ក្រុមហ៊ុនចែកចាយគ្រឿងអេឡិចត្រូនិចដំបូងគេបង្អស់នៅក្នុងប្រទេសកម្ពុជា ដែលទទួលបាន ISO 9001:2015
- ភ្នំពេញ
រាជធានីភ្នំពេញ ៖ នៅថ្ងៃទី ២៧ ខែ ឧសភា ឆ្នាំ ២០១៩ ក្រុមហ៊ុន ជីហ្គៀ…
រាជធានីភ្នំពេញ ៖ នៅថ្ងៃទី ២៧ ខែ ឧសភា ឆ្នាំ ២០១៩ ក្រុមហ៊ុន ជីហ្គៀ…
រាជធានីភ្នំពេញ ៖ នៅថ្ងៃទី ២៧ ខែ ឧសភា ឆ្នាំ ២០១៩ ក្រុមហ៊ុន ជីហ្គៀ (G Gear) បានប្រារព្ធពិធីអបអរសាទរ ដែលក្រុមហ៊ុនទទួលបានវិញ្ញបនប័ត្រ ស្ដង់ដាគ្រប់គ្រង គុណភាពថ្នាក់ ISO 9001:2015 ។ កម្មវិធីនេះប្រព្រឹត្តឡើងនៅស្នាក់ការកណ្ដាលរបស់ក្រុមហ៊ុន ផ្ទះលេខ135 មហាវិថីព្រះមុនីវង្ស សង្កាត់ 7 មករា រាធានីភ្នំពេញ ដែលមានការអញើញចូលរួមពីសំណាក់ ភ្ញៀវកតិ្តយស និងអ្នកព័ត៌មានប្រមាណជា 100 នាក់ ។
តាមសេចក្តីប្រកាសព័ត៌មានរបស់ក្រុមហ៊ុនជីហ្គៀ (G Gear) ថា ខ្លួនបានចាប់ផ្តើមអាជីវកម្មតាំងពីឆ្នាំ ២០១១ មកម្ល៉េះ ដោយចាប់ផ្តើមដំបូងក្នុងនាមជាតំណាងចែកចាយផលិតផល LG Electronics នៅក្នុងប្រទេសកម្ពុជា ហើយមកដល់ពេលបច្ចុប្បន្ននេះ ក្រុមហ៊ុនបានបន្ថែមនៅក្នុងការចែកចាយផលិតផលចំនួនទៀតដូចជា ជណ្ដើរយន្តម៉ាក HYUNDAI ELEVATOR, អំពូលភ្លើង LUCECO , ព្រឺភ្លើង Master Plag , ផលិតផល ទ្វារបង្អួច LG Hausys , ទូរស័ព្ទ Energizer និងកាលពីថ្មីៗនេះយើងក៏ទទួលបានសិទ្ធិជាអ្នកតំឡើងចំណតឡានប្រភេទអូតូ Auto car Parking AJ Dongyang Menics ផងដែរ ។
ក្រុមហ៊ុនជីហ្គៀ (G Gear) បានទទួលសញ្ញបត្រស្ដង់ដា ISO 9001:2015 ដែលនេះគឺជាស្ដង់ដាគុណភាពលើ ប្រពន្ធ័គ្រប់គ្រង ហើយក៏ជាក្រុមហ៊ុនចែកចាយអេឡិចត្រូនិចដំបូងគេនៅក្នុងប្រទេសកម្ពុជា ដែលទទួលបានស្តង់ដា ISO 9001:2015 នេះ។
ក្រុមហ៊ុនជីហ្គៀ (G Gear) គឺជាក្រុមហ៊ុនដែលបានបេ្ដជ្ញាចិត្តបំពេញនូវតម្រូវការរបស់អតិថិជន ដោយផ្ដល់នូវផលិតផល និងសេវាកម្មដែលមានគុណភាពខ្ពស់ដោយផ្អែកលើគោលការណ៍នៃការគ្រប់គ្រងគុណភាពរបស់ ISO 9001:2015 ។ ការខិតខំប្រឹងប្រែងរបស់ក្រុមហ៊ុនជីហ្គៀ (G Gear) គឺដើម្បីផ្ដល់ជូនផលិតផល និងសេវាកម្មដែលមានគុណភាព និងសុវត្ថិភាព ដោយអនុលោមទៅតាមច្បាប់ ការបំពេញចិត្តនឹងសេចក្តីត្រូវការរបស់អតិថិជនរបស់យើង។
ការអនុវត្ដន៍នូវស្ដង់ដាគុណភាព របស់ក្រុមហ៊ុនជីហ្គៀ (G Gear) ដែលជំរុញអោយមានវប្បធម៌គុណភាព ក្នុងការផ្ដល់សេវាកម្មដល់អតិថិជន ការគោរពច្បាប់ បទបញ្ញត្ដិរបស់ប្រទេស ការពង្រឹងសមត្ថភាពប្រព័ន្ធគ្រប់គ្រង ការធ្វើការជាក្រុម និងការលើកទឹកចិត្តអោយមានការចូលរួមលើកកម្ពល់ ការទទួលខុសត្រូវចំពោះគុណភាពនៃផលិតផល និងសេវាកម្ម ក្នុងចំណោមបុគ្គលិកទាំងអស់ និងការរក្សានូវបរិស្ថានការងារ ការគោរពសិទិ្ធគ្នាទៅវិញទៅមក ដើម្បីជំរុញឱ្យមានគំនិតច្នៃប្រឌិត និងការចូលរួមរក្សាសុខភាព សុវតិ្ថភាពបរិស្ថាន ។
តាមការបញ្ជាក់របស់ក្រុមហ៊ុនសេចក្តីសម្រេចរបស់អង្គការ ISO គឺធ្វើឡើងបន្ទាប់ពីក្រុមហ៊ុនបានអនុវត្តយ៉ាងខ្ជាប់ខ្ជូនតាមក្រមសីលធម៌វិជ្ជាជីវៈ ក៏ដូចជាការគ្រប់គ្រងបុគ្គលិកផ្អែកលើមូលដ្ឋានគ្រឹះដ៏រឹងមាំ ចំនុចទាំងអស់នេះហើយដែលធ្វើឱ្យក្រុមហ៊ុន ជីហ្គៀ (G Gear) ទទួលបានកំរិតស្ដង់ដាអន្ដរជាតិ ISO 9001: 2015 ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ