ខេត្តកំពង់ស្ពឺ ៖ ទីតាំងផលិតស្ករត្នោតក្លែងក្លាយមួយកន្លែងត្រូវបានសមត្ថកិច្ចនគរបាលធ្វើការចុះបង្ក្រាប និងដកហូតវត្ថុតាងមួយចំនួនកាលពីវេលាម៉ោង៣និង៤០នាទីរសៀលថ្ងៃទី២៧ ខែមីនា ឆ្នាំ២០១៩ ស្ថិតក្នុងភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ។…
ខេត្តកំពង់ស្ពឺ ៖ ទីតាំងផលិតស្ករត្នោតក្លែងក្លាយមួយកន្លែងត្រូវបានសមត្ថកិច្ចនគរបាលធ្វើការចុះបង្ក្រាប និងដកហូតវត្ថុតាងមួយចំនួនកាលពីវេលាម៉ោង៣និង៤០នាទីរសៀលថ្ងៃទី២៧ ខែមីនា ឆ្នាំ២០១៩ ស្ថិតក្នុងភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ។
ម្ចាស់ទីតាំងខាងលើត្រូវបានគេស្គាល់ថាឈ្មោះរាជ រ៉ាឌី ភេទស្រី អាយុ៥៧ឆ្នាំរស់នៅភូមិឃុំខាងលើ។
ចំណែកវត្ថុតាងដែលសមត្ថកិច្ចដកហូតរួមមាន ស្ករសចំនួន១១០បាវ ស្មើនឹងទម្ងន់៥៥០០គីឡូក្រាម,
ស្ករត្នោតសម្រេចចំនួន៦៦បាវ ស្មើនឹងទម្ងន់៦៦០០គីឡូក្រាម, ស្ករត្នោតដាក់ក្នុងធុងកាត់ចំនួន១៥៤ធុង ស្មើនឹងទម្ងន់២០០២០គីឡូក្រាម, សំបកធុងកាត់ទទេចំនួន៤២៤ធុង, សំបកធុងស្ពេត្រូចំនួន៣៥០ធុង, ស្ករត្នោតច្រកក្នុងធុងស្ពេត្រូចំនួន១៦ធុង ស្មើនឹងទម្ងន់៧៥២គីឡូក្រាម ។ វត្ថុតាងទាំងនេះត្រូវបានប្រគល់ជូនមន្ត្រីជំនាញកាំកុងត្រូលដើម្បីយកទៅធ្វើតេស្ត ។
តាមប្រភពពីសមត្ថកិចនគរបាលបានអោយដឹងថា ការចុះបង្ក្រាបនេះធ្វើឡើងតាមការបញ្ជាពីសំណាក់អភិបាលខេត្តដឹកនាំដោយលោកឧត្តមសេនីយ៍ត្រី ឈុន ឆុន អនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច និងលោកឧត្តមសេនីយ៍ត្រី ប៊ុត ចាន់តារា ស្នងការរងទទួលផែនការងារនគរបាលប្រឆាំងបទល្មើសសេដ្ឋកិច្ច មានការសម្របសម្រួលពីលោក ខៃ សម្ភស្ស ព្រះរាជអាជ្ញារងអមសាលាដំបូងខេត្តកំពង់ស្ពឺ និងមានការចូលរួមពីលោក ណាល់ វិចិត្រ ប្រធានសាខាកំកុងត្រូលខេត្តកំពង់ស្ពឺ លោក សេរី សុភាព អនុប្រធានមន្ទីរពាណិជ្ជកម្មខេត្តកំពង់ស្ពឺ លោកសុខ ហួត ប្រធានមន្ទីរឧស្សាហ៍កម្ម និងសិប្បកម្មខេត្តកំពង់ស្ពឺ។
តាមប្រភពដដែលបានអោយដឹងបន្តថា ទីតាំងលួចផលិតស្ករត្នោតក្លែងក្លាយខាងលើត្រូវបានសមត្ថកិច្ចចុះបង្ក្រាបម្តងរួចមកហើយកាលពីថ្ងៃថ្ងៃទី១០ ធ្នូ ឆ្នាំ២០១៧។
បច្ចុប្បន្នសមត្ថកិច្ចបានណែនាំដល់ម្ចាស់អាជីវកម្មផ្អាកជាបណ្តោះអាសន្នសិន រង់ចាំលទ្ធផលធ្វើតេស្ត និងការសម្រេចពីថ្នាក់លើ ៕
ចែករំលែកព័តមាននេះ