រាជធានី និងខេត្តនានាតែងតែមាននិមិត្តរូបរបស់ខ្លួន ។ ចំពោះខេត្តតាកែវបានជ្រើសរើសយករូបព្រះវិស្ណុដៃប្រាំបី ជានិមិត្តរូបរបស់ខេត្ត។ មូលហេតុនៃការជ្រើសរើសយកនិមិត្តរូបបែបនេះ ព្រោះខេត្តតាកែវជាទឹកដីចំណាស់ជាងគេ គឺអតីត«នគរភ្នំ»ជាដើមកំណើតនៃកម្ពុជា ជាកន្លែងចាប់កំណើតអារ្យធម៌ខ្មែរ ហើយបដិមាព្រះវិស្ណុដ៏ល្អឯកមានប្រភពនៅលើទឹកដីនេះ…
រាជធានី និងខេត្តនានាតែងតែមាននិមិត្តរូបរបស់ខ្លួន ។ ចំពោះខេត្តតាកែវបានជ្រើសរើសយករូបព្រះវិស្ណុដៃប្រាំបី ជានិមិត្តរូបរបស់ខេត្ត។ មូលហេតុនៃការជ្រើសរើសយកនិមិត្តរូបបែបនេះ ព្រោះខេត្តតាកែវជាទឹកដីចំណាស់ជាងគេ គឺអតីត«នគរភ្នំ»ជាដើមកំណើតនៃកម្ពុជា ជាកន្លែងចាប់កំណើតអារ្យធម៌ខ្មែរ ហើយបដិមាព្រះវិស្ណុដ៏ល្អឯកមានប្រភពនៅលើទឹកដីនេះ ។
ព្រះវិស្ណុដៃប្រាំបីជាបដិមាមួយល្អជាងគេ ធំជាងគេក្នុងចំណោមវត្ថុសិល្បៈខ្មែរ ហើយបច្ចុប្បន្នតម្កល់ទុកនៅសារមន្ទីរជាតិ មានប្រភពនៅភ្នំដា ស្រុកអង្គរបុរី ខេត្តតាកែវ ។ ព្រះវិស្ណុជាអាទិទេពស្រោចស្រង់លោក ទ្រទ្រង់រក្សាលោក ចម្រើនលោក ។
បដិមាព្រះវិស្ណុ គេបានរកឃើញដោយចៃដន្យ ពេលដែលអ្នកស្រាវជ្រាវម្នាក់កាប់ឆ្ការ ត្រាយព្រៃក្បែរប្រាសាទបាក់បែកមួយ ។ គាត់ប្រទះឃើញជើងទាំង២របស់បដិមាលេចចេញពីគំនរកម្ទេចថ្ម ។ ពេលនោះបដិមាខូចខាតយ៉ាងខ្លាំង បាក់បែកជា១៧ដុំ ។ ព្រះវិស្ណុមានដៃ៨ ប៉ុន្តែដៃខ្លះបាក់បាត់ទៅហើយ ។ របស់ទាំង៦ដែលនៅសល់មាន គ្រាប់រន្ទះ ថូទឹក ភ្លើង ដំបងខ្លី ស្បែកសត្វ និងដំបងវែង ។
លក្ខណៈពិសេសសម្គាល់ព្រះវិស្ណុ៖
-ក្បាលមួយ
-ដៃ២, ៤ ,៨
-សម្លៀកបំពាក់ ពណ៌លឿង
-ពាហនៈ សត្វគ្រុឌជាយានជំនិះ
-វិមាន ឋានវៃកុណ្ធៈ
កេតនភណ្ឌ៖កងចក្រ ដំបង ផ្កាឈូក ខ្យងស័ង្ខ ធ្នូ ដាវ ត្រីសូល៍…។
មហេសី ៖ មហេសី២អង្គគឺ ស្រី (តំណាងសោភ័ណភាព) និងលក្ស្មីុ(តំណាងទ្រព្យសម្បត្តិ)។
បុត្រ ៖ មានបុត្រាមួយឈ្មោះកាម(អាទិទេពតំណាងសេចក្ដីស្នេហា)៕ (កែសម្រួលដោយ ៖ បុប្ផា)
ចែករំលែកព័តមាននេះ