ប្រទេសហូឡង់ ៖ បណ្ដាចៅក្រមនៃយន្តការសម្រាប់តុលាការឧក្រិដ្ឋអន្តរជាតិMTPI របស់អ.ស.ប កាលពីថ្ងៃទី២០មីនាបានបន្ថែមទម្ងន់ទោសនៅសាលាឧទ្ធរណ៍ ដល់លោកRADOVAN KARADZIC អតីតប្រធានាធិបតីនៃសាធារណរដ្ឋស៊ែបបូស្នី ដោយកាត់ឲ្យលោកជាប់គុកអស់មួយជីវិត។ ពេលនេះមានអាយុ៧៣ឆ្នាំ…
ប្រទេសហូឡង់ ៖ បណ្ដាចៅក្រមនៃយន្តការសម្រាប់តុលាការឧក្រិដ្ឋអន្តរជាតិMTPI របស់អ.ស.ប កាលពីថ្ងៃទី២០មីនាបានបន្ថែមទម្ងន់ទោសនៅសាលាឧទ្ធរណ៍ ដល់លោកRADOVAN KARADZIC អតីតប្រធានាធិបតីនៃសាធារណរដ្ឋស៊ែបបូស្នី ដោយកាត់ឲ្យលោកជាប់គុកអស់មួយជីវិត។
ពេលនេះមានអាយុ៧៣ឆ្នាំ លោកKARADZIC ត្រូវបានសាលាដំបូងនៃតុលាការក្រុងឡាអេ កាត់ទោសដាក់គុក៤០ឆ្នាំពីបទប្រល័យពូជសាសន៍ ឧក្រិដ្ឋកម្មប្រឆាំងមនុស្សជាតិនិងរំលោភបំពានច្បាប់សង្គ្រាមនានា ពិសេសពីបទចូលរួម ក្នុងការសម្លាប់រង្គាលជនអ៊ិស្លាមនៅទីក្រុងស្រេ្តប្រេនីកា នាសម័យសង្គ្រាមនៅបូស្នីប្រមាណជា៨០០០នាក់ កាលពីខែកក្កដាឆ្នាំ១៩៩៥ និងពីបទឡោមព័ទ្ធក្រុងសារ៉ាជេវ៉ូ។
ការប្រកាសសាលក្រមនោះទទួលការទះដៃអបអរសាទរក្នុងបន្ទប់សវនាការ ។ លោក KARADZICដែលចោទតុលាការអ.ស.បនោះថាលំអៀង ពេលប្រកាសសាលក្រមនៅស្ងៀមពុំបញ្ចេញប្រតិកម្មអ្វីឡើយ។ ចៅក្រមទាំង៥រូបនៃតុលាការនោះយល់ថា ការកាត់ទោសដាក់គុក៤០ឆ្នាំប្រឆាំងលោកKARADZIC កាលពីឆ្នាំ២០១៦គឹស្រាលណាស់បើគិតពីភាពធ្ងន់ធ្ងរនៃអំពើឧក្រិដ្ឋរបស់លោក។
នៅសាលាឧទ្ធរណ៍ជនជាប់ចោទទាមទារឲ្យមានការកាត់ទោសជាលើកទី២ ពីបទប្រល័យពូជសាសន៍ តែបណ្ដាចៅក្រមបានបដិសេធសំណើនោះ ហើយបានកាត់ទោសរូបគេពីបទឧក្រិដ្ឋកម្មសង្គ្រាមនិងឧក្រិដ្ឋកម្មប្រឆាំងមនុស្សជាតិ។ ការកាត់ទោសលើកនេះជាការកាត់ទោសស្ថាពរហើយពុំអាចមានការតវ៉ាឡើយ៕
ចែករំលែកព័តមាននេះ