រាជធានីភ្នំពេញ ៖ សាលាឧទ្ធរណ៍រាជធានីភ្នំពេញនឹងប្រកាសសាលក្រមរឿងក្តីសំណងដល់ជនរងគ្រោះក្នុងរថយន្តតារាចម្រៀងលោកខេមរៈ សិរីមន្ត នៅថ្ងៃទី១២ កុម្ភៈ ២០១៤ ខាងមុខនេះ បន្ទាប់ពីភាគីក្រុមហ៊ុនSK បានប្តឹងទាស់ការសម្រេចរបស់តុលាការក្រុងព្រះសីហនុ។
រាជធានីភ្នំពេញ ៖ សាលាឧទ្ធរណ៍រាជធានីភ្នំពេញនឹងប្រកាសសាលក្រមរឿងក្តីសំណងដល់ជនរងគ្រោះក្នុងរថយន្តតារាចម្រៀងលោកខេមរៈ សិរីមន្ត នៅថ្ងៃទី១២ កុម្ភៈ ២០១៤ ខាងមុខនេះ បន្ទាប់ពីភាគីក្រុមហ៊ុនSK បានប្តឹងទាស់ការសម្រេចរបស់តុលាការក្រុងព្រះសីហនុ។
សាលាឧទ្ធរណ៍បានបើកសវនាការជំនុំជម្រះរឿងក្តីមួយនេះ កាលពីរសៀលថ្ងៃទី៦ កុម្ភៈ ២០១៤ ក្រោមវត្តមានរបស់ភាគីជនរងគ្រោះដែលមានលោកជួង ជី ហៅកុយ យាយណយ សំណាង និងលោកខេមរៈ ភារុណ ដែលតំណាងឱ្យតារាចម្រៀងលោកខេមរៈ សិរីមន្ត។
បើតាមការអះអាងពីលោកខេមរៈ ភារុណ បានប្រាប់កោះសន្តិភាពតាមទូរស័ព្ទថា ក្រោយពីបានដេញដោលក្នុងអង្គជំនុំជម្រះនោះរួចមក សាលាឧទ្ធរណ៍បានសម្រេចថា នឹងប្រកាសសាលក្រមនៅថ្ងៃទី១២ កុម្ភៈ ខាងមុខនេះ។
ទោះជាយ៉ាងណា លោកខេមរៈ ភារុណ មិនអាចបញ្ជាក់ឱ្យបានច្បាស់លាស់ពាក់ព័ន្ធនឹងដំណើរការជំនុំជម្រះដែលបានធ្វើឡើងនាពេលនោះឡើយ ប៉ុន្តែលោកបានអះអាងថា ខាងតំណាងអយ្យការបានធ្វើសេចក្តីសន្និដ្ឋានស្នើសុំចៅក្រមឱ្យរក្សាដីកាសម្រេចរបស់តុលាការខេត្តព្រះសីហនុទុកជាបានការដដែល៕
ចែករំលែកព័តមាននេះ