រាជធានីភ្នំពេញ ៖ យុវជនម្នាក់បានរងរបួសបែកចិញ្ចើមម្ខាងដោយយុវវ័យក្មេងទំនើងយកចំពាមបាញ់ បណ្តាលឲ្យរងរបួសធ្ងន់ បង្កអោយមានការភ្ញាក់ផ្អើល កាលពីវេលាម៉ោង១២និង ១០នាទីរំលងអធ្រាត្រឈានចូលថ្ងៃទី១៩ ខែកុម្ភៈ ឆ្នាំ២០១៩ នៅតាមបណ្តាយផ្លូវសហព័ន្ធរុស្ស៊ី…
រាជធានីភ្នំពេញ ៖ យុវជនម្នាក់បានរងរបួសបែកចិញ្ចើមម្ខាងដោយយុវវ័យក្មេងទំនើងយកចំពាមបាញ់ បណ្តាលឲ្យរងរបួសធ្ងន់ បង្កអោយមានការភ្ញាក់ផ្អើល កាលពីវេលាម៉ោង១២និង ១០នាទីរំលងអធ្រាត្រឈានចូលថ្ងៃទី១៩ ខែកុម្ភៈ ឆ្នាំ២០១៩ នៅតាមបណ្តាយផ្លូវសហព័ន្ធរុស្ស៊ី ទល់មុខប្រលានយន្តហោះអន្តរជាតិភ្នំពេញ ដែលស្ថិតនៅ ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុដោយឃើញយុវជនក្មេងទំនើងមួយក្រុមមានគ្នាជាង១០នាក់ជិះម៉ូតូប្រមាណ៥គ្រឿងបើកក្នុងទិសដៅពីរង្វង់មូលចោមចៅទៅភ្នំពេញ ហើយបានបង្ហោះម៉ូតូតាមបណ្តោយផ្លូវខាង ដោយជិះពេញផ្លូវលុះបើកមកដល់ចំណុចកើតហេតុឃើញយុវជន៥នាក់ជិះម៉ូតូ២គ្រឿង ដោយជនរងគ្រោះជិះម៉ូតូមានគ្នា២នាក់ ហើយយុវជនក្មេងទំនើងខាងលើបានធ្វើសកម្មភាពយកចំពាមកៅស៊ូ ហើយបាញ់ទៅលើជនរងគ្រោះជិះគ្នា២នាក់ខាងលើចំចិញ្ចើមផ្នែកខាងឆ្វេង បណ្តាលអោយរយះឈាមហូរស្រោចពេញខ្លួន ។
ប្រជាពលរដ្ឋដែលឃើញហេតុការណ៍បានបញ្ជាក់ទៀតថា ដោយភាគីគ្នាជនរងគ្រោះដែលជិះគ្នា៣នាក់ ដោយពាក់មួកសុវត្ថិភាព ហើយជនរងគ្រោះជិះម៉ូតូ២នាក់ដោយមិនបានពាក់មួកសុវត្ថិភាព ហើយបាញ់ថ្នាំពណ៌ក្រហមទៀត ទើបក្រុមក្មេងទំនើងខាងលើធ្វើសកម្មភាពបាញ់តែម្ដង ។
ប្រជាពលរដ្ឋដែលឃើញហេតុការណ៍បានបញ្ជាក់ទៀតថា ក្រុមក្មេងទំនើងខាងលើតែងធ្វើសកម្មភាពសឹងរាល់ថ្ងៃ ដែលធ្វើសកម្មភាពនៅតាមបណ្ដោយផ្លូវមហាវិថីឈ្នះ ឈ្នះ ភូមិជម្ពូវ័នផងដែរ ដោយមិនទាន់មានសមត្ថកិច្ចបង្ក្រាបបាននោះឡើយ ។ ក្រោយពេលកើតហេតុ ជនរងគ្រោះដោយមិនបានដាក់ពាក្យបណ្ដឹងនោះឡើយ ហើយនាំគ្នាទៅផ្ទះភ្លាមៗផងដែរ ៕
ចែករំលែកព័តមាននេះ