រាជធានីភ្នំពេញ​ ៖ ប្រតិបត្តិការ Nokia ប្រចាំ​នៅ​កម្ពុជា​បាន​ប្រកាស​ថា​ ទូ​រស័ព្ទ​ Nokia Asha 503ស៊ីម​២មាន​ចេញ​លក់​នៅ​កម្ពុជាហើយ​ ។ ទូរស័ព្ទ​នេះ​គឺ​ម៉ូ​ដែល​ Asha ដំបូងបំផុត​ដែល​ទ្រ​ទ្រង់​បណ្តាញ​ទូរស័ព្ទ​3.5 ។​ វា​មាន​តម្លៃ​ទាប​សម​រម្យ​ ការ​រចនា​ល្អ​វិចិត្រ​ និងមាន​អេ​ក្រង់​៣  អីុ​ង​ មុខ​រាង​កោង​ធ្វើ​ពី​កញ្ចក់​ Gorrilla ដែល​ធន់​  នឹងភាពកោស​ឆ្កូត​ផ្សេងៗ​ មាន​ទម្ងន់​១១០,២ ក្រាម​ ។ ដោយមាន​កាមេរ៉ា​ 5MP និង មាន​ភ្លើង​ LED flash ផង​នោះ Nokia Asha 503 ផ្តល់​នូវ​បទ​ពិសោធន៍​ប្រើ​ប្រាស់​យ៉ាង​ល្អ​ប្រសើរ​ ងាយ​ស្រួល​បញ្ជា​ប្រើ​ប្រាស់​ ជាពិ​សេស​កម្ម​វិធី​បណ្តាញ​សង្គម​ ។ ក្រៅ​ពី​ផ្តល់ជូន​​នូវ​គុណ​ភាព​រឹងមាំ​ និង​ថ្មកាន់​ភ្លើង​បាន​យូរ​រហូត​ដល់​៣៥ថ្ងៃ​ Nokia Asha 503 ថែម​ទាំង​ផ្តល់​ជូន​នូវ​តម្លៃ​ពិសេស​ថែម​ទៀត​គឺ​ ៩៨ដុល្លារ​អាមេ​រិក ។

Nokia Asha 503 រួម​ជាមួយនឹង​ Nokia Asha 500 និង Nokia Asha 501ជាប្រជុំ​ក្រុម​ស្មាត​ហ្វូនដែល​មាន​តម្លៃ​ទាប​សមរម្យ​ ប្រកប​ដោយ​សមត្ថភាព​ខ្ពស់​ សម​ស្រប​ទៅ​តាម​សេចក្តី​ត្រូវការ​នៃ​អ្នក​ប្រើ​ប្រាស់​ ។

Nokia Asha 503 ភ្ជាប់​មក​ជាមួយ​ស្រាប់​នូវ​កម្ម​វិធី​កែ​រូប​ភាព​ ដើម្បី​ផ្តល់​លទ្ធ​ភាព​ឱ្យ​អ្នក​ប្រើ​ប្រាស់​បញ្ចេញ​សមត្ថភាព​កែ​ច្នៃ​ទៅ​លើ ​រូ​ប​ថត​របស់​ខ្លួ​ន​ ។ កម្មវិធី​ទាក់​ទង​នៅ​នឹង​រូប​ភាព​ដែល​អា​ច​ទាញ​យក​ពី​ Nokia Store ដូច​ជា Picfeed សម្រាប់​ឱ្យ​អ្នក​ប្រើ​ប្រាស់​តាម​ដាន​ព័ត៌មាន​នៅ​លើ​បណ្តាញ​សង្គម​ Instagram, កម្មវិធី​ Pictag សម្រាប់ Tag, កម្មវិធី Photofunia សម្រាប់​ប្តូរ​ពណ៌រូបភាព​ប្រមាណ​ជាង​៣០០ ពណ៌នឹង​ធ្វើ​ឱ្យ​អ្នក​ដែល​និយម​ថត​រូប​ភាព​ទទួល​បាន​ភាព​រីក​រាយ​ទ្វេឡើង​ ។

ក្រៅ​ពី​មាន​កម្មវិធី​ភាសា​ខ្មែរ​សម្រាប់​សរសេរ​ និង​អាន​ ប្រព័ន្ធ​ប្រតិបត្តិការ​ Asha នេះក៏មាន​កម្មវិធី​ Whatsapp ផ​ង​ដែរ​ ។ ក្រៅ​ពី​នេះ​មាន​កម្មវិធី​ជជែក​កម្សាន្ត​ជាច្រើន​ទៀត​ដូច​ជា​ WeChat, Line, eBuddy, Nimbuzz និង​កម្ម​វិធី​ដទៃ​រាប់​រយ​ពាន់​ ដែល​អាច​ទាញ​យក​ពី​ Nokia Store ។ ស្មាត​ហ្វូន Nokia Asha 503មាន​អង្គ​ចង​ចាំ​ 4GB នៅក្នុង​ម៉ាស៊ីន​រួច​ជាស្រេច​ ថែម​ទាំង​អាចថែម​អង្គ​ចង​ចាំ​ក្រៅ​  32GB បាន​ទៀត​ផង​ ៕​​