រាជធានីភ្នំពេញ៖ សហព័ន្ធស្រូវអង្ករកម្ពុជា ហៅថា (CRF) នៅថ្ងៃទី២២ ខែសីហា ឆ្នាំ២០១៩នេះ បានចេញសេចក្តីប្រកាសព័ត៌មានមួយស្នើដល់សហគមន៍អឺរ៉ុប (EU) ជួយលើកកម្ពស់ជីវភាពរបស់ប្រជាកសិករកម្ពុជាជាងកន្លះលានគ្រួសារ…
រាជធានីភ្នំពេញ៖ សហព័ន្ធស្រូវអង្ករកម្ពុជា ហៅថា (CRF) នៅថ្ងៃទី២២ ខែសីហា ឆ្នាំ២០១៩នេះ បានចេញសេចក្តីប្រកាសព័ត៌មានមួយស្នើដល់សហគមន៍អឺរ៉ុប (EU) ជួយលើកកម្ពស់ជីវភាពរបស់ប្រជាកសិករកម្ពុជាជាងកន្លះលានគ្រួសារ ខណៈការកំណត់យកពន្ធនាំចូលអង្ករកម្ពុជាពីសំណាក់ EU កំពុងធ្វើឱ្យប៉ះពាល់ដល់ប្រជាកសិករកម្ពុជាជាង៥០ម៉ឺនគ្រួសារផ្សេងទៀត។
ការបង្ហាញនូវផលប៉ះពាល់ដល់កសិករខ្មែរដោយសារតែការសម្រេចយកពន្ធអង្ករពីកម្ពុជាចូលទីផ្សារអឺរ៉ុប ត្រូវបានធ្វើឡើងតែប៉ុន្មានថ្ងៃក្រោយពីសមាគមរោងចក្រកាត់ដេរនៅកម្ពុជា ហៅកាត់ថា (GMAC) បានចេញសេចក្ដីថ្លែងការណ៍មួយដោយព្រមានថា បើសហភាពអឺរ៉ុបផ្អាកប្រព័ន្ធអនុគ្រោះពន្ធ (Everything But Arms-EBA) នៅពេលខាងមុខនេះ នឹងធ្វើឲ្យរងគ្រោះដល់កម្មករ-កម្មការិនីរោងចក្រប្រមាណជាង ៧៥ម៉ឺននាក់ និងប៉ះពាល់ដល់គ្រួសាររបស់ពួកគេ៣លាននាក់ទៀត។
យ៉ាងណាមិញនៅដើមឆមាសទី១ ក្នុងឆ្នាំ២០១៩ ប្រទេសកម្ពុជាបាននាំចេញអង្ករបានជិត៩៣ម៉ឺនតោនទៅកាន់ទីផ្សារសហគមន៍អឺរ៉ុប ដែលនេះគឺជាចំនួនដ៏ច្រើនមួយ «ក៏ប៉ុន្តែបរិមាណនេះគឺបានត្រឹមតែពាក់កណ្តាលតែប៉ុណ្ណោះ បើប្រៀបធៀបលើថេរៈវេលាដូចគ្នាក្នុងឆ្នា២០១៨» ។ នេះបើយោងតាមការអះអាងរបស់សហព័ន្ធស្រូវអង្ករកម្ពុជា ។ ស្ថាប័នដដែលបាន បន្តថា ដោយសារវាជាឆ្នាំទីមួយដែលសហគមន៍អឺរ៉ុបបានកំណត់យកពន្ធលើការនាំចូល ដើម្បីជួយដល់អ្នកផលិតក្នុងសហគមន៍អឺរ៉ុប តែអ្វីដែលជាបញ្ហាអវិជ្ជមានសម្រាប់កម្ពុជានោះ គឺថាការកំណត់ពន្ធនេះវាបានធ្វើឱ្យប៉ះពាល់យ៉ាងធ្ងន់ធ្ងរដល់កសិករកម្ពុជា ជាង៥០០.០០០គ្រួសារ ដែលប្រឹងប្រែងចិញ្ចឹមជីវិតដោយការដាំដុះ ស្រូវអង្ករក្រអូបផ្កាម្លិះ ស្រូវក្រអូបគ្រាប់វែង ដែលប្រភេទពូជស្រូវទាំងនេះ បានដាំដុះនៅក្នុងតំបន់ភូមិសាស្ត្រជាក់លាក់មួយ ហើយមិនប្រកួតប្រជែងដោយផ្ទាល់ជាមួយផលិតផល បានដាំដុះនៅក្នុងសហគមន៍អឺរ៉ុប នោះឡើយ។
សេចក្តីប្រកាសដដែលបានបញ្ជាក់ថា «បញ្ហាទាំងនេះ ធ្វើឱ្យយើងឈឺចាប់មិនទាន់គ្រប់គ្រាន់នៅឡើយទេ តែឥឡូវសហគមអឺរ៉ុបកំពុងពិចារណា ដកនូវប្រព័ន្ធអនុគ្រោះកម្មវិធីអនុគ្រោះពន្ធ «អ្វីៗទាំងអស់លើកលែងតែអាវុធ» ឬហៅថា EBA ។ កិច្ចព្រមព្រៀងពាណិជ្ជកម្មនេះគឺបានអនុញ្ញាតឱ្យទំនិញពីកម្ពុជាក៏ដូចជាប្រទេសកំពុងអភិវឌ្ឍន៍ផ្សេងទៀតបាននាំចូលទៅកាន់ទីផ្សារសហគមន៍អឺរ៉ុប ដោយរួចពន្ធនាំចូល និងអាករណ៍ផ្សេងៗ។ អ្នកតាក់តែងច្បាប់របស់សហគមន៍អឺរ៉ុប កំពុងគំរាមកំហែងឈានដល់ការបញ្ចប់នូវការអនុគ្រោះនេះ ដើម្បីដាក់សម្ពាធឱ្យមានការកែទម្រង់នយោបាយនៅកម្ពុជា ។ការវាយបំផ្លាញមួយដែលនាំឱ្យឧស្សហកម្ម ស្រូវអង្ករត្រូវខ្ចេចខ្ទីនិងប៉ះពាល់ដល់ជីវភាពគ្រួសារកសិករ»។
សេចក្តីប្រកាសលើកឡើងថា ចាប់តាំងពីឆ្នាំ២០០១ មក ប្រពន្ធអនុគ្រោះពន្ធអ្វីៗលើកលែងតែអាវុធ មិនត្រឹមតែបានជួយសម្រួលនូវចរន្តទំនិញសម្រាប់កម្ពុជាប៉ុណ្ណោះទេ តែវាក៏បានផ្តល់គោលនយោបាយធានាសុវត្ថិភាពមួយ លើសេដ្ឋកិច្ចទាំងមូលដេលអាចផ្តល់លទ្ធភាពឱ្យមានកំណើន ដ៏ខ្លាំក្លានិងឧត្តមភាពនៃកំណើនតម្រូវវការទីផ្សារពិភពលោក។អង្ករកម្ពុជាត្រូវបានផលិតឡើងស្របតាមបទដ្ឋានអន្តរជាតិហើយសហព័ន្ធស្រូវអង្ករកម្ពុជា ជួយដល់អ្នកផលិតឱ្យអនុវត្តស្របតាមកម្មវិធីដេលរៀបចំឡើង ដោយជំរុញឱ្យគោរពគោលការណ៍ បង្ករបង្កើនផលប្រកបដោយសិលធម៌ ការទទួលខុសត្រូវ និងមានចីរភាព។ វាជាគោលដៅសម្រាប់លើកកម្ពស់នូវប្រព័ន្ធមួយដែលមានសមធម៌ហើយផ្តល់ផលប្រយោជន៍ជាក់លាក់សល់ប្រជាកសិករ។
ក្នុងបរិបទជាក់លាក់នេះ ការពង្រឹងការដាំដុះកំពុងកើនឡើងនៅកម្ពុជា ក្រោមបទដ្ឋានគោលនយោបាយនិរន្តភាពស្រូវ។ប្រភេទពូជស្រូវត្រូវបានដាំដុះក្រោមលក្ខខណ្ឌតាមដានយ៉ាងជាក់លាក់ស្របតាមបទដ្ឋានផលិតផលនិងគោលការទទួលស្គាល់សមធម៌ពាណិជ្ជកម្ម ។ស្រូវសេរីរាង្គដែលទទួលស្គាល់ដោយអង្គការសហប្រជាជាតិផ្នែកបរិដ្ឋាន និងវិទ្យាស្ថានស្រាវជ្រាវអន្តរជាតិបានបញ្ជាក់ថាមិនមានជាតិពុល ចេញពីជីគីមីនិងថ្នាំពុលកសិកម្ម ហើយស្របតាមគោលការណ៍អនុវត្តន៍បទដ្ឋានស្អាត និងសមធម៌ពលកម្ម។ ផលប្រយោជន៍ត្រូវបានធ្លាក់ទៅលើសហគមន៍កសិកម្ម ដែលចូលរួមជំរុញលើកតម្កើងផ្តល់ឱកាសដល់ស្ត្រី ហើយស្របតាមយុទ្ធសាស្ត្របម្រែបម្រួលបរិយាកាល ៕ កែសម្រួលដោយ ៖ សុឃាក់
ចែករំលែកព័តមាននេះ