ខេត្តកំពង់ស្ពឺ ៖ បុរសម្នាក់បានឆក់ខ្សែភ្លើងមិនអាចជួយសង្គ្រោះបានឡើយហើយស្លាប់មួយរំពេចបន្ទាប់ពីយកខ្សែភ្លើងមានមុខតំណច្រើនយកមកតភ្លើងដើម្បីឆក់ត្រីនៅក្នុងត្រពាំងទឹករបស់ខ្លួន ។ ករណីឆក់ខ្សែភ្លើងនេះកើតឡើងជាប់មាត់ត្រពាំងទឹកក្រោយផ្ទះចម្ងាយ ៧០ម៉ែត្រ កាលពីរសៀលថៃ្ងទី២៥ ខែកុម្ភៈ ឆ្នាំ២០១៩ ជនរងគ្រោះមានឈ្មោះ ឃិន ចឹក ភេទប្រុស អាយុ៤២ឆ្នាំ រស់នៅក្នុងភូមិព្រៃឃ្លៃ ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ។
ប្រភពពីសមត្ថកិច្ចបានឱ្យដឹងថា មុនពេលកើតហេតុជនរងគ្រោះបានរាយខ្សែភ្លើងចេញពីផ្ទះដើម្បីឆក់ត្រីនៅត្រពាំងទឹកក្រោយផ្ទះ ពេលរាយខ្សែចេញពីផ្ទះជនរងគ្រោះមិនទាន់ដឹងថាខ្សែមានតំណនោះទេស្រាប់តែពេលរាយខ្សែរួចមកដោតឌុយភ្លើងជនរងគ្រោះបានចុះទៅក្នុងទឹកដោយមិនដឹងថា ខ្សែមានតំណច្រើនក៏ឆក់បណ្តាលឱ្យភ្លាមមួយរំពេចតែម្តង ។ ពេលកើតហេតុសាច់ញាតិបានដកឌុយហើយលើកជនរងគ្រោះមកធ្វើការសង្គ្រោះតែជាអកុសលជនរងគ្រោះបានស្លាប់បាត់ទៅហើយ ។
ប្រភពបន្តថា ករណីនេះបណ្តាលមកពីការធ្វេសប្រហែសរបស់ជនរងគហរោះទើបជួបហេតុការណ៍បែបនេះមកលើខ្លួនដោយសារតែយកខ្សែភ្លើងមានតំណហើយតខុសបច្ចេកទេសពេលចុះទឹកមិនទាន់បានឆក់ត្រីមួយផងក៏ឆ្លងចរន្ដអគ្គីសនីប៉ះទឹកឆក់ទាញដួលតែម្ដង ៕
ចែករំលែកព័តមាននេះ