អតីតារាសម្តែងសម្បុរស្រអែមអ្នកនាង សារ៉ាយ សក្ខិណា កំពុងពពោះកូនទីពីរហើយ បន្ទាប់ពីអ្នកនាងបានរៀបអាពាហ៍ពិពាហ៍ជាមួយបុរសអាណិកជនខ្មែរអាមេរិក ហើយទទួលបានកូនស្រីជាចំណងដៃ ។ សារ៉ាយ សក្ខិណា បានឱ្យដឹងដំណឹងពីការពពោះកូនទីពីររបស់នាងជាសាធារណៈតាមរយៈការបង្ហោះរូបភាពនៅលើបណ្តាញសង្គមហ្វេសប៊ុកជាមួយគ្រួសារ…
អតីតារាសម្តែងសម្បុរស្រអែមអ្នកនាង សារ៉ាយ សក្ខិណា កំពុងពពោះកូនទីពីរហើយ បន្ទាប់ពីអ្នកនាងបានរៀបអាពាហ៍ពិពាហ៍ជាមួយបុរសអាណិកជនខ្មែរអាមេរិក ហើយទទួលបានកូនស្រីជាចំណងដៃ ។
សារ៉ាយ សក្ខិណា បានឱ្យដឹងដំណឹងពីការពពោះកូនទីពីររបស់នាងជាសាធារណៈតាមរយៈការបង្ហោះរូបភាពនៅលើបណ្តាញសង្គមហ្វេសប៊ុកជាមួយគ្រួសារ ដោយភ្ជាប់ជាមួយសារថា ពួកយើងកំពុងរង់ចាំអ្នក ដែលបញ្ជាក់យ៉ាងច្បាស់ពីការទទួលបានកូនទីពីររបស់នាង ។
យ៉ាងណាក៏ដោយ សារ៉ាយ សក្ខិណា នៅមិនទាន់បានបញ្ជាក់ឲ្យច្បាស់នៅឡើយទេថា កូននៅក្នុងផ្ទៃរបស់នាងនាពេលនេះជាកូនស្រី ឬកូនប្រុស និងអាយុប៉ុន្មានខែនៅឡើយទេ ប៉ុន្តែនាង និងស្វាមីបានសម្តែងនូវភាពសប្បាយរីករាយចំពោះដំណឹងដ៏ល្អមួយនេះ ។
ជាការកត់សម្គាល់បន្ទាប់ពី សារ៉ាយ សក្ខិណា បានបង្ហាញរូបភាពពពោះនាពេលនេះគេសង្កេតឃើញថា ប្រិយមិត្តអ្នកគាំទ្រ ជាពិសេសមិត្តភក្តិនៅក្នុងរង្វង់សិល្បៈជាច្រើនបាននាំគ្នាចូលរួមអបអរសាទរចំពោះវត្តមានសមាជិកថ្មីនៃក្រុមគ្រួសាររបស់នាពេលនេះ។
វត្តមានកូនទីពីររបស់ សារ៉ាយ សក្ខិណា នាពេលនេះ គឺរឹតតែធ្វើឲ្យចំណងគ្រួសាររបស់នាងកាន់តែមានភាពកក់ក្តៅ ផ្អែមល្ហែម និងមានសមាជិកថ្មីបន្ថែមទៀត ។ សារ៉ាយ សក្ខិណា បច្ចុប្បន្នកំពុងតែមានវត្តមាននៅក្នុងស្រុកខ្មែរ ក្នុងដំណើរកម្សាន្តមកជួបជុំក្រុមគ្រួសារ និងការងារជំនួញដែលបានបើកនៅស្រុកខ្មែរ ខណៈពេលដែលវត្តមាននៅក្នុងស្រុករបស់នាងនាពេលនេះក៏ទទួលបានទីផ្សារការងារសិល្បៈតាមរយៈការថតសម្អាងការផងដែរ ។
កន្លងមក សារ៉ាយ សក្ខិណា ធ្លាប់បានអះអាងថា នាងមិនទាន់ចង់បានកូនទី២ឆាប់ៗនោះទេ ដោយសារតែកូនទី១ ធ្វើឲ្យអ្នកនាងនឿយហត់ ព្រោះតែភាពរពិស ប៉ុន្តែដោយសារតែនាងមិនចង់ទំនេរពោះយូរ និងចង់ឲ្យកូនច្បងមានគ្នាប្រឡែងនោះ ទើបនាងយកកូនទី ២ ទៀត ។
សូមរំឭកផងដែរថា តារាសម្ដែងអ្នកនាង សារ៉ាយ សក្ខិណា បានចូលរោងការកាលពីចុងឆ្នាំ ២០១៣ និងបានសម្រេចចាកចេញទៅរស់នៅសហរដ្ឋអាមេរិកជាមួយស្វាមីនៅអំឡុងខែមករា ឆ្នាំ ២០១៤ ។ បើទោះបីជាបានរួមរស់ជាមួយស្វាមីនៅលើទឹកដីអាមេរិកក៏ដោយ ប៉ុន្តែ នាងមិនបានចាកចេញពីវិស័យសិល្បៈនោះទេ ពោលគឺអតីតតារាសម្តែងរូបនេះនៅតែបង្ហាញខ្លួនក្នុងរង្វង់សិល្បៈជាបន្តបន្ទាប់ ក្នុងពេលដែលនាងបានមកលេងស្រុកខ្មែរម្តងៗ ។
ការបន្ដអាជីពរបស់ សក្ខិណា រហូតមកដល់ពេលនេះដោយសារស្វាមីរបស់នាងលោក ប៊ុន កែវមេត្រី តែងតែផ្ដល់ឲ្យឱកាសឱ្យបន្តការងារសិល្បៈជាបន្ដរទៅទៀតដោយគ្មានការហាមប្រាមឡើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ