ខេត្តស្វាយរៀង ៖ ជនជាតិចិនបើករថយន្តធុនត្រាយ៉ាងលឿនទៅបុកជាមួយរថយន្តសាំយ៉ុង១២កៅអីរបស់ខ្មែរបណ្តាលអោយរងរបួសធ្ងន់០៤នាក់កាលពីវេលាម៉ោង៤និង៤៤នាទីព្រឹក ថ្ងៃទី១ ខែសីហា ឆ្នាំ២០១៩ នៅខាងមុខសាលាបឋមសិក្សា ប៊ុន រ៉ានី ហ៊ុន…
ខេត្តស្វាយរៀង ៖ ជនជាតិចិនបើករថយន្តធុនត្រាយ៉ាងលឿនទៅបុកជាមួយរថយន្តសាំយ៉ុង១២កៅអីរបស់ខ្មែរបណ្តាលអោយរងរបួសធ្ងន់០៤នាក់កាលពីវេលាម៉ោង៤និង៤៤នាទីព្រឹក ថ្ងៃទី១ ខែសីហា ឆ្នាំ២០១៩ នៅខាងមុខសាលាបឋមសិក្សា ប៊ុន រ៉ានី ហ៊ុន សែន ជីភូ សង្កាត់ច្រកម្ទេស ក្រុងបាវិត ខេត្តស្វាយរៀង ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញជនជាតិចិនម្នាក់បើករថយន្ដម៉ាកធុនត្រា ពណ៌ក្រហម ពាក់ផ្លាកលេខ ភ្នំពេញ 2AX-1713 ដឹកអ្នករួមដំណើរម្នាក់ជាជនជាតិចិនដូចគ្នាបោះពួយយ៉ាងលឿនបញ្ច្រាសទិសគ្នាជាមួយនឹងរថយន្ដមួយគ្រឿងសាំយ៉ុង ពណ៌សឆ្នូតខ្មៅ ពាក់ផ្លាកលេខ ភ្នំពេញ 2AI-8308 ។
លុះពេលមកដល់ចំណុចកើតហេតុស្រាប់តែរថយន្ដទាំង២គ្រឿងបានជ្រុលចង្កូតទៅបុកគ្នាយ៉ាងពេញទំហឹងហើយអ្នកបើករថយន្ដសាំងយ៉ុងត្រូវកៀបជាប់នៅក្នុងកាប៊ីនរថយន្ដបណ្ដាលឲ្យមនុស្ស៤នាក់រងរបួសធ្ងន់ និងស្រាលតែម្តង ដោយឡែករថយន្ដទាំង២គ្រឿងបានរងនូវការខូចខាតយ៉ាងដំណំដូចគ្នា ។
បន្ទាប់ពីកើតគ្រោះថ្នាក់ចរាចរណ៍នេះសមត្ថកិច្ច និងមហាជនបានមកជួយយកជនរងគ្រោះទាំង៤នាក់ទៅមន្ទីរពេទ្យបង្អែកជីភូដើម្បីសង្គ្រោះ ។ ចំណែករថយន្តទាំងពីគ្រឿងសមត្ថកិច្ចយកទៅរក្សាទុកនៅអធិការនគបាលក្រុងបាវិតរង់ចាំកាដោះស្រាយជាក្រោយ ៕
កែសម្រួលដោយ ៖ សំណាង
ចែករំលែកព័តមាននេះ