ក្រោយពីក្ដីស្រឡាញ់មានភាពរអាក់រអួលអស់រយៈពេលជាច្រើនឆ្នាំមក មួយរយៈពេលចុងក្រោយនេះក្ដីស្រឡាញ់របស់ Katy Perry និងលោក Orlando Bloom កាន់តែស្អិតរមួត រួមទាំងបានបង្ហាញថាបានភ្ជាប់ពាក្យរួចទៀតផង ។
នាង Katy Perry និងលោក Orlando Bloom បានបង្ហោះ«អុីនស្ដាក្រាម» បង្ហាញរូបនៃការភ្ជាប់ពាក្យដោយមានប៉េងប៉ោងរូបបេះដូងបង្ហោះនៅជុំវិញបន្ទប់ ធ្វើឲ្យអ្នកគាំទ្រជាច្រើនរូបអបអរសាទរ ។ លើសពីនេះមហាជនក៏បានឃើញចិញ្ចៀនមួយវង់នៅម្រាមដៃនាងខាងឆ្វេង ខណៈពេលខាងបុរសក៏បង្ហាញគ្រាប់ពេជ្រច្នៃជារូបផ្កាកុលាបសុំរៀបការ ។
ចិញ្ចៀនភ្ជាប់ពាក្យរបស់នាង Katy Perry មានលក្ខណៈដូចគ្នានឹងចិញ្ចៀនភ្ជាប់ពាក្យរបស់នាងMiranda Kerr អតីតប្រពន្ធរបស់ Orlando Bloom ប៉ុន្តែខុសគ្នាត្រង់ទំហំ និងគុណភាពពេជ្រ រួមទាំងពណ៌ ។
អ្វីដែលសំខាន់គឺតម្លៃក៏ខុសប្លែកគ្នាដែរ ព្រោះទំហំ៤ការាត់របស់នាង Katy Perry មានតម្លៃ៥លានដុល្លារ ខណៈពេលទំហំពី៣-៤ការាត់របស់នាង មីរេនដា មានតម្លៃតែ៦៥.០០០ដុល្លារ ៕
ចែករំលែកព័តមាននេះ