រាជធានីភ្នំពេញ ៖ ក្រុមព្រះខ័នរាជស្វាយរៀងបានបន្តឡើងឈរកំពូលតារាងក្របខណ្ឌ បាល់ទាត់មិត្តហ្វូនខេមបូឌានលីគសប្ដាហ៍ទី១០បន្ទាប់ពីយកឈ្នះលើក្រុមវិសាខា៥-៣នៅលើទឹកដីរបស់ខ្លួនកាលពីថ្ងៃអាទិត្យទី២ មិថុនា កន្លងមកនេះ ។ ក្រុមព្រះខ័នរាជស្វាយរៀងប្រកួត១០លើកមកនេះ នៅមិនទាន់ស្គាល់ចាញ់ម្ដងណាឡើយ ដោយឈ្នះ៨…
រាជធានីភ្នំពេញ ៖ ក្រុមព្រះខ័នរាជស្វាយរៀងបានបន្តឡើងឈរកំពូលតារាងក្របខណ្ឌ បាល់ទាត់មិត្តហ្វូនខេមបូឌានលីគសប្ដាហ៍ទី១០បន្ទាប់ពីយកឈ្នះលើក្រុមវិសាខា៥-៣នៅលើទឹកដីរបស់ខ្លួនកាលពីថ្ងៃអាទិត្យទី២ មិថុនា កន្លងមកនេះ ។
ក្រុមព្រះខ័នរាជស្វាយរៀងប្រកួត១០លើកមកនេះ នៅមិនទាន់ស្គាល់ចាញ់ម្ដងណាឡើយ ដោយឈ្នះ៨ និងស្មើ២ មាន២៦ពិន្ទុ ខណៈក្រុមវិសាខាធ្លាក់មកនៅលេខរៀងទី៥ ដោយប្រកួតបាន១០លើកដូចគ្នា ឈ្នះ៦ ស្មើ១ចាញ់៣ មាន១៩ពិន្ទុ។
មួយប្រកួតទៀតនៅទីលានស្ដាតចាស់ ក្រុមណាហ្គាវើលបានចាញ់ក្រុមបឹងកេតអេហ្វស៊ី២-០ធ្លាក់មកនៅលេខរៀងទី២វិញដោយប្រកួត១០លើក ឈ្នះ៨ ចាញ់២ មាន២៤ពិន្ទុ ។ ទោះបីយ៉ាងណា ក្រុមបឹងកេតអេហ្វស៊ី បានត្រឹមរក្សាតំណែងលេខ៤ក្នុងតារាងប៉ុណ្ណោះដោយ ប្រកួត១០លើក ឈ្នះ៦ ស្មើ២ និងចាញ់២ មាន២០ពិន្ទុ ។
ចំណែកក្រុមអាស៊ីអឺរ៉ុបយូណាយធីត បាន យកឈ្នះលើក្រុមយុវជនបាទីអាយុក្រោម១៨ឆ្នាំក្នុងលទ្ធផល៦-១ នៅលើទីលានរបស់ខ្លួន។ ក្រុមអាស៊ីអឺរ៉ុបយូណាយធីតប្រកួតបាន១០លើកឈ្នះ៤ ស្មើ១ ចាញ់់៥ មាន១៣ពិន្ទុ ខណៈក្រុមយុវជនបាទីងើបមិនទាន់រួចពីបាតតារាងនៅឡើយ ។
ដោយឡែកក្រុមគិរីវង់សុខសែនជ័យ បានចាញ់ក្រុមអគ្គិសនីកម្ពុជានៅលើទឹកដីរបស់ខ្លួនក្នុងលទ្ធផល២-១ ។ ប៉ុន្តែក្រុម២នេះមានពិន្ទុប្រហាក់ប្រហែលគ្នា ខណៈការប្រកួត១០លើក អគ្គិសនីមាន១០ពិន្ទុ ឯគិរីវង់មាន៩ពិន្ទុ៕
ចែករំលែកព័តមាននេះ