សប្បាយទាំង៧ប្រការជាទីអាស្រ័យនៃអ្នកដែលប្រាថ្នានូវវិបស្សនាភាវនាអប់រំកាយ វាចា ចិត្តឱ្យស្ងប់រម្ងាប់ចាកគ្រឿងសៅហ្មងទាំងឡាយ គឺការពិចារណាឃើញច្បាស់តាមសេចក្តីពិត ឬប្រាជ្ញាពិចារណាឃើញច្បាស់នូវដំណើរសង្ខារធម៌តាមការណ៍ពិត ។ សប្បាយ៧ប្រការនោះគឺៈ ១-បរិយាកាសជុំវិញ ដី ទឹក…
សប្បាយទាំង៧ប្រការជាទីអាស្រ័យនៃអ្នកដែលប្រាថ្នានូវវិបស្សនាភាវនាអប់រំកាយ វាចា ចិត្តឱ្យស្ងប់រម្ងាប់ចាកគ្រឿងសៅហ្មងទាំងឡាយ គឺការពិចារណាឃើញច្បាស់តាមសេចក្តីពិត ឬប្រាជ្ញាពិចារណាឃើញច្បាស់នូវដំណើរសង្ខារធម៌តាមការណ៍ពិត ។
សប្បាយ៧ប្រការនោះគឺៈ
១-បរិយាកាសជុំវិញ ដី ទឹក អាកាស គឺ ធម្មជាតិជុំវិញដែលជាទីមនោរម្យល្អ និងជាទីពេញចិត្ត ។
២-មានអាហារគ្រប់គ្រាន់ ជាអាហារមានគុណភាពដល់រាងកាយ ទ្រទ្រង់នូវសុភាព មានរស់ជាតិសមគួរ ។
៣-ទីអាស្រ័យ ទីដេក ទីអង្គុយ មិនមានភ័យ អាចធ្វើកិច្ចការតាមបំណងបានល្អ ។
៤-មានបុគ្គលដែលត្រូវតាមអធ្យាស្រ័យ មិននាំមកនូវសេចក្ដីក្ដៅក្រហាយក្រវល់ក្រវាយក្នុងអារម្មណ៍។ រឹតតែល្អនោះ គឺមានគុណធម៌ មានបញ្ញា មានការចេះដឹង មានមេត្រី ដែលជួយដល់ការ អភិវឌ្ឍដល់បញ្ញា និង ជីវិតឲ្យក្រៃលែងឡើង ។
៥-ការកម្រើកនៃរាងកាយ គឺការដេក ដើរ ឈរ អង្គុយ ឲ្យមានតុល្យភាព ឬឲ្យស្មើគ្នាទើបឈាមរត់ល្អ មិនស្ទះខ្យល់ ។
៦-មានកន្លែងអាហារ ឬកន្លែងនៃបច្ច័យ៤ ដែលជារបស់ចាំបាច់ប្រើប្រាស់ក្នុងការរស់នៅ ។
៧-មានឱកាសបានស្ដាប់បានឮពាក្យពេចន៍ និងរឿងរ៉ាវដែលនាំឲ្យកើតបញ្ញាយល់ដឹងក្នុងសេចក្ដីពិត ជាចំណេះដឹងដើម្បីអភិវឌ្ឍគុណភាពមនុស្ស ។
សប្បាយទាំង៧ប្រការនេះជាទីអាស្រ័យផ្តល់សេចក្តីសុខតាមផ្លូវចិត្តដល់អ្នកដែលស្វែងរកសេចក្តីស្ងប់ អប់រំកាយចិត្តដោយការធ្វើវិបស្សនាកម្មដ្ឋាន ។ (ដោយសាន សារិន)
ចែករំលែកព័តមាននេះ