ការសិក្សាថ្មីមួយបានរកឃើញថា ការឈរយ៉ាងហោចណាស់ ២ម៉ោងក្នុងមួយថ្ងៃនៅកន្លែងធ្វើការគឺមានសារៈសំខាន់ណាស់ក្នុងការរក្សារាង និងសុខភាពល្អ។ការឈរជួយការពាររាងាកយពីជំងឺធ្ងន់ធ្ងរដូចជា ជំងឺទឹកនោមផ្អែម ធាត់ជ្រុល ជំងឺទាក់ទងនឹងរបៀបរស់នៅ និងជំងឺលើសសម្ពាធឈាមជាដើម។ ផ្ទុយទៅវិញ អ្នកដែលអង្គុយរយៈពេលច្រើនម៉ោងនៅកន្លែងធ្វើការ នឹងប្រឈមមុខនឹងជំងឺជាច្រើនទៅវិញទេ។
ការសិក្សាបានណែនាំថា ពេលវេលានៃការឈររាល់ថ្ងៃគួរតែបង្កើនបន្ថែមយ៉ាងហោចណាស់ ៣ ទៅ៤ម៉ោងក្នុងមួយថ្ងៃដែរ ព្រោះអ្នកនឹងអាចកាត់បន្ថយការអង្គុយច្រើនម៉ោងបាន។ ដើម្បីធ្វើបែបនេះនៅកន្លែងធ្វើការបាន យ៉ាងហោចណាស់ក៏ត្រូវមានតុដែលអាចអង្គុយ និងឈរបានដែរ ហើយមិនប៉ះពាល់ដល់លទ្ធភាពការងាររបស់ពួកគេ។ ។
នៅពេលមនុស្សនៅកន្លែងធ្វើការ យ៉ាងហោចណាស់ក៏ពួកគេត្រូវចំណាយពេល ៧០ ទៅ៨០ភាគរយសម្រាប់អង្គុយធ្វើការនៅកៅអីដែរ។ ដូច្នេះវាពិតជាអាចនាំឲ្យមានជំងឺទាក់ទងនឹងរបៀបរស់នៅច្រើនដូចជា ជំងឺទឹកនោមផ្អែម លើសសម្ពាធឈាម និងធាត់ជ្រុលដែរ។
ក្នុងនាមជាអ្នកគ្រប់គ្រងនៅការិយាល័យគួរតែលើកទឹកចិត្តដល់បុគ្គលិកឲ្យធ្វើការទាំងអង្គុយ និងតុធ្វើការដោយឈរ ដូច្នេះទោះបពួកគេអាចធ្វើចលនារាងកាយបានញឹកញាប់នៅពេលកំពុងធ្វើការតែម្តង។ តាមការសិក្សារកឃើញថា ការហាត់ប្រាណក្រោយពីធ្វើការក្នុងការិយាល័យអាចផ្តល់ជាផលិតភាពការងារកាន់តែច្រើន។
គ្រាន់តែជាសកម្មភាពតិចដូចជា ការដើរនៅជុំវិញការិយាល័យ និងឈររយៈពេល ២ម៉ោងក៏ល្អចំពោះសុខភាពណាស់ដែរ។ នេះគឺជាអត្ថប្រយោជន៍ជាពិសេសសម្រាប់អ្នកដែលមិនមានពេលធ្វើលំហាត់ប្រាណរាល់ថ្ងៃ។
អ្នកស្រាវជ្រាវក៏បានណែនាំដែរថា ត្រឹមតែការពត់ពែនខ្លួនតិចតួចយ៉ាងហោចណាស់ ៣០ ទៅ៤០នាទីនៃការអង្គុយ និងការផ្លាស់ប្តូរឥរិយាបទអង្គុយ ក៏អាចជួយកាត់បន្ថយការឈឺសាច់ដុំ និងខ្នងបានដែរ។រឿងនេះអាចនឹងទទួលបានយ៉ាងងាយតាមរយៈការឈរពីរទៅបីម៉ោងខណៈពេលកំពុងតែធ្វើការនៅតុដែលឈរតែម្តង (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ