ភាពយន្តបែបបា.ញ់ប្រហារ វិទ្យាសាស្ត្រ ដែលល្អបំផុតប្រចាំឆ្នាំ2014 គឺ RoboCop បានចាប់ផ្តើមចាក់បញ្ចាំងពីថ្ងៃនេះតទៅហើយ នៅតាមរោងភាពយន្តលំដាប់អន្តរជាតិ។
RoboCop បរិយាយអំពីជីវិតរបស់ប៉ូលិសម្នាក់ឈ្មោះ Alex Murphey ដែលត្រូវទទួលគ្រោះថ្នាក់បំផ្ទុះគ្រាប់បែកពីក្រុមទុច្ចរិតលក់
ភាពយន្តបែបបាញ់ប្រហារ វិទ្យាសាស្ត្រ ដែលល្អបំផុតប្រចាំឆ្នាំ2014 គឺ RoboCop បានចាប់ផ្តើមចាក់បញ្ចាំងពីថ្ងៃនេះតទៅហើយ នៅតាមរោងភាពយន្តលំដាប់អន្តរជាតិ។
RoboCop បរិយាយអំពីជីវិតរបស់ប៉ូលិសម្នាក់ឈ្មោះ Alex Murphey ដែលត្រូវទទួលគ្រោះថ្នាក់បំផ្ទុះគ្រាប់បែកពីក្រុមទុច្ចរិតលក់គ្រឿងញៀន។ ក្រោយពីបានជួយសង្រ្គោះមក រូបរាងកាយរបស់គាត់ត្រូវបាត់បង់ស្ទើរ80% ដូចជាដាច់ដៃជើង ខ្វាក់ភ្នែក ប្រព័ន្ធប្រសៃប្រសាទលែងដំណើរការ។ ដើម្បីរក្សាជីវិតរបស់គាត់ ក្រុមហ៊ុនផលិតមនុស្សយន្តមួយមានឈ្មោះថា Omnicorp បានយកគាត់ទៅបញ្ជូលគ្នាជាមួយនឹងគ្រឿងយន្តដែលអាចអោយ Alex មានជីវិតរស់ឡើងវិញ ហើយបានប្រែក្លាយគាត់ទៅជាប៉ូលិសដំបូងគេបង្អស់ដែលផ្សំគ្នាដោយមនុស្ស និងគ្រឿងយន្ត។ ប៉ុន្តែការជួយមិនមែនគ្មានបំណងគ្រាន់តែជួយប៉ុណ្ណោះទេ តែក្រុមហ៊ុនផលិតគ្រឿងយន្តមួយនេះ មានបំណងបង្កើតប៉ូលិសយន្តដោយយក Alex ជាគំរូ ដើម្បីទិញទឹកចិត្តប្រជាជនអាមេរិកក្នុងការលក់គ្រឿងយន្តឱ្យដាក់ដំណើរការប្រើប្រាស់ជាសាធារណៈ ព្រោះមានតែប្រទេសអាមេរិកមួយប៉ុណ្ណោះ ដែលមិនព្រមទទួលផ្តល់សិទ្ធិឱ្យក្រុមហ៊ុននេះ លក់គ្រឿងយន្តក្នុងការបំរើសន្តិសុខសាធារណៈ។ បន្ទាប់ពីក្លាយទៅជាប៉ូលិសយន្តរួចមក Alex មានសមត្ថភាពគ្រប់គ្រងទិន្នន័យអ្នកទោស ស្គែនខ្លួនមនុស្សជាលក្ខណៈ X-Ray និងជាពិសេស គឺការបាញ់កាំភ្លើង និងវាយប្រហារដ៏ អស្ចារ្យថែមទៀតផង។
RoboCop ប្រមូលលុយបាន25លានដុល្លារ ក្នុងរយៈពេលចាក់បញ្ចាំងមួយអាទិត្យដំបូងនៅប្រទេសអាមេរិក ហើយកំពុងកើនឡើងជាលំដាប់ផងដែរ។ សូមកុំភ្លេចទិញសំបុត្រទស្សនាភាពយន្តដ៏អស្ចារ្យនេះ ទាំងអស់គ្នានៅតាមរោងភាពយន្តលំដាប់អន្តរជាតិ។
ចែករំលែកព័តមាននេះ