រាជធានីភ្នំពេញ ៖ តារាចម្រៀងប្រចាំផលិតកម្មសាន់ដេ អ្នកនាងផាន់ ម៉ូនីកា បានចូលរោងការជាមួយកូនប្រុសថៅកែហាងលក់សម្លៀកបំពាក់ នៅអំឡុងដើមឆ្នាំ២០១៣ ។ ក្រោយពេលរៀបការរួច ផាន់ ម៉ូនីកា អះអាងថា មិនទាន់យកកូនក្នុងពេល ឆាប់ៗទេ តែផ្ទុយទៅវិញនាងបានសម្រាលកូនលើកដំបូង កាលពីពេលថ្មីៗនេះ ។
រាជធានីភ្នំពេញ ៖ តារាចម្រៀងប្រចាំផលិតកម្មសាន់ដេ អ្នកនាងផាន់ ម៉ូនីកា បានចូលរោងការជាមួយកូនប្រុសថៅកែហាងលក់សម្លៀកបំពាក់ នៅអំឡុងដើមឆ្នាំ២០១៣ ។ ក្រោយពេលរៀបការរួច ផាន់ ម៉ូនីកា អះអាងថា មិនទាន់យកកូនក្នុងពេល ឆាប់ៗទេ តែផ្ទុយទៅវិញនាងបានសម្រាលកូនលើកដំបូង កាលពីពេលថ្មីៗនេះ ។
តាំងពីក្លាយខ្លួនជាភរិយារបស់គេមក តារាចម្រៀងប្រចាំផលិតកម្មសាន់ដេ អ្នកនាងផាន់ ម៉ូនីកា អត់ឃើញបង្ហាញមុខនៅតាមទូរទស្សន៍ដូចមុនទេ ពោលគឺបាត់មុខឆ្ងាយពីវេទិកាសិល្បៈសូន្យឈឹង ។ មហាជនដឹងថា ផាន់ ម៉ូនីកា មិនសូវវាយលុកអាជីពសិល្បៈប៉ុន្មានទេ បើទោះជានាងពោលពាក្យថាស្រលាញ់ចូលចិត្តគ្មានគំនិតបោះបង់សិល្បៈក៏ដោយ ។ នាងយកពេលវេលាទៅមើលការខុសត្រូវលើមុខជំនួញជាថៅកែហាងលក់សម្លៀកបំពាក់យា៉ងពេញមុខ ។ បើនិយាយពីមុខជំនួញវិញ ផាន់ ម៉ូនីកា ជោគជ័យខ្លាំងគួរសម ។ តាំងពីមុនរៀបការ និងក្រោយរៀបការ មុខរបរជួញដូរសម្លៀកបំពាក់របស់នាង និងស្វាមីទទួលបានជោគជ័យជាប់រហូតពីមួយឆ្នាំទៅមួយឆ្នាំ ។
ផាន់ ម៉ូនីកា ទើបតែសម្រាលបានកូនស្រីម្នាក់ តែតារាមានប្រភពចេញមកពីខេត្តកណ្តាល រូបនេះបិទបាំងមហាជន ។ ទោះជាយា៉ងណាក្តីគេនៅចាំបានថាក្រោយរៀបការ ម៉ូនីកា អះអាងថា មិនទាន់យកកូនទេទុកពេលរកសីុសិន យា៉ងហោចណាស់ពីរទៅបីឆ្នាំដែរ ។ ផ្ទុយទៅវិញ នាងម៉ូនីកាសម្រាលកូនបានជាង២ខែហើយ ។
ក្នុងជំនួបជាមួយ ផាន់ ម៉ូនីកា កាលពីពេលថ្មីៗនេះ នាងមិនបានបកស្រាយឡើយ ទាក់ទិនការសម្រាលកូនរបស់នាង ។ ទោះជាយា៉ងណាក្តី ម្តាយក្មេករបស់នាង អះអាងថា ម៉ូនីកា សម្រាលបានកូនស្រីម្នាក់រយៈពេលពីរខែមកហើយ ដោយគិតមកទល់ថ្ងៃទី៨ កុម្ភៈ ២០១៤ មានអាយុ២ខែកន្លះ ។ ម៉ូនីកាបានចេញទៅសម្រាលកូនស្រីនៅប្រទេសថៃ ។ នាងទៅសម្រាកនៅទីនោះមួយអាទិត្យមុនពេលឈឺពោះ ។ កូនស្រីរបស់ ម៉ូនីកា និងប្តីមានសញ្ជាតិ២ គឺ កម្ពុជា និងថៃ ដោយសារតែកើតនៅប្រទេសថៃ ។ អ្នកស្រីជាម្តាយក្មេកបន្តថា កូនស្រីរបស់ ម៉ូនីកា ឈ្មោះហៅក្រៅកូកូ បានធ្វើពិធីបង្កក់កាលពី១ខែមុន និងគ្រោងរៀបចំពិធីខួបកំណើតពេលបានអាយុ១ខួប ។
ទាក់ទិននឹងអាជីពសិល្បៈ អ្នកស្រីជាម្តាយក្មេកមិនទាន់ដឹងថា កូនប្រសារបស់គាត់ត្រឡប់ទៅច្រៀងវិញនៅពេលណាទេ ។
នាងមិនចោលសិល្បៈទេ បើទោះជាមានមុខរបរក្រៅរឹងមាំក្តីព្រោះជានិស្ស័យ ។ អំឡុងពេលនេះនាងសម្រាកឱ្យបានរឹងដៃជើងសិន ណាមួយនាងរវល់រកសីុមើលខុសត្រូវក្នុងហាងផង ដូច្នេះត្រូវបាត់មុខក្នុងពិភពសិល្បៈ តែមិនចោលទេ ពេលទំនេរ នឹងឆ្លៀតច្រៀងឱ្យផលិតកម្មវិញហើយ ៕
ចែករំលែកព័តមាននេះ