របៀប​ការពារ​ជំងឺ​រលាក​ផ្លូវ​ទឹកនោម


មាន​មធ្យោបាយ​ជា​ច្រើន​ដែល​អ្នក​អាច​ធ្វើ​បាន ដើម្បី​ការពារ​ការ​ឆ្លង​មេរោគ​លើ​ផ្លូវ​បង្ហូរ​ទឹកនោម ។ ក្រោយ​ពី​នោម ស្ត្រី​គួរតែ​ជូត​ពីមុខ​ទៅ​ក្រោយ ជាមួយនឹង​ក្រដាសអនាម័យ​។ ក្រោយ​ពី​បន្ទោបង់​ហើយ សូម​ប្រាកដ​ថា អ្នក​ជូត​ពីមុខ​ទៅ​ក្រោយ ដើម្បី​ចៀសវាង​ការ​ឆ្លង​មេរោគ​បាក់តេរី​ពី​រន្ធ​គូទ ទៅ​ក្នុង​បំពង់​បង្ហូរ​ទឹកនោម ។

រឿង​មួយទៀត​ដែល​ទាំង​ក្មេង​ប្រុស និង​ក្មេង​ស្រី​អាច​ធ្វើ​បាន ដើម្បី​ការពារ​ការ​រលាក​ផ្លូវ​បង្ហូរ​ទឹកនោម​នោះ គឺ​ឧស្សាហ៍​នោម ។ ចៀសវាង​ការ​ទប់​នោម​រយៈពេល​យូរ ។

បុរស និង​ស្ត្រី​គួរតែ​រក្សា​ប្រដាប់​ភេទ​ឲ្យ​ស្អាត និង​ស្ងួត ។ ក្មេង​ស្រី គួរតែ​ប្តូរ​សម្លី​អនាម័យ​ឲ្យ​បាន​ញឹកញាប់​អំឡុង​ពេល​រដូវ​របស់​ពួក​គេ​។ ការ​ត្រាំ​ទឹកសាប៊ូ​ញឹកញាប់ អាច​បណ្តាល​ឲ្យ​រលាក​ដល់​តំបន់​នៃ​ទ្វារមាស ដូចនេះ​ស្ត្រី​គួរតែ​ងូតទឹក ឬ​ត្រាំ​ជាមួយនឹង​ទឹក​ធម្មតា ។ ការ​ពាក់​ខោ​ទ្រនាប់​ដោយ​មាន​ជាតិ​នីឡុង គឺ​មាន​ប្រយោជន៍​។ ក្មេង​ស្រី​គួរតែ​រំលង​ការ​ប្រើ​ទឹក​លាង​សម្អាត​ប្រដាប់​ភេទ​ខ្លះ ព្រោះ​ផលិតផល​នេះ​ពេល​ខ្លះ អាច​នាំ​ឲ្យ​ឆ្លង​មេរោគ​នៅ​នឹង​បំពង់​បង្ហូរ​ទឹកនោម​ទៅ​វិញ​នោះ​ទេ ។

ប្រសិនបើ​អ្នក​ឧស្សាហ៍​រួម​ភេទ សូម​ទៅ​នោម​មុន និង​អំឡុង​ពេល​២៥​នាទី​ក្រោយ​ពី​រួម​ភេទ​រួច​។ ក្រោយ​ពី​រួម​ភេទ លាង ថ្នម​ៗ​ត្រង់​ប្រដាប់​ភេទ ដើម្បី​កម្ចាត់​បាក់តេរី​ចេញ ។ ចៀសវាង​ទីតាំង​នៃ​ការ​រួម​ភេទ​ដែល​ធ្វើ​ឲ្យ​ប៉ះពាល់​ដល់​បំពង់​បង្ហូរ​ទឹកនោម ឬ​ប្លោក​នោម ។

ជា​ចុង​ក្រោយ ផឹកទឹក​ឲ្យ​បាន​ច្រើន​ក្នុង​មួយ​ថ្ងៃ ដើម្បី​រក្សា​ឲ្យ​ប្លោក​នោម​ធ្វើការ​ខ្លាំង និង​កម្ចាត់​បាក់តេរី​ចេញ។ ទោះបីជា​ការ​ឆ្លង​មេរោគ​នៅ​នឹង​ផ្លូវ​បង្ហូរ​ទឹកនោម មិន​ស្រួល និង​ជា រឿយ​ៗ​ធ្វើ​ឲ្យ​អ្នក​ឈឺ​ក៏​ដោយ ប៉ុន្តែ​វា​គឺជា​រឿង​ទូទៅ​នោះ​ទេ ហើយ​វា​ងាយស្រួល​នឹង​ព្យាបាល ។ ភាព​ឆាប់​ប៉ុនណា​ដែល​អ្នក​ជួប​ជា​មួយនឹង​គ្រូពេទ្យ​នោះ នោះ​អ្នក​នឹង​បាន​ធូរស្រាល​កាន់តែ​ឆាប់​(​ប្រភព​ពី​៖ Health.com.kh) ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ