យោងតាមគេហទំព័រសិល្បៈចេញផ្សាយកាលពីពេល ថ្មីៗនេះ ឱ្យដឹងថា ក្រុមតារាចម្រៀងកូរ៉េ 2NE1 គ្រោងនឹងចេញបទចម្រៀងថ្មីនៅចុងខែកុម្ភៈនេះ បន្ទាប់ពីផ្អាកសកម្មភាពអស់ពេល៤ឆ្នាំ ។
យោងតាមគេហទំព័រសិល្បៈចេញផ្សាយកាលពីពេល ថ្មីៗនេះ ឱ្យដឹងថា ក្រុមតារាចម្រៀងកូរ៉េ 2NE1 គ្រោងនឹងចេញបទចម្រៀងថ្មីនៅចុងខែកុម្ភៈនេះ បន្ទាប់ពីផ្អាកសកម្មភាពអស់ពេល៤ឆ្នាំ ។
លោក Yang Hyun Suk ម្ចាស់ផលិតកម្ម YG Entertainment និយាយថា អាល់ប៊ុមចម្រៀងដែលត្រៀមនឹងចេញលក់លើទីផ្សារមានចំណងជើងថា «Crush» ។ បទចម្រៀងថ្មី១នឹងមានលើប្រព័ន្ធកម្សាន្ត Youtube នៅថ្ងៃទី២៤ កុម្ភៈ ហើយនឹងដាក់បង្ហាញជាវីដេអូចម្រៀងនៅថ្ងៃទី២៨ កុម្ភៈ ឆ្នាំ២០១៤ ។ នាង CL ដែលជាប្រធានក្រុម និងជាអ្នកនិពន្ធបទចម្រៀងដ៏ល្បី សម្រាប់ក្រុម 2NE1 និយាយថា «នេះជាវីដេអូតន្ត្រី ព្រមទាំងជាការសម្តែងរួមបញ្ចូលស្ទីល ថ្មីៗដូចជា ចង្វាក់ភ្លេង និងក្បាច់រាំជាដើម» ។
ទស្សនាវដ្តី Billboard Magazine ចាប់អារម្មណ៍លើអាល់ប៊ុមចម្រៀងថ្មីរបស់ក្រុម 2NE1 ដោយលើកទ្បើងថា «អាល់ប៊ុមចម្រៀងថ្មី នឹងធ្វើឱ្យក្រុមចម្រៀងនារីមួយក្រុមនេះ ទទួលបានការគាំទ្រពីមហាជន ហើយមិនត្រឹមតែប៉ុណ្ណោះផលិតកម្ម YG នឹងកើនប្រាក់ចំណូល មួយកម្រិតទៀត ។
ក្រុមចម្រៀងនារីមួយនេះ នឹងធ្វើដំណើរទេសចរណ៍តន្ត្រីទៅកាន់ពិភពលោកជាលើកទី២ ដែលមានឈ្មោះថា «All or Nothing» ដោយសមាជិកក្រុម នីមួយៗត្រៀមខ្លួននឹងលើកយកបទចម្រៀង ថ្មីៗពេញនិយមមួយចំនួន ដើម្បីស្វាគមន៍ និងថ្លែងអំណរគុណដល់ទស្សនិកជន ដែលតែងតែមានការគាំទ្រក្រុមចម្រៀងនេះតាំងពីដើមរហូតមក ៕
ចែករំលែកព័តមាននេះ