រាជធានីភ្នំពេញ ៖ ជនសង្ស័យម្នាក់ត្រូវសមត្ថកិច្ចឃាត់ខ្លួន បន្ទាប់ពីធ្វើសកម្មភាពចូលលួចក្នុងផ្ទះរបស់ប្រជាពលរដ្ឋ តែមិនបានសម្រេចត្រូវម្ចាស់គេតាមទាន់ បង្កឲ្យមានការភ្ញាក់ផ្អើលឡើងកាលពីម៉ោង១២និង៣០នាទីរំលងអធ្រាត្រឈានចូលថ្ងៃទី១១ ខែមេសា ឆ្នាំ២០១៩ ត្រង់ចំណុចផ្ទះជួលមួយកន្លែង ស្ថិតក្នុងភូមិចុងថ្នល់ខាងកើត…
រាជធានីភ្នំពេញ ៖ ជនសង្ស័យម្នាក់ត្រូវសមត្ថកិច្ចឃាត់ខ្លួន បន្ទាប់ពីធ្វើសកម្មភាពចូលលួចក្នុងផ្ទះរបស់ប្រជាពលរដ្ឋ តែមិនបានសម្រេចត្រូវម្ចាស់គេតាមទាន់ បង្កឲ្យមានការភ្ញាក់ផ្អើលឡើងកាលពីម៉ោង១២និង៣០នាទីរំលងអធ្រាត្រឈានចូលថ្ងៃទី១១ ខែមេសា ឆ្នាំ២០១៩ ត្រង់ចំណុចផ្ទះជួលមួយកន្លែង ស្ថិតក្នុងភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ។
បើតាមសម្តីពីជនរងគ្រោះមានឈ្មោះ មាស រី ភេទស្រី អាយុ៣៣ឆ្នាំ ស្នាក់នៅកន្លែងកើតហេតុខាងលើរៀបរាប់ឱ្យដឹងថា នៅមុនកើតហេតុ គាត់បានទៅអង្គុយនិយាយលេងនៅផ្ទះរបស់អ្នកជិតខាងក្បែរនោះ ដោយទ្វារផ្ទះរបស់គាក់នៅមិនទាន់បានចាក់សោនោះទេ។ លុះដល់ម៉ោងកើតហេតុ គាត់ក៏បានលឺសម្លេងច្រវាក់ដែលគាត់ដាក់ថ្ពក់នឹងទ្វារផ្ទះរបស់គាត់ជ្រុះ ពេលនោះដោយមានការសង្ស័យគាត់ក៏ដើរទៅមើល។ បន្ទាប់មកគាត់ក៏ទាញទ្វារបើក តែហាក់ដូចជាតឹងខុសពីធម្មតា រួចគាត់ក៏ស្រែកហៅប្តីរបស់គាត់ឲ្យមកជួយមើល។
ជនរងគ្រោះបន្តទៀតថា ខណៈនោះស្រាប់តែជនសង្ស័យខាងលើស្ទុះរត់ចេញពីក្នុងផ្ទះរបស់គាត់ រួចគាត់ក៏ស្រែកចោរៗបង្កឲ្យមានការភ្ញាក់ផ្អើលដល់អ្នកជិតខាង និងប្តីរបស់គាត់រត់ដេញតាមពីក្រោយជនសង្ស័យនោះរហូតទៅដល់ខាងមុខកន្លែងលក់ផ្កាក្បែរនឹងខ្លោងទ្វារវត្តទឹកថ្លា ទើបអាចធ្វើការចាប់ឃាត់ជនសង្ស័យនោះបានតែម្តង។ បន្ទាប់មកជនសង្ស័យខាងលើក៏បានប្រជាពលរដ្ឋនាំគ្នាស្វាគមន៍យ៉ាងចាស់ដៃ រហូតដល់ថ្នាក់និយាយលែងចេញ។
ក្រោយពេលកើតហេតុ ជនសង្ស័យរូបនោះត្រូវបានសមត្ថកិច្ចនាំខ្លួនយកទៅសាកសួរនាំនៅប៉ុស្តិ៍នគរបាលរដ្ឋបាលទឹកថ្លា និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌសែនសុខ ដើម្បីរង់ចាំចាត់ការទៅតាមនីតិវិធីច្បាប់ជាបន្តទៀត៕
ចែករំលែកព័តមាននេះ