ប្រទេសរុស្ស៊ី ៖ រូបភាពដំបូងនៃដ្រូនDRONEអវកាសមួយរបស់រុស្ស៊ីដែលហោះលឿនជាងសំឡេងច្រើនដង ទើបត្រូវបានបង្ហាញដល់ទីភ្នាក់ងារព័ត៌មានរុស្ស៊ី SPUTNIK ។
ដ្រូនអវកាសនោះ រហូតដល់ឆ្នាំ២០២៣នឹងអាចជួយបញ្ជូន បណ្ដាយានអវកាសទៅកាន់តារាវិថីក្នុងកម្ពស់៥០០គីឡូម៉ែត្រ។ SPUTNIK ទទួលបានរូបភាពមួយ នៃដ្រូនអវកាសម៉ូដែលដំបូងគេ អាចប្រើប្រាស់ច្រើនបែបសំដៅហោះហើរ ក្នុងល្បឿនលឿនជាងសំឡេងច្រើនដង ក្នុងបរិយាកាសនិងក្នុងទីអវកាស។ រូបភាពដ្រូននេះ មានរាងដូចជាយន្តហោះមួយ មានម៉ាសីុនតែមួយគត់ ដោយវានឹងអាចប្រើប្រាស់បានច្រើនបែប។
ប្រធានអគ្គនាយករបស់ក្រុមហ៊ុនISSENលោកអីុអូរីបាក់កូឡូវ គូសបញ្ជាក់ប្រាប់ SPUTNIKថា ដើម្បីផលិតដ្រូនមួយចំនួន នោះគ្រឿងទាំងឡាយសុទ្ធតែជារបស់រុស្ស៊ី ហើយយាននោះនឹងបំពាក់ម៉ាស៊ីនតែមួយ14D30។ ប្រធានអគ្គនាយករូបនោះក៏ប្រកាសផងដែរថា ដ្រូននេះនឹងមិនប្រើប្រាស់ក្នុងគោលដៅយោធាឡើយ។
វានឹងត្រូវធ្វើការហោះសាកល្បង៥លើក ក្នុងឆ្នាំ២០២៣។ បណ្ដាអ្នកបង្កើតដ្រូនអវកាសនោះ វាយតម្លៃថា វាអាចហោះហើរក្នុងកម្ពស់១៦០គីឡូម៉ែត្រ និងអាចហោះហើរក្នុងល្បឿនលឿនជាងសំឡេងដល់ទៅ៧ដង រួចអាចជួយបញ្ជូនបណ្ដាយានអវកាសទៅកាន់តារាវិថីក្នុងកម្ពស់៥០០គីឡូម៉ែត្រ៕
ចែករំលែកព័តមាននេះ