ប្រទេសស៊ូដង់ ៖ ទីភ្នាក់ងារព័ត៌មានស៊ូដង់SUNAរាយការណ៍នាថ្ងៃទី១៣មិថុនាថា អតីតប្រធានាធិបតីស៊ូដង់លោកអូម៉ាអែលបេសៀរ អាយុ៧៥ឆ្នាំ ទទួលការចោទប្រកាន់ពីបទពុករលួយ។ លោកបេសៀរដែលឡើងកាន់អំណាចតាមរយៈរដ្ឋប្រហារមួយ កាលពីឆ្នាំ១៩៨៩ត្រូវបានទម្លាក់ហើយចាប់ខ្លួនដោយពួកយោធា កាលពីថ្ងៃទី១១មេសានៅក្រុងខាទុម ក្រោយចលនាតវ៉ាដ៏ធំចាប់ផ្ដើមពីខែធ្នូឆ្នាំ២០១៨មក…
ប្រទេសស៊ូដង់ ៖ ទីភ្នាក់ងារព័ត៌មានស៊ូដង់SUNAរាយការណ៍នាថ្ងៃទី១៣មិថុនាថា អតីតប្រធានាធិបតីស៊ូដង់លោកអូម៉ាអែលបេសៀរ អាយុ៧៥ឆ្នាំ ទទួលការចោទប្រកាន់ពីបទពុករលួយ។
លោកបេសៀរដែលឡើងកាន់អំណាចតាមរយៈរដ្ឋប្រហារមួយ កាលពីឆ្នាំ១៩៨៩ត្រូវបានទម្លាក់ហើយចាប់ខ្លួនដោយពួកយោធា កាលពីថ្ងៃទី១១មេសានៅក្រុងខាទុម ក្រោយចលនាតវ៉ាដ៏ធំចាប់ផ្ដើមពីខែធ្នូឆ្នាំ២០១៨មក បន្ទាប់ពីលោកប្រកាសដំឡើងថ្លៃនំប័ុងដល់៣ដងមក។ ក្រសួងសាធារណៈប្រកាសថា បានបញ្ចប់ការស៊ើបអង្កេតប្រឆាំងអតីតប្រធានាធិបតីរូបនោះ ដែលធ្វើឡើងដោយបណ្ដារដ្ឋអាជ្ញាប្រឆាំងអំពើពុករលួយ។
ដកស្រង់ប្រភពមួយមិនបញ្ចេញឈ្មោះSUNAគូសបញ្ជាក់ថា អតីតប្រធានាធិបតីជាប់ចោទពីបទមានប្រាក់បរទេសដ៏ច្រើន ពីបទប្រមូលទ្រព្យតាមបែបគួរឲ្យសង្ស័យនិងខុសច្បាប់ និងពីបទចេញការប្រកាសអាសន្ន។ ប្រាក់ដល់ទៅជាង១១៣លានដុល្លារជាសាច់ប្រាក់សុទ្ធត្រូវបានរឹបអូសក្នុងនិវេសនដ្ឋានរបស់លោកក្នុងក្រុងខាទុម៕ (កែសម្រួលដោយ ៖ បុប្ផា)
ចែករំលែកព័តមាននេះ