអាចបញ្ចប់ការសាងសង់គ្រោងអគារ The Garden Residency 2 ជាស្ថាពរមុនកាលព្រៀងទុក បើទោះបីជាយើងបានចាប់ផ្តើមគម្រោងក្នុងអំឡុងពេល ការរីករាលដាលឆ្លងនៃជំងឺកូវីដ-19 ក៏ដោយ ។ ខ្ញុំក៏សូមថ្លែងអំណរគុណដល់អ្នកម៉ៅការធំរបស់ខ្ញុំ ក្រុមហ៊ុន Sinodydro សម្រាប់ការប្ដេជ្ញាចិត្ត ដែលពួកគាត់បានដាក់ចេញ និងអាចបញ្ចប់គម្រោងដ៏ធំអស្ចារ្យនេះយ៉ាងលឿនមុនពេលកំណត់ ។
លោកឧកញ៉ា បានថ្លែងអំណរគុណដល់អតិថិជនទាំងអស់ដែលជឿទុកចិត្តលើ JS Land PLC និង សូមធានាថា យើងខ្ញុំនឹងប្រគល់ជូនគេហដ្ឋានក្នុងក្ដីសុបិន្តរបស់អ្នក ឲ្យទាន់ពេលវេលាដែលបានសន្យា ឬអាចលឿនជាងនេះក៏ថាបាន ។ សូមថ្លែងអំណរគុណដល់ធនាគារដៃគូរបស់យើង ជាពិសេសធនាគារ RHB សម្រាប់ការជឿទុកចិត្តមកលើ JS Land PLC និងអនុម័តឥណទានសាងសង់ដល់យើងខ្ញុំ ។ យើងខ្ញុំពិតជាមានការពេញចិត្តយ៉ាងខ្លាំង ដែលបានក្លាយជាក្រុមហ៊ុនអភិវឌ្ឍមួយដ៏កម្រ ដែលទទួលបានឥណទានសាងសង់យ៉ាងពេញលេញពីធនាគារ ។ ជាចុងក្រោយនេះ ក៏សូមអរគុណដល់គណៈគ្រប់គ្រង និងបុគ្គលិកទាំងអស់នៃ JS Land PLC សម្រាប់ការរួមចំណែកធ្វើឲ្យក្រុមហ៊ុនរបស់យើងសម្រេចបាននូវអ្វីដែលទទួលបាននៅថ្ងៃនេះ ។
លោកឧកញ៉ា បញ្ជាក់ទៀតថា ក្នុងការក្លាយខ្លួនជាក្រុមហ៊ុនអភិវឌ្ឍលំនៅឋានដំបូងគេ ដែលបានចុះបញ្ជីក្នុងទីផ្សារមូលបត្យកម្ពុជា, ខ្ញុំអាចធានាជូនលោកអ្នកបានថា យើងតែងតែខិតខំបំពេញបេសកកម្មរបស់យើង ដែលបន្តការសាងសង់គេហដ្ឋាន ដែលអាចបំពេញបាននូវសេចក្ដីត្រូវការរបស់ប្រជាជនកម្ពុជា, យើងនឹងបន្តផ្ដល់ជូននូវគេហដ្ឋានក្នុងក្ដីសុបិន្តរបស់អ្នកជាមួយតម្លៃសមរម្យបំផុត ហើយកាន់តែសំខាន់ជាងនេះទៅទៀត យើងនៅតែបន្តធ្វើឲ្យប្រាកដថា អចលនទ្រព្យដែលអ្នកបានទិញ នឹងបន្តកើនតម្លៃរបស់វាជានិរន្តន៍ ៕ ដោយសហការ
ចែករំលែកព័តមាននេះ